read.cash Log in
@Jane edited

Take Her To The Moon

***November 14, 2021*** **ENGLISH** https://read-cash.translate.goog/@Jane/take-her-to-the-moon-f36d0196?_x_tr_sl=auto&_x_tr_tl=en&_x_tr_hl=zh-TW&_x_tr_pto=nui Apat na taon na ang lumipas mula ng tayo'y nagtagpo. Mga ala-ala ay sa aking isipan maingat na nakatago. Masasaya at matatamis, na hindi basta-basta mabubura ng kahit anong bagyo. Tubig ma'y umapaw, ikaw sa isip ko'y mangingibabaw. Sa loob ng tren tayo ay nagtagpo. Ikaw ay nag-**Paubaya** at ako'y iyong pinaupo. Katawan mo'y matipuno, mga mata mo'y malilit na katulad sa Chino. Ako'y nagpasalamat at ikaw ay sumagot "*walang anuman*." Doon ko napagtanto na ikaw pala ay Pilipino. Sa dulo ng estasiyon, ikaw ay napahinto. Mga mata natin ay nagtagpo. Ako'y nilingon at numero ko'y iyong nilikom. Ngunit ako ay tumanggi, "***Patawad****, pero para saan*?" Ikaw ay napakamot sa ulo na para bang may kuto. Iyong sagot ay aking hinintay, hanggang mga tuhod ko'y nangalay. Ilang segundo pa ang lumipas, mga kasagutan ay iyong binigkas, "***Ikaw at Ako****, pwede bang maging magkaibigan*?" Ako ay ngumiti at paligid ay tila bang nagdahan-dahan. Ikot ng mundo ay naging **Mabagal**, o sadyang mukha ko'y makapal? Kaibigan lang iyon, bakit ang puso ko'y nag ambisyon? Mga araw ay lumipas na tayo sa mga sarili ay hindi umiiwas. Sa likod ng puno sa ating **Tagpuan,** tayo ay nag ta**Tagu-taguan**. Sa likod ng damo ako ay nagtago, nag-aakalang mga mata nati'y hindi magtatagpo. Ngunit lingid sa kaalaman ko, sa likuran ko ikaw ay huminto. "***Kita na Kita***" bulong mo sa aking taenga. Mga balahibo ko'y napatayo, puso ko'y napalukso. Mga kamay ko'y iyong hinawakan, mga mata ko'y iyong pinagmasdan. Mga paro-paro sa tiyan ko'y **Malaya**ng nagpakawala, ikaw ay magtatapat aking hinala. Ngunit ako'y iyong hinila papunta sa berdeng damuhan, na atin naging **Pahinga**an. Mga buwan ay lumipas, sarili ko aking hinampas. May araw na dumating, na para bang ako'y napapraning. Ni sarili ko'y hindi alam **Ano'ng Nangyari**, bagay-bagay ay hindi mawari. Isip ko'y litong-lito, puso ko'y naninibago. Ako nga ba'y nato**Torete** na sayo? Ako'y nagsusumamo, sagutin mo ang aking puso. Araw ay dumating na ikaw ay nagpaalam. Sa desisyon mo, ako ay hindi nangialam. At sa kabilang ibayo, ikaw ay nagtungo. Araw-araw pagbabalik mo aking hinintay, ikaw sa isipan ko lage nananalantay. Ako'y nalungkot, puso ko'y nabagot. Minuto, segundo, **Ikaw Parin** ang laging hangarin. Mga pagsisi sumagi sa isipan kong maiksi. Sarili ko sa iyo'y hindi naging tapat, puso at isipan ko'y naging kasabwat. "***Kung'Di Rin Lang Ikaw***," sa tabi ng dagat ako'y naghuhumiyaw. Mga alon ay humampas, sa dalampasigan ako'y nabaligwas. Mga bituin sa kalangitan, aking pinagmasdan. Mukha mo aking ginuhit sa madilim na langit. Maya-maya pa'y isang tunog sa likuran ko'y inihandog. Paborito kong kanta na **Perfect** ay pinapatugtog, with matching fireworks effect. Kalangita'y napuno ng kulay at nagliwanag, puso ko'y nabuhay at napanatag. Anino mo aking nasinagan, at liwanag ay dumapo sa iyong mukha mula sa kalangitan. Ngunit ako'y nagtaka sa likuran mong mga pamilyar na mukha. Luha ko'y dahan-dahang tumulo, **Before It Sinks In** sa aking ulo. Sa kabilang dayo ika'y nagtungo, para pamilya ko'y iyong mapaamo. Makalipas ang ilang saglit, matatamis na kataga'y iyong sinambit. Kasunod ay pagtugtog ng iyong gitara. Tila ba ikaw ay nanghaharana. Mga narinig ko'y hindi kanta, kundi nakakaiyak na mga salitang aking ininda. *Ever since my eyes landed on you, I can't keep myself but to think of you. You kept my heart alive and helped my broken heart to revive.* *Every time I am weary and down, you would always tease me humorously to calm down. My heart flatters, and you to me matters.* *Each day I am with you, I* ***Can't Help Falling In Love*** *with a woman I thought I'll never have. Each day I am away from you, I can't help rushing things, so I could run to you, and give you something.* *When the world seems dark,* ***You Are My Sunshine*** *that brightens the dusk. When things go wrong, you're lifting my mood to feel that there is nothing wrong.* Dahan-dahan ikaw sa akin ay lumapit. Mga kamay mo'y sa kamay ko'y kumapit. Isang bagay sa likod mo'y idinukot. Malamim na hininga ikaw ay humugot. Puso mo'y kinakabahan, samantalang saki'y parang masasabugan. Ikaw sa akin mas lumapit ng dahan-dahan. Para bang alam ko na ang kahihinatnan. Pamilya ko sa likuran mo'y tuwang-tuwa. Para bang nanonood ng drama. Na ikaw at ako ang bida, at walang humahadlang na kontra-bida. Paligid mas napuno ng liwanag. Oras gusto kong mapadali dahil baka ako'y magkakabag. Ayan na at ikaw sa harapan ko ay lumuhod, na tila ba'y hindi napapagod. Mga mata ko'y walang hinto sa pagluha, ako sa iyo'y mas lalong napahanga. Mga bibig ko'y nanginginig, hinihintay na mga salita gusto ko nang marinig.

*My day seems incomplete without you. My world seems not revolving without you. My heart seems not beating without you. My life seems useless* ***Without You****.* *From this day onwards, I want us to walk together forward. No more lonely days and nights. No more silent hours and seconds. No more fears and cries. Because we would conquer the world together.* ***We and Us****. Can we be together forever?* *Will you marry me?* Ako'y napahagulhol sa pag-iyak, na para bang ang lupa sa ilalim ko'y mabibiyak. Sa halip na sumagot, ikaw ay aking hinugot. Sa iyong pagtayo, ikaw aki'y niyakap at mga katawan nati'y naglapat. Mga magulang ko'y lumapit, ama ko ay may' isinambit.. "*Go on son,* ***Take Her To The Moon*** *for me. Love her like you promised me and never hurt her heart*." Lahat ay pumalakpak, ako'y napahalakhak. Pamilya ko'y nagalak, at kami ni Ted ay parehong napayakap. **THE END.** 😁 (*Sana all propose agad. Walang jowa-jowa* 🤣🤣. Ito yung bet ni madam 🤣🤣) **sigh** *I wish I could have this life. 😞 But only in my fiction stories.* *Do you still remember the prompt about connecting the song titles of your favorite artist? While listening to Moira's songs (my favorite Filipino singer) last Sunday, this story was formed in my mind and opted to try this prompt again. Her songs are sad but some would make you fall in love.* *I guess there's no point in translating the whole story into English for my non-Filipino readers 😅. You could tell what it is about through the English confession of the guy to me, I mean to the main lady character in my story, haha.* *I hope you like it.* You can listen to Moira's songs here 👇 https://youtu.be/u6hXD-nJj8Q Thanks for reading and enjoy listening 🙂. **More connecting song titles stories here:** **You Changed My Life In A Moment** **(From Sarah G.'s Playlist)** https://read.cash/@Jane/you-changed-my-life-in-a-moment-993891e3 **The Chantey Moon Melted and He Began To Crescendo** **(From Lee Su-Hyun's  Playlist)** https://read.cash/@Jane/the-chantey-moon-melted-and-he-began-to-crescendo-92ac1824 **You're Like A Monster That I Can't Take Off My Mind** **(From Henry Lau's Playlist)** https://read.cash/@Jane/youre-like-a-monster-that-i-cant-take-off-my-mind-880dd5d4 **A Perfect Symphony For The Galway Girl** **(From Ed Sheeran's Playlist)** https://read.cash/@Jane/a-perfect-symphony-for-the-galway-girl-b2cd1209 *Edited:* *Since Ola wants to read the English translation, I attached it above. Feel free to read it 😁. But not 100% accurate 🤣* *©read.cash@Jane (All Rights Reserved 2021)*

Time of writing: 11/07/21 @12 pm

51¢

68 comments

Log in to join in Reading is open to everyone. Replying needs an account.