Limang Letra, Isang Salita

Ngiti. Isang salitang binubuo ng limang letra.
Isa lang pero nakakabighani na. Paano pa kaya kung tinodo mo na?
Paano na lang kung kasing tamis pa ng asukal na tinda ni aling nena?
Kaya't huwag mo sanang ipagkait ang ngiti mong nakakapagbigay kilig sa kagaya kong tanga.

Sabi nga sa kanta ni Ronnie Liang, sa iyong ngiti ako'y nahuhumaling. At sa tuwing ikaw ay gagalaw, ang mundo ko'y tumitigil. Para lang sayo, ang awit ng aking puso. Sana ay mapansin mo rin, ang lihim kong pagtingin. Hindi ba't ang gandang pakinggan? Isang kanta na kapag naririnig ay nagbibigay kilig. Napapangiti rin dahil sobrang nakakahawa ang pagngiti.

Ops. Bago ka pakiligin ng mga mala-asukal kong salita, nais kong ipaalam na hindi lang ito basta-basta tumutukoy sa simpleng pagngiti. Nais rin nitong ipahatid ang iba't ibang dahilan ng pagngiti. Sana'y malaman mo rin na ikaw ay importante at worth it. Hindi man tayo pare-pareho, may inilaan naman sa atin ang Diyos na siyang makapagbibigay rin ng ngiti sa ating mga labi. Maghintay lamang at huwag padalos-dalos dahil kapag pinili mong sumabay sa rumaragasang alon ng buhay, baka sa kung saan ka pa tangayin nito.

Ang buhay kong puno ng lungkot ay biglang sumasaya.
Ang tanging dahilan ay ang ngiti mong hindi ko makikita sa iba.
Isang lingon lang at ako'y napapatitig.
Hindi alam ang gagawin dahil ako'y napapalingon din talaga.

Pero minsan ay hindi rin maitatanggi na kung sino pa ang mahilig ngumiti ay sila pala ang tunay na sawi. Sawi sa pag-ibig pero ayaw ipahalata sa iba sa pamamagitan ng pagngiti. Ngunit kung talagang nadudurog ka na ng paunti-unti sa iyong kaloob-looban, huwag sanang ipilit ang sarili na magpanggap. Oo masakit kaya iiyak mo lang yan. Darating din ang panibagong umaga na siyang magtataglay ng panibagong pag-asa. Malay mo, sa susunod na iyong pagngiti ay maging katotohanan na. Hindi na lang isang rason para ikubli ang tunay mong nadarama.

Isang salita at binubuo ng limang letra.
Ninais magpaligaya pero minsan ang totoo ay malungkot pala.
Ginawang disguise para hindi mapansin ang totoong nadarama.
Inasahang magiging mabuti rin ang lahat kaya'y pangiti-ngiti pa.
Tama nga naman pero hanggang kailan itatago ang kinukubling nadarama?
Isa lang ang sagot, ito ay kapag ang lahat ay maayos na.

Ngingiti rin ng matamis. Ngingiti rin ng paulit-ulit. Ngingiti rin na may kasamang ligaya. Hindi lang ngingiti para magpanggap sa iba. Isang simpleng ngiti lang, pero ayos na.

Ganiyan naman talaga ang buhay nating mga tao. Pangiti-ngiti lang pero hindi ibig sabihin ay maayos ang lahat. Minsan dinadaan na lang sa pagngiti para kahit papaano ay maibsan ang bigat na nadarama. Umaasa na sa isang ngiti lang magiging maayos na ang lahat. Pero kahut ano pa man ito, huwag na huwag susuko. Sana sa susunod na pagngiti ng ating labi, mamumutawi ang kaligayahang walang katulad.

Sana'y inyong nagustuhan ang ginawa kong akda para sa araw na ito. Buwan ng wika ngayon kaya sumabay na rin ako sa iba. Kung nababasa mo man ito ngayon, alam kong ngumingiti ka rin minsan kahit alam mong hindi ka talaga okay. Pero kung ano man ang rason, sana'y matagpuan mo ang sagot sa iyong mga problema. Sana'y matagpuan mo rin ang taong magbibigay ngiti sa iyong labi. At sana'y hindi ka nagsising binasa ang akdang ito.

That is all for today, guys. I hope you have learned something today from this article I have published. May God bless us all. Mabuhay!

1 - More or Less Fifty/ 2 - Between Never or Ever / 3- Those were the days, my friends/ 4- New Experiences Come and Go/ 5 - Admit or Lie: Choosing Between Options/ 6 - Dreams: One Word, Countless Reasons/ 7 - Kyoto: City of Past, Present and Future/ 8 - Depresyon sa mga Kabataan: Mga Dahilan at Kung ano ang Makatutulong/ 9 - Burdensome Truth/ 10 - Make it Righteous

Special Notes:

All Other Images used in this article (without watermark) are Copyright Free Images from Pixabay and Unsplash.

This is original, not fake.