@ruby0622 22 September 2022

PINAKA BET NA PICTURE Maayong gabii sa tanan mga dzong ug mga dzai, hapit napod ko kalimot sa kalingawan ni sis @bmjc98 karon na semana maayo nalang kay nadumduman haha. Wala ko kaapil niaging semana Kay arang limuta gyud ni inday sayang kaayo. Maong karon ni entry na gyud ko samtang nadumduman pa hehe. Mao diay ning akong pinaka bet na picture, ang akong duha ka prinsesa. Ganahan kaayo ko maglantaw ani na picture nila maong akong gihimong wallpaper sa akong selpon :) Duha na katuig kapin nilabay ani nga picture, kasal sa igsoon sa akong bana unya flower girl silang duha. Medyo bongga ang kasal sa tita nila sa Tagaytay gigastuhan gyud sa akong ugangan lahi ra sa kadtong kasal namu sa akong bana hehe. Kamindot nilang lantawon ani na litrato wura gyud sila ug best buddies dili mailhan kada adlaw mag away haha sweet sila kaayo diri. Siguro ing ana gyud kay halos magkaedad raman silang duha, usa katuig ug tulo kabuwan ilang gap. Maong kung unsay paliton sa ate naa gyud si bunso kay mag emote na dayon kung walay iyaha haha. Naa bitaw usa kahigayon usa lang akong gipalit na duwaan, naghilak na dayon si bunso kay wala daw iyaha. Akong giingnan maong usa lang akong gipalit aron makabalo mo magshare dili kay mag iya-iya kung unsay naa kinahanglan magshare dili lang sa igsoon kundi sa uban pod :) Kung magshare ka sa uban, nagshow ka ug love maong always share nakasabot na sila karon dapat kita gyud ginikanan magdisiplina sa atong mga anak aron modako silang mga buotan ug responsable :) #MyPrincesses