@ruby0622 8 September 2022

Family Picture Maayong gabie mga dzong ug mga dzai, kumusta ang tanan mga kabisdak diha? :) karon pa gyud ko kahigayon ug post sa akong entry sa pacontest ni sis @bmjc98 mao ni akong first time moapil sa kalingawan :) Bahin diay aning akong gishare na picture kadtong nagbakasyon mi ani niaging tuig sa among probinsya sa Surigao. Nagsabot ming magsoon na manguli ug didto magsaulog sa pasko ug Bag ong tuig labina sa pagsaulog sa birthday sa among pinalanggang inahan. Gilibre man pod ko ug pamilete sa akong igsoon uban akong duha ka anak maong lipay kaayo kay nakalibre unya makauli pa gyud ko sa akong yutang natawhan :) Talagsa ra gyud mi magkatapok sa balay magsoon tungod kay naa namay pamilya ang tanan except sa isa nako kamanghod na babae wala pay bana, wala na gyud siyay plano magmenyo dili daw niya ibaylo iyang career sa pag-asawa haha. Walo mi tanan magsoon upat Ka laki ug upat Ka bae pero napulo gyud mi tanan sayo lang gikuha ni Lord akong duha kamanghod :( kugihan kaayo akong papa maong daghan mi hehe. Wala kauli among kamanghuran na igsoon naa man sa gawas nagtrabaho, wala gyud daw mosugot iyang gitrabahuan na mobakasyon siya kay wala pa mahuman ang kontrata maong sayang wala namu siya makauban. Mao ni na higayon birthday ni mama (Dec. 21) lima kaadlaw nilabay ang bagyong odette (Dec 16). Grabe gyud ang bakasyon namu gipatilaw rami duha kaadlaw may kurente nanguli mi Dec 14 unya human duha kaadlaw niabot si odette. Grabe gyud kakusog ang bagyo ang among balay kilid ug suba maong baha gyud ang palibot sa balay, salamat sa Ginoo kay wala nisulod sa balay. Maayo nalang kay hapon nahitabo ang bagyo maong nahipos ang mga binuhing hayop nila mama lingaw kaayo akong mga anak kay wura na daw ug Zoo among beranda klase-klaseng hayop didto gibutang :) Nagsaulog mi sa birthday ni mama ug pasko ug bag ong tuig pod na walay kurente wala madayon ang plano na outing tungod kay nangaguba ang suruyanan. Hangtod nanguli mi enero 17 wala gyud gihapoy kurente grabeng damage sa among probinsya. Pero bisan paman lingaw gihapon kaayo kay nagkatapok mi labina mga bata lingaw kaayo halos sa dagat na magpuyo sigeg pangaligo haha. Pasensya na taas na kaayo akong tsika :) kinsay gusto moapil diha sa kalingawan mao ni ang link https://noise.cash/post/14rmg32z. Apil namu aron daghan ta mas bibo ug mas lingaw :)