It is only 6:30 am but I am already at school. Sa araw araw na lang ng ginawa ng Diyos, hindi talaga pwede na malate ako. Daig ko pa si Manong Guard sa pagpasok. Eh paano ba naman, kailangan ko na masilayan si crush. Si crush na walang malay na crush ko sya.
Ang pangalan nya ay Henry. Matangkad, matipuno ang katawan, makapal ang kilay, may nunal sa pagitan ng ilong at labi. Kaya naman ang tawag sa kanya ng mga barkada nya ay langaw. Pero kung ganitong langaw naman ang papatong sa akin ay pak na pak!
Madami nagkakagusto sa kanya, mula sa maladiyosang ganda hanggang sa sa mala Agta(saan kaya ako belong?). Pero kahit ganun pa man, napaka maginoo nya. Di ko nabalitaan na nagtake advantage sya sa mga babaeng may gusto sa kanya. At hindi rin sya mapili sa kakaibiganin. Kaya naman mas lalo syang nagugustuhan ng mga kababaihan.
Paano ko ba sya nakilala?
Isa akong transferee sa Angono National High School. Kailangan mag-adjust dahil madami ng pinapapasok sa eskwela. Unang araw ng klase kaya maaga pa ko sa klase dahil ayoko sa siksikan kapag naghahanap na ng section. But as expected, lahat ng transferee eh nasa last section, Section 16.
Wala namang problema sa akin, ang mindset ko noon eh ako for sure ang magiging top 1, hehehe! Hinanap ko agad ang room namin at pagpasok na pagpasok ko pa lang, biglang nagliwanag ang kalangitan! Para akong may nakitang anghel na bumaba sa lupa para diligan ang aking plawer!
"Shocks! Ang gwapo naman, kalma heart kalma. Huwag magpapahalatang malandi tayo. "
Dahan-dahan ako pumasok sa room kasabay ng iba pang estudyante na nag uunahan maghanap ng magandang puwesto. Ako naman ay kahit saan pwede, kahit pa kumandong sa anghel na nasa likuran ko(landi ko!)
Yes, tama, korak! Nasa likuran ko lang sya. Naririnig ko na nagkwekwentuhan sila ng mga bagong barkada nya. Doon ko narinig na Henry pala ang name. Kahit ang pangalan, ang sarap tikman, hahahaha!
Pagpasok ng teacher namin ay nagsimula na ang pinakaayaw ko sa lahat, ang "Introduce Yourself." Sino ba naman kasi ang nagpauso nang introduce yourself na yan? Ang sarap pagulungin sa hagdan!
So isa-isa ng nagpakilala ang mga kaklase ko. May pacomedy, pademure, pabebe at pamysterious. At dumating na ang time na ako naman ang isasalang sa kalan. Pakiramdam ko eh pati singit ko pinagpapawisan. Pero kailngan ko kumalma, huwag papahalatang naiihi na sa nerbiyos.
"Hi everyone! I'm Shiela, Nice to meet you all!
Ganoon lang kaikli pero feeling ko malanovela na ang sinabi ko. Paano na ba naman kasi, nakatingin sa akin si crush. Gosh, heart kalma! Noong sya na magpapakilala, tiliian ang girls, grabe. Pero siempre di ako nagpahalata. Simplehan lang natin. Kunyare eh di ako nakatingin sa kanya at nagbubutingting ng kung ano ano sa aking bag. Pero mga teh, ang lamig ng boses nya. After nya magpakilala, tilian ang mga girls, ang lalandi ampt.
Noong pabalik na sya sa upuan nya, kunyare nahulog ko yun ballpen ko. At dadamputin ko na sana kaso bigla din sya yumuko para damputin kaya nagkasabay kami at nagkaibigan este nagkatinginan.
"Shiela, nahulog mo yata."
"Oo nga eh, thank you." Sabay lagay ng strands of hair sa likod ng ears.
Oh my gosh, ang bango nya! Parang akala mo eh kakatapos lang magshower at lumaklak ng mouthwash. Bakit naman ganoon kabango Lord, nakakasira ng ulo.
Lumipas ang araw na puro pakilala ang ginawa namin. Pwede naman yata gumawa ng name tag eh, need pa ba talaga na bawat subject eh magpapakilala.
"Okay class, that would be all. Don't forget your assignments for tomorrow,okay?
"Yes Ma'am"
Sa wakas, natapos din ang klase. Nagmamadali na ko pumunta sa sakayan ng traysikel. Looban kasi ang eskwelahan namin at kailangan mo pa sumakay ng traysikel hanggang labasan tapos sasakay naman ng jeep. Pagdating ko sa sakayan ay isa na lng kulang at lalarga na kaya sumakay agad ako. Pero gosh, nasa loob pala si crush. Kunyare dedma pa ko, kunyare di ko sya nakilala pero sa totoo lang, nagwawala na inner self ko mga teh! Gusto ko na sya laplapin grabe!
"Bayad manong oh, dalawa. Bayad ka na Shiela ha."
Nagulat ako sa sinabi nya. Pero di ako nagpahalata.
"Ay ikaw pala yan, nakakahiya naman. Pero thank you na din."
"You're welcome classmate pero sa susunod ikaw naman ang manlilibre."
Oh my gosh, may kasunod pa pala ang aming paglalandian este pag uwe ng sabay. Una akong bumaba siempre, kunyare pabebe. Yun tipong Maria Clara na di makabasag pinggan. Pero kung si crush ang babasag sa akin, ay bet ko yan!
"Bye Shiela, Bukas ulit."
Wait, anong bukas, bakit may bukas? Waaaahhhh, kalma Shiela kalma, natural magkikita kayo bukas, magkaklase kayo eh, shunga lang?
to be continued....
Author's note
Hello guys! This is my first time writing a ficional love story. Unlike sa iba na perfect na sa ganito eh ako ay nangangapa pa lang. Pero sana magustuhan nyo at subaybayan ang Love Story ng Langaw at Agta.
Lead image source: http://www.tumblr.com
Date Published: August 27, 2021
naman nabitin ako dun huh. Hehehe Pero ang saya feeling ko bumalik ako ng highschool. Nga pala kailan ang bukas? Meron naba karugtong? Hehehe excited lang.lol! Ngayon lang kasi nagkatym magbasa.