PINAKA BET NA PICTURE
Maayong gabii sa tanan mga dzong ug mga dzai, hapit napod ko kalimot sa kalingawan ni sis @bmjc98 karon na semana maayo nalang kay nadumduman haha. Wala ko kaapil niaging semana Kay arang limuta gyud ni inday sayang kaayo.
Maong karon ni entry na gyud ko samtang nadumduman pa hehe. Mao diay ning akong pinaka bet na picture, ang akong duha ka prinsesa. Ganahan kaayo ko maglantaw ani na picture nila maong akong gihimong wallpaper sa akong selpon :)
Duha na katuig kapin nilabay ani nga picture, kasal sa igsoon sa akong bana unya flower girl silang duha. Medyo bongga ang kasal sa tita nila sa Tagaytay gigastuhan gyud sa akong ugangan lahi ra sa kadtong kasal namu sa akong bana hehe.
Kamindot nilang lantawon ani na litrato wura gyud sila ug best buddies dili mailhan kada adlaw mag away haha sweet sila kaayo diri. Siguro ing ana gyud kay halos magkaedad raman silang duha, usa katuig ug tulo kabuwan ilang gap. Maong kung unsay paliton sa ate naa gyud si bunso kay mag emote na dayon kung walay iyaha haha. Naa bitaw usa kahigayon usa lang akong gipalit na duwaan, naghilak na dayon si bunso kay wala daw iyaha. Akong giingnan maong usa lang akong gipalit aron makabalo mo magshare dili kay mag iya-iya kung unsay naa kinahanglan magshare dili lang sa igsoon kundi sa uban pod :) Kung magshare ka sa uban, nagshow ka ug love maong always share nakasabot na sila karon dapat kita gyud ginikanan magdisiplina sa atong mga anak aron modako silang mga buotan ug responsable :)
#MyPrincesses
Sopas
Dahil maulan ulan ngayon naisipan ng asawa kong magluto ng sopas dahil paborito din ng panganay namin, si bunso hindi masyado pero kumakain din naman.
Mabuti nalang nung uwian sa school ang mga bata kanina medyo mahina nalang ang ulan, akala ko makansela ang pasoknkagaya nakaraang araw dahil sobrang lakas ng ulan :) Pero ngayon tumigil na ang ulan medyo maliwanag na.
Ang dami ng niluto ni mister ito na siguro hapunan namin nakakabusog rin naman ang sabi ko kaunti lang lutuin dinamihan naman niya. Pero masarap naman ang pagkaluto nagustuhan ng mga bata maraming sahog at gulay, kaya masarap hehe. Hanggang bukas namin itong kainin :)
Nagutom rin mga estudyante ko katatapos lang magsagot sa mga activities nila. Nakakagutom talagang mag-aral pag uwi nila galing school kakain silang kanin kasi gutom daw tapos ngayon pagkatapos gumawa ng mga homework nila kain uli, nakakagutom talaga maging estudyante hahaha.
#SnackTime
Dinner Treat
Biglang nagyaya si mister na kakain daw kami sa labas akala ko sa labas ng bahay lang haha. May kainan dito sa labas ng subd. hindi na kailangan sumakay lakad at tatawid ka lang sa highway :)
Wala sa plano na kakain sa labas, kaya ito natuloy hehe sabi ko nga kay mister wala akong badyet. Ang sabi naman niya sagot na niya ang gastos kaya wag na akong mag alala. May natira naman daw siyang badyet sa pamasahe at baon niya. Gusto lang daw niya kaming i-treat kasi gusto rin ng mga bata.
Niloloko ko nga si bunso advance celebration na namin ito sa birthday niya sa Sabado pumayag naman siya haha yung daddy lang ang ayaw :)
Masarap din talaga ang mga pagkain dito sa BOKS at presyong pangmasa lang kaya ang daming kumakain at nagtetake out unli rice pa kaya busog lusog Ka talaga. Parang mang inasal lang din siya pero mas gusto ko sabaw nila lasang beef na beef hehe. Lahat ng order nila unli rice kaya sulit na sulit kung mahilig ka sa kanin isang cup nga lang busog na ako :)
Ang inorder ng mga anak ko fried pork chop sana itong daddy nila ang inorder sizzling pork chop napaso pa tuloy si bunso. Nakipagpalit tuloy si bunso sa order ng daddy na garlic chicken. Pero ang sarap ng sizzling pork chop ang lambot niya, nag uumapaw pa sa gravy hindi tinipid sulit na ang isang daan mo unli rice pa hehe. Mas mahal pa itong grilled chicken na inorder ko pero ang sarap din ng pagkaluto ng manok ang lambot at hindi sunog hehe.
#FamilyDinner
Done Activities/Assignments
Ang daily routine ng mga estudyante pag uwi galing sa school magsasagot naman ng mga homework o activities nila. Mabuti nalang at masisipag din silang sumagot kaagad sa mga pinapagawa ng mga guro na gagawin. Pagdating dito sa bahay, kunin kaagad ang notebook kung saan nakasulat ang asignment at magbukas kaagad sa kanilang online account kung saan magsasagot sa ibang activities.
Natuwa naman ako dito sa panganay ko, sabi niya kanina pagdating dito sa bahay galing school very good daw siya sabi ni titser. Nasagutan daw niya kasi ang mga pinapasagutan ni titser na multiplication. Kaya sabi ng math titser niya sa mga kaklase, na sa panganay ko daw magpaturo kung hindi alam ang multiplication kasi marunong na daw siya hehe.
Kaya sabi ko sa panganayko, mabuti nalang at naturo ko na sa kanya kaya madali nalang sa kanya sagutan, ang tinuturo ko sa kanya na multiplication bago magpasukan apat na numero sa taas (multiplicand)at tatlong numero sa baba(multiplier) kaya dapat memorize ang multiplication table yun ang importante at mabuti mabilis lang niyang nakabisado :) Kaya madali lang niyang nasagutan ang pinasagutan ni titser kanina kasi isang numero o dalawang lang ang multiplier :)
Nakakatuwang tingnan at masarap sa pakiramdam nagsisipag mga anak natin sa kanilang pag-aaral.
Mapagpalang Miyerkules Noise fam!
Miracle Fruit
Nung Sunday pumunta kaming mag-iina sa bahay ng kapatid ko dahil pinagsabay nila ang selebrasyon sa kanilang kaarawan parehas kasi silang mag-asawa September ang birthday at selebrasyon din ng kanilang first wedding anniversary.
Ang tuwa ko talaga ng makita ko ang puno nitong miracle fruit at ang daming bunga ang lalaki pa nila. First time ko talagang makakita ng prutas nato kasing laki ng buko ang bunga niya nakakatuwa lang tingnan. Sa kapitbahay pala ito ng kapatid ko pauwi na kasi kami nun at naghihintay ako sa labas ng bahay ng kapatid ko dahil magpapahatid kami sa sakayan ng dyip. Ang mahal naman kasi ng pamasahe papasok at palabas dito sa subdivision nila 30pesos ang bayad tapos tatlo kami kasi itong bunso ko ayaw pumayag na kandungin siya dahil big girl na daw siya o dibah, ang gastos ng pamasahe maarte itong bunso ko may pinagmanahan hehe
Anyway balik tayo sa miracle fruit, ang dami palang health benefits ang plant nato kayo nalang bahala magsearch hahaha basta marami siyang benepisyo sa kalusugan natin. Pati yung dahon niya pwedeng ilaga at gawing tsaa.
Isang maulan na araw ngayon na-cancel ang pasok ng mga estudyante ngayon dito sa amin dahil sa sama ng panahon, kagabi pa nag umpisa ang ulan. Pero kahit naulan naglaba parin ako dahil tambak na talaga ang labahin. Stay safe ang lahat.
#MiracleFruitPlant
Biko at Kape
Natapos na uli ang weekend busy na uli ang mga nanay tulad ko sa ating mga estudyante.
Ang aking simpleng agahan ngayong umaga. Ito yung na take home ko kahapon sa birthday o wedding anniversary ng kapatid ko at hipag.
Ganito rin hapunan ko kagabi may kainan pagkatapos ng women's fellowship namin may biko rin na meryenda, pagkauwi galing fellowship hindi na ako naghapunan uli nabusog na sa kinain ko na biko at nagkape din.
Hindi halatang namiss ko itong biko ang sarap kasi pagkaluto hindi masyadong matamis.
Pinaresan ko ng kape, ito talaga plano ko kaya nagtake home ako kahapon para may agahan ako na partner sa kape. Nagtimpla akong black coffee mas gusto kong ganito walang creamer may kaunting asukal lang. Kaya kapag bumibili kami ng kape hindi 3in1, kape at creamer kasi minsan gusto namin kape lang walang creamer para hindi rin ma-sugar ang kape namin :)
Blessed Busy Sunday
Sobrang busy ang araw namin mag iina kanina, pagkatapos ng church service pumunta kami sa bahay ng kapatid ko Doon na kami naglunch. Dahil wedding anniversary nila today at sinabay na rin ang pagdiriwang ng kanilang kaarawan, sa Miyerkules birthday ng hipag ko at yung sa kapatid ko naman nakaraang linggo.
Dami nilang bisita ka-churchmates ni hipag dami rin pagkain kaya sobrang busog lusog today, thank you Lord. Ang biko ang pinakagusto ko sa pagkain namiss ko, ang sarap din ng pagkaluto hindi masyadong matamis. Kaya nagtake home ako para agahan ko bukas sabayan ng kape :)
Ang daming bisita kaya mga kiddos stay sa room para hindi magulo. Kaya ayan nagkakatuwaan din silang nagpagalingan sa pagguhit hehe. May mga pamangkin din si hipag na nagpunta.
Alas singko umuwi na kaming mag-iina dahil may women's fellowship pa gaganapin sa bahay ng kasamahan namin sa church. Mahigit alas sais natapos ang fellowship, pagkatapos kainan may biko at kape galing starbucks daw :)
Kaya kumain uli ako ng biko at nagkape din makatikim man lang ng starbucks na coffee hehe hindi ko na nilagyan ng asukal at gatas pure kape lang talaga para malasahan ang kape ng Starbucks haha.
Hope you enjoy your weekend Noise fam!
Simpleng ulam
Katatapos lang namin kumain pinagpawisan ako kakahigop ng sabaw nitong laswa, sobrang init din kasi ng panahon kaya tulo pawis talaga kahit kaliligo ko lang :)
Medyo matagal ng hindi ako nakaluto nitong laswa kaya kaninang alas onse pagkatapos ng Bible class ng mga girls ko bumili kaming gulay. Gusto rin ng mga anak ko itong Laswa itong asawa ko lang talaga ang maarte hindi daw talaga niya Kaya kumain nito hehe. Dahil night shift work ni mister kaming mag-iina lang kakain kaya ito din naisipan kong lutuin hanggang gabi na namin itong ulam, bibili nalang si mister ng ulam niya mamayang gabi.
Mas masarap din talaga kapag may tanglad ang bango lang bihira lang magamit itong tanglad ko na tanim kaya ang lago na.
Ang ulam namin ngayon ay halagang singkwenta pesos busog lusog kana masustansya pa. Mas gusto rin ng mga anak ko ang mga gulay na dahon. Itong niluto kong Laswa pinaghalong kalabasa, patola, talbos, saluyot at malunggay nilagyan ko rin ng dried shrimp na maliliit. Nilalagyan kong kalabasa at kailangan lata pagkaluto kasi dinudurog ng dalawang anak ko para magkulay dilaw yung sabaw :)
Happy lunch Noise fam! Sobrang init ng panahon ngayon perfect sa mga naglalaba.
Happy and Blessed day and stay safe ang lahat.
Parents Emergency Meeting
Kagabi nagmessage na ang adviser ng panganay ko na may emergency meeting kaming mga parents. Nagpapaalala ang titser na kailangan kaming mga magulang na dumalo at hindi kami mag alala dahil wala naman daw sisingilin sa amin haha natawa talaga ako sa reminder ni titser baka daw kasi hindi kami dadalo sa meeting dahil iniisip kaagad may babayaran :)
Hindi sinabi ni titser na face to face pala ang meeting akala ko virtual lang kasi wala siyang sinabi na room kung saan gaganapin. Kaya late kaming mga parents, nagmessage ang titser sa GC nasaan na daw kaming mga magulang :) hindi kasi kumpleto impormasyon ni titser hehe.
Ang naabutan ko sa meeting pagdating ko ay number 3 na topic about sa diagnostic test ng mga bata bawat subjects. Maayos at mabait ang adviser ng panganay ko napaliwanag naman ng maayos ang bawat concern ng mga magulang. Hindi naman talaga biro ang maging titser kaya kailangan talaga natin silang tulungan upang matuto ang ating mga anak at hindi iasa sa kanila ang lahat ng responsibilidad para matuto ang mga bata.
Kaya salamat sa lahat ng gurong nagsisipag at nagtitiyaga para may matutunan ang ating mga anak :)
Chocolate cake
Kakauwi lang ni mister galing sa lunch date nila ng mga katrabaho day off kasi nila ngayon. May dalang pasalubong na cake fave kasi ng mga bata ang chocolate cake lalo na si bunso ko.
Kaya tuwang-tuwa ang dalawang makulit sa kanilang snack. Pinapasok na nila dito sa loob ng bahay ang bff na kalaro nila paulan-ulan kasi hindi maintindihan ang weather aaraw tapos uulan bigla :)
Mabuti kaninang alas dos uwian ng mga bata sa school walang ulan o ambon. Nakakapanibago talaga kapag nasa school mga bata ang tahimik ng bahay haha. Masaya parin talaga kapag kasama mga anak :) Kaya nakakamiss kaagad kahit ilang oras lang pasok nila.
Fun Time
Dahil nangako ang Lola na ipapasyal sila bago kami umuwi dito sa bahay. Ito ang ganap kahapon ng hapon naabutan ng gabi ang dalawang makulit nagsawa kakalaro :)
Kaya sobrang saya nila, enjoy na enjoy mga makukulit pero hindi talaga maiwasan may kasamang away kapag natalo sa laro hehe. Pero mamaya lang bati na kaagad mga bata talaga :)
Grabe ang tuwa nila nung naglaro sila sa piano pagkatapos ng laro ang daming tickets na lumabas. Niloloko ko nga bakit ang daming tickets lumabas nandadaya yata kayo kasi hindi naman maayos pagkalaro hahaha.
Nawala na yung air hockey na gusto nila laruin dito. Nung last time naming punta dito bago magpasukan dun sila tumagal sa paglalaro sa air hockey ang saya nga naman kasi laruin :)
Masaya rin ang short vacation ng mga dalaginding ko sa kanilang Lolo at Lola.
#AyalaMallSiren
#Tagaytay
On the way home
Nakarating kami kaninang alas otso ng umaga, umalis kami sa Tagaytay ng alas siyete mabuti walang trapik kaya mabilis kaming nakarating dito sa Dasma. Mabuti maaga rin nagising dalawang anak ko excited na rin umuwi ng bahay dahil may face to face class sila.
Tamang-tama lang ang dating namin hindi Kami na late sa pasok nila na alas diyes may oras pa, nakapagluto pa ako ng babaunin ng mga estudyante ko at nakaplantsa pa ng uniform nila.
Sobrang lakas ng ulan ngayon kaninang umaga ang tindi ng araw paiba-iba talaga ang weather kaya hindi maiwasan magkasakit.
Hoping mamaya pagsundo ko ng alas dos uwian ng dalawang anak ko wala ng ulan. Ang hirap magbyahe ng maulan hindi maiwasan na maulanan sila. Wala pa naman silang raincoat tapos ang lakas ng ulan.
Mapagpalang araw Noise fam. Stay safe ang lahat!
Pineapple Pie
Nagbigay ang kapatid ng aking biyenan na babae ng aming meryenda :) Ang sarap ng Pineapple Pie na'to talagang hindi tinipid sa pinya kaya sulit sa sarap lalo na kung mahilig ka sa pinya hehe.
Ang mga anak ko naman ayaw nila kaya nagluto nalang akong pansit canton sa kanila at may bread naman na. Kapag hindi nila kilala ang pagkain o hindi pa sila nakatikim ayaw talaga nilang kainin maarte lang din :)
Ang sabi ng mother in law ko pinipilahan daw ang bakeshop na'to may iba't ibang flavor sila ng pie at talagang masasarap daw kaya maraming bumibili. Ito ang unang beses kong nakatikim ng pineapple pie madalas buko pie natitikman ko, nakatikim din ng ibang flavor ng pie hehe.
#SnackTime
Nilagang Pork Ribs
Malapit ng maluto ang ulam namin sa pananghalian. Para maiba naman hindi palaging sinigang, nilagang buto-buto naman ngayon. Kanina pa itong alas nuwebe ko pinakuluan maagang dumaan ang mobile palengke dito sa furniture shop ng mga biyenan ko. Kaya maaga rin nag umpisa magluto sobrang lambot na nitong nila ko dalawang oras na mahigit napakuluan. Ang biyenan ko kasing babae hindi na nakakain ng matigas kaya dapat malambot pati mga gulay dapat kailangan malambot din masarap pa naman ang half cook lang :)
Ngayong araw sana kami uuwing bahay kasi baka mag alanganin kung bukas pa dahil may pasok mga anak ko ng alas diyes kaya lang busy pa mga biyenan ko dito sa shop nila at nangako pa dito sa mga apo na ipapasyal daw mamaya, kahapon pa kasi dapat mamasyal kaso paulan-ulan kaya hindi nakaalis, ngayon magnada ang panahon maaraw na tuloy na siguro ang pasyal mamaya hehe.
Maaga nalang daw kami aalis bukas dapat wala pang alas siyete nakaalis na kami, hindi ko pa naman naplantsa uniform ng dalawang anak ko, kaya mamalantsa pa pagdating.
Nakaluto naba ang lahat? Happy lunch Noise fam! Have a great and blessed day and stay safe.
Dried Fish/Squid
Ang sarap ng pasalubong ng mga kamag-anak ng biyenan kong babae tuyong pusit at isda. Galing sa Iligan ang mga relatives ng mother in-law ko na bumisita dito sa Tagaytay. Kaya nagyaya magnight swimming kagabi minsan lang sila nagkakasama-sama at umuwi na rin kaninang umaga sa Iligan. Matagal na naman daw uli magkita-kita at magkakasama.
Sayang lang overnight na binayaran nila sa resort kagabi hindi rin naman doon natulog. Kaya dismayado dalawang dalaginding ko kasi gusto nila doon matulog pero nagsiuwian na ang lahat kaya uwi na rin daw kami sabi ng biyenan kong babae hanggang pag-uwi namin kagabi wala sa mood ang dalawang anak ko hehe.
Ito pala ulam namin kaninang agahan nagprito ako ang sarap ng tuyong pusit ganun rin itong isda. At unang beses kong makatikim ng ganitong klase ng tuyo parang tocino siya kaya ganyan kulay pula. Ang akala ko talaga maanghang siya kaya pula ang kulay yun pala manatamis siya tocino style :)
Movie Time
Napagod na silang magswimming kaya pahinga na daw nilamig na rin daw sila :) Siguro kung araw nagswimming siguradong magtatagal pa sila sa swimming pool.
Pagkatapos magbanlaw kumain uli at punta kaagad dito sa room. Kasama ng mga anak ko ang pinsan nila magkakasundo talaga sila mga inglesira haha. Itong mga anak ko naging inglesira kakapanood ng palabas na ingles ayaw rin kasi nila manood ng tagalog. Kinakausap namin sa bahay tagalog o kaya binibisaya ko ingles naman sagot sa amin kaya minsan pinapatulan ko hahaha.
Disappointed ang mga anak ko dahil uuwi pala kami iniexpect nila dito kami matulog yun pala uuwi din nag enjoy pa sila magstay hehe. Kaya ang lungkot ng dalawang makulit.
#DoneNightSwimming
Night Swimming
Sobrang saya ng mga girls ko nagmamadali ng kumain ng dinner para makapagswimming na kaagad.
Pagdating sa room humiga kaagad sa higaan tuwang-tuwa lang :) Pagkatapos nagbihis kaagad ng pangligo para swimming na daw nila. Papunta pa lang kami dito sa resort panay reklamo gutom na daw sila. Tapos nakita lang swimming pool gusto na kaagad maligo nawala na ang gutom haha.
Ang akala ko talaga bukas pa ang overnight swimming ngayon na pala, hindi kami nagkakaintindihan ng biyenan ko hehe. Kaya kanina nagmamadali na kami ng mga bata dahil nagcommute lang umalis kami sa bahay ng alas tres nakarating kami dito sa Tagaytay ng alas singko. Mabilis lang sana kung bus sinakyan namin ayaw lang talaga ng mga bata mahihilo daw sila kaya no choice kundi magdyip kami, mabuti nalang hindi nahilo minsan kasi kahit dyip nahihilo parin sila.
#ManHan'sGarden
#TagaytayCity
Pancake for Breakfast
Nagrequest kagabi mga anak ko na pancake daw gusto nilang agahan. Nagsawa na sa kanin at itlog na halos araw-araw nilang breakfast :) Habang nagluluto kaninang alas siyete bigla pang nag brown out kaya ang init tuloy mga anak naglalaro nalang sa labas ng bahay habang naghihintay sa niluto. Tumagal rin ng halos isang oras nawalan ng kuryente at hanggang ngayon wala parin tubig ang hirap talaga mawalan ng tubig mas mabuti ng kuryente ang mawala.
Excited rin mga anak ko ngayong araw kaya maaga silang nagising dahil pangako ng Lolo at Lola na sunduin kami ngayong umaga at pupuntang Tagaytay may family gathering daw bukas sa side ng biyenan kong babae may darating silang kamag-anak na nasa malayong lugar bibisita. Kaya lang tumawag ang biyenan kong babae magcommute nalang daw kami dahil may biglaang delivery sa furniture shop nila at walang driver kasi sasama ang Lolo sa pagdeliver.
Mamayang hapon nalang kami aalis natamad na tuloy akong pupunta sa mga biyenan ko ang hirap kasi magcommute mahihiluhin pa sa byahe mga anak ko tapos mag isa lang akong pupunta hindi kasama si mister dahil may work siya.
Walang pasok sa school mga anak ko bukas, sa miyerkules at huwebes pa kaya wala akong lusot kung sakaling hindi kami sasama sa family gathering haha. Sobrang excited na rin ang dalawang anak ko dahil nabanggit ng lola mag overight swimming daw bukas. Basta swimming gustong gusto ng mga kiddos ko halos lahat yata ng bata gusto talaga magswimming.
Happy and Blessed Sunday Noise fam! Enjoy your weekend and stay safe.
Tofu Sisig/Fried Tofu
Katatapos lang namin mananghalian medyo late na kumain matagal kasing nagising kanina kaya late na ang breakfast, walang pasok mga kiddos pahinga sa paghatid at sundo pero may gagawin silang mga activities.
Para makatipid itong tokwa naisipan kong lutuin nilagyan kong oyster sauce at pagkaluto nilagyan ng mayonnaise may natira pa sa ref kaya hindi na bumili :) Lagyan ko pa sana ng itlog kaso wala na pala akong stock. Gusto maanghang anghang kaya nilagyan na rin ng sili. Nagtabi rin ako ng pinrito kong tokwa masarap din kasi itong isawsaw sa toyo at kalamansi :)
Nagustuhan ni mister ang niluto ko pero sabi niya sa sunod lagyan daw ng chicharon na pino mas masarap daw yata kapag ganun :) Kaya sa sunod ganun gagawin kong luto nitong tofu sisig.
Mga anak ko ayaw nila nito kasi medyo maanghang din kaya yung natira na chicken steak kahapon ang ulam nila.
Mapagpalang araw ng Biyernes Noise fam ang bilis ng araw weekend na naman :)
Family Picture
Maayong gabie mga dzong ug mga dzai, kumusta ang tanan mga kabisdak diha? :) karon pa gyud ko kahigayon ug post sa akong entry sa pacontest ni sis @bmjc98 mao ni akong first time moapil sa kalingawan :)
Bahin diay aning akong gishare na picture kadtong nagbakasyon mi ani niaging tuig sa among probinsya sa Surigao. Nagsabot ming magsoon na manguli ug didto magsaulog sa pasko ug Bag ong tuig labina sa pagsaulog sa birthday sa among pinalanggang inahan.
Gilibre man pod ko ug pamilete sa akong igsoon uban akong duha ka anak maong lipay kaayo kay nakalibre unya makauli pa gyud ko sa akong yutang natawhan :)
Talagsa ra gyud mi magkatapok sa balay magsoon tungod kay naa namay pamilya ang tanan except sa isa nako kamanghod na babae wala pay bana, wala na gyud siyay plano magmenyo dili daw niya ibaylo iyang career sa pag-asawa haha.
Walo mi tanan magsoon upat Ka laki ug upat Ka bae pero napulo gyud mi tanan sayo lang gikuha ni Lord akong duha kamanghod :( kugihan kaayo akong papa maong daghan mi hehe. Wala kauli among kamanghuran na igsoon naa man sa gawas nagtrabaho, wala gyud daw mosugot iyang gitrabahuan na mobakasyon siya kay wala pa mahuman ang kontrata maong sayang wala namu siya makauban.
Mao ni na higayon birthday ni mama (Dec. 21) lima kaadlaw nilabay ang bagyong odette (Dec 16). Grabe gyud ang bakasyon namu gipatilaw rami duha kaadlaw may kurente nanguli mi Dec 14 unya human duha kaadlaw niabot si odette. Grabe gyud kakusog ang bagyo ang among balay kilid ug suba maong baha gyud ang palibot sa balay, salamat sa Ginoo kay wala nisulod sa balay. Maayo nalang kay hapon nahitabo ang bagyo maong nahipos ang mga binuhing hayop nila mama lingaw kaayo akong mga anak kay wura na daw ug Zoo among beranda klase-klaseng hayop didto gibutang :)
Nagsaulog mi sa birthday ni mama ug pasko ug bag ong tuig pod na walay kurente wala madayon ang plano na outing tungod kay nangaguba ang suruyanan. Hangtod nanguli mi enero 17 wala gyud gihapoy kurente grabeng damage sa among probinsya. Pero bisan paman lingaw gihapon kaayo kay nagkatapok mi labina mga bata lingaw kaayo halos sa dagat na magpuyo sigeg pangaligo haha.
Pasensya na taas na kaayo akong tsika :) kinsay gusto moapil diha sa kalingawan mao ni ang link
https://noise.cash/post/14rmg32z.
Apil namu aron daghan ta mas bibo ug mas lingaw :)
Lunch Time with Movie ^_^
Katatapos ko lang maglaba dami, isasampay ko nalang. Maaga akong nagising para maglaba at maagang maisampay makatuyo kaagad pero hindi nakiayon ang tubig. Bigla naman humina ang tubig kaya naabutan parin ng hapon ang paglalaba maganda pa naman ang panahon makatuyo na sana.
Pag uwi kong naghatid kaninang alas diyes sa mga estudyante ko bumalik na ang lakas ng tubig kaya nagbanlaw kaagad. Niluto ko muna ang ulam namin pananghalian para habang nagbabanlaw ako nakasalang na siya. Nag-aaral kasi si dodong (mister) may tinapos aralin regarding sa trabaho niya, day off niya ngayong araw.
Kahapon ko pa binabad sa kalamansi at toyo na may paminta itong ulam namin para mas masarap.
Nagprito lang ako nitong binabad na chicken steak para baon sa mga bata mamayang alas dos uwian nila sa school kaya kailangan may baon silang kanin dahil doon na sila mananghalian.
Habang kumakain kami ni mister nanood kaming movie parang Train to Busan daw ito sabi nila. Ang pamagat nito Emergency Declaration. Tamang-tama matapos ang movie sunduin ko mga estudyante ko :)
#ChickenSteak
#MovieDay
Second day of Face to face Class
Sobrang excited ng dalawang prinsesa ko pumasok sa school kanina first time kasi nilang pumasok ng sabay :) Dumating ang Lolo at Lola, mga biyenan ko kaninang alas otso kaya naihatid sila papuntang paaralan. Tuwang-tuwa naman silang makita mga apo na papasok ng sabay :)
Ang higpit ng guard ayaw ng papasukin ang mga parents na maghahatid sa mga estudyante. Nung mga nakaraang linggo naihatid ko pa sila sa room nila, kahit sinabi ko sa guard na hindi alam ng bata ang room nakalimutan kasi ng mga anak ko ito yung pangalawang beses na papasok sila sa school, ayaw ka talagang papasukin.
Sa panganay ko mas madali lang ang room kasi ground floor lang siya kaya tinuro ko na pang ilang room siya. Si bunso second floor mabuti may guro naggabay hinatid siya. Nagmessage ako sa mga guro ng mga anak ko kung nakarating ba sila sa room walang reply busy na siguro sa klase.
Nakakapanibago pag uwi ko ng bahay ang tahimik walang makukulit na maingay haha. Mamayang alas dos pa uwian nila kaya oras naman sa mga gawaing bahay :)
Happy and Blessed Wednesday Noise fam!
School Shoes
Dahil tag ulan ngayon bumili ako ng goma na sapatos sa dalawang anak ko para isusuot nila sa school. Ang ganda lang din ng nabili namin kasi ang lambot kaya hindi magkakapaltos ang paa nila.
Binili namin ito kahapon syempre kasama ko ang dalawang dalaginding ko para isukat ang sapatos sa kanila :) mabuti hindi nagrereklamo sa sapatos na binili ko sa kanila maganda rin naman kahit mumurahin lang hehe. Pero natitiyak ko kapag nakita ito ng biyenan ko magrereklamo yun bakit ganyan klase ng sapatos binili ko haha. Gusto kasi nun sa mall ka talaga bumili hindi sa palengke :)
Nabili ko pala ito sa halagang 150pesos isang pares, mas mura na rin kaysa iba 180pesos ang benta. May tupi lang tingnan pero kapag nasuot mo na maganda na tingnan sa paa hindi na kita ang tupi niya. Excited na ang dalawang anak ko na pumasok bukas kasi sabay daw silang pupuntang school parehas kasi sila ng schedule :)
Isang maulan uli na hapon ngayon mabuti nakabili na kami kahapon nitong sapatos balak ko pa naman ngayong hapon kami bibili. Stay safe Noise fam have a blessed day!
Bunso Writing Notebooks
Pinagtiyagan ko talagang tahiin ang mga notebook ni bunso, siyam na writing notebook ang kailangan nila ngayong school year. Kapag ganitong notebook kasi mabilis masira dahil nakastapler lang. Kaya para umabot ng isang tao at hindi masira tinahi ko na ginawan nalang ng paraan para mabutasan ko at matahi. Ang carelss pa naman nitong bunso ko sa mga gamit niya, kaya para masigurado na umabot ng isang taon tinahi ko na at si mister naman ang nagcover ng plastic :)
May color coding din ang notebooks ni bunso kaya nilagyan ko nalang ng cover na colored paper yung tatlong notebook walang mabili si mister na color red, green at orange. Tinahi ko muna bago lagyan ng colored paper na cover sinukat ko na rin kung saan nakalagay ang pangalan niya, subject, grade/section at pangalan ng guro para hindi matakpan pagbalot mabuti nalang sumakto hehe.
Sa eldest ko spiral notebook ang gamit nila kaya bumili na si mister ng isang bundle, sampung piraso na nakatahi mas matibay kasi ang ganun walang color coding sa panganay ko kasi Grade 4 na daw sila kaya hindi mahirap bumili :)
Nilagyan ko na rin ng pangalan ng subject ang bawat kwaderno para mabilis pagkuha sa bag o mabilis mahanap.
Nagbago schedule ni bunso ng pasok dati every other Friday lang pasok nila, umpisa this week every Wednesday and Thursday na mabuti nalang parehas silang Set B ng ate niya at parehas sila ng oras ng pasok. Kaya isang hatid at sundo lang ako sa kanilang dalawa hindi masyadong magastos sa pamasahe :)
Blessed and Fun Sunday!
Pagkatapos ng church service kaninang umaga 11:30am nagpahinga lang saglit. At umalis rin ng 1:30pm dahil may women's fellowship ng alas dos. Medyo malayo pa ang church na pupuntahan namin kung saan gaganapin ang fellowship ng mga kababaihan.
Ang kasamahan namin sa church naimbitahan ng kapatid niya sa church nila na magbigay ng mensahe ni Lord sa fellowship kaya sinamahan namin siya para suportahan.
Ang saya ng fellowship kanina pagkatapos ng word of God ay may palaro at kainan :) Sobrang nag enjoy kami sa games ang saya lang bumabalik kami pagkabata haha.
Bukas pasok na uli mga estudyante natin kaya back to reality sa daily routine nating mga mommies at ang mga papasok sa trabaho.
Isang mapagpalang Linggo Noise fam!
Snack Time!
Maulan na hapon kaya masarap kumain at magkape. Nagluto ako ng bananacue meryenda namin. Gusto din uminom ng mainit mga anak ko hot choco daw kaya bumili akong swiss miss with marshmallow. Na-attract sa marshmallow tapos nung tinimpla ko na natunaw sa init ang mallows nagtatanong pa ang dalawa bakit ang liliit na daw ng marshmallow haha.
Masarap kumain kapag malamig ang panahon kaya kain lang ng kain habang may pagkain :)
Naglaba ako kaninang umaga naka-dalawang salang lang ako kaya mabilis natapos hindi ako naabutan ng ulan pero mga sinampay ko naabutan talaga haha ang importante nakapaglaba ako para hindi matambakan hoping bukas umaraw para matuyo mga nilabhan ko.
Kahit kumakain busy sa tablet itong dalawang dalaginding ko pagbigyan sa gadyet weekend naman pero mamaya kaunti tigil na rin yan sa tv ko na papanoorin.
Kumusta ang weather diyan sa inyo Noise fam? Stay safe kayong lahat.
Bunso First day of face to face Class
Sobrang excited yung bunso ko kanina sa kanyang first day of face to face class nakapasok na rin sa paaralan pagkatapos ng dalawang taon na online class lang sila :)
Every other Friday ang pasok nila nakaraang Biyernes set A ang pumasok kaya set b naman ngayong araw. Mabuti nagsend ng mga picture ang adviser ni bunso kanina sa klase nila. Nagbidyo rin habang sumasayaw ang mga bata.
Ang sabi ng bunso ko masaya daw ang first day of school niya nagsulat at pinabasa daw sila kanina sa ingles at tagalog. Sabi ni teacher very good daw siya sa pagbabasa kasi magaling at mabilis n siyang magbasa lalo na sa ingles kaya proud mama naman si ako hehe. Mas gusto kasi nilang basahin ang ingles din parehas sila ng ate niya.
Mabuti hindi malakas ang ulan paghatid at pagsundo ko Kay bunso medyo late pa siya sa klase kanina nag ehersisyo na mga kaklase niya pagdating namin :) alanganin kami sa oras kanina kahit 10am na ang pasok na late parin hehe. Ngayon medyo malakas na ulan dito mabuti nakauwi na kami bago umulan ng malakas.
Stay safe Noise fam lalo na sa mga lugar na naapektuhan ng bagyo doble ingat po.
Buko Juice and Bread
Isang napakainit na weather uli kaya masarap uminom ng malamig na inumin. Kaninang umaga, pinabili kong gulay si mister dahil day off niya, naisipan niyang bumili ng buko para gawing buko juice. Bumili siyang dalawang huko tig 24pesos daw ang isa, kaysa bibili ng sofdrinks buko nalang daw ka very good ni dodong hehe.
Dahil umpisa na ng ber month magseryso na daw talaga siya sa pagdadiet hoping so tuparin niya hindi lang para sa reward na matatanggap kapag pumayat siya, kundi para na din sa good health niya. Ang sabi nga, health is wealth kaya dapat ingatan at alagaan ang ating kalusugan.
Bumili lang din ng tinapay para sa mga kiddos may chicken spread na palaman. Hindi mahilig sa laman ng buko ang dalawang anak ko sabaw lang gusto nila. Nilagyan ko kasing kondensada na maliit kaya ang sarap tapos malamig pa :) Tamang-tama ngayon mainit ang panahon. Kung nasa probinsya lang sana namin magsawa ka sa buko akyat ka lang sa puno :) Maalala ko noong kabataan pa kapag gusto kong kumain ng buko aakyat lang sa puno pero sa hindi masyadong mataas :) Pero ngayon hindi na kaya nanginginig na ang tuhod haha.
Kumusta kayo Noise fam?katatapos ng gumawa ng activities mga anak ko kaya meryenda muna. Online class lang sila today, bukas si bunso ang may face to face class. Kaya maghatid sundo uli bukas sa paaralan.
Mapagpalang araw Noise fam! Stay safe ang lahat.
Buwan ng Wika (Throwback)
Ang bunso ko na makulit, na napakabibo :) tatlong taon na ang nakalipas sa mga larawan na'to. Sobrang kulit lang ng bunso ko dito kinder pa siya nito. Sa kanilang grupo siya yung bibo panay ang ngiti samantalang mga kasamahan niya ang seseryoso nila sa pagsasayaw haha.
Natatawa nalang talaga kami kapag napanood namin uli yung video ng sayaw niya. May sarili pa siyang dance move tapos tawang-tawa sa pinaggagawa niya haha. Ang kulit lang talaga pagkatapos titingin sa mga kasamahan niya babalik uli steps ng sayaw nila kaya habang ako nagbibidyo tawa ako ng tawa sa kakwelahan niya :D
Nakakatuwa lang kasi hindi talaga siya nahihiya at ang active pa niyang sumayaw kaya daming natuwa sa kanya tapos siya pa pinakamaliit sa grupo pero grabe ang energy niya haha.
#YearsAgo
#MyYoungestPrincess
Busy Day
Tapos na ang long weekend, kaya ito abala na uli mga estudyante ko sa kanilang pag-aaral. Kaninang umaga alas diyes hanggang alas dos pasok ni bunso sa online class kaya gumagawa na siya ng mga activities ngayon. Sa Friday pa face to face class nila tuwing Biyernes lang sila may pasok sa paaralan.
Ang ate naman parehas sila ng pasok 10am-2pm kaya lang ngayong araw na-move sa alas kwatro at katatapos lang ng klase nila akala ko abutan pa ng gabi ang online class ng panganay ko mabuti maaga ang uwian :) May mga pinapagawa lang na activities ang mga guro.
Ang dami na kaagad pinapagawa kaya mas maging abala na uli tayong mga nanay sa paggabay umpisa na naman na masubok ang pasensya natin hahaha. Kailangan mag ipon ng mahabang pasensya :)
Hindi maaraw ang panahon ngayon kumpara kahapon sobrang init. Pero mabuti nalang hindi umulan nakatuyo parin ng mga nilabhan ko kahapon. Mapagpalang araw Noise fam!
@ruby0622
