Sea Bank ⛵ 🏦
May paechos sa shopee na may cashback kaya ayan nag-open ako sa seabank. Per day din daw interest so hindi na masama. Nagdeposit ako ng 1k para samantalahin ang interest.
Galing na din ako kay doc kanina at 3cm na nga ako. Another set ng primrose for 3 days tapos yung pampacontract for 3 days din. Magleave na din daw si Partner para masamahan nya ako maglakad tuwing umaga at hapon. Ayaw nya kasi na mag-isa ako at baka daw sumakit bigla tyan ko. Tigas ng tyan ko ngayon. 🤰
Good evening 🌆🌃 🌧️
Ito yung lunch ko kanina. Nitong mga nakaraang araw hindi na nakakapamili si Partner ng pang ulam namin. Bumibili lang sya bread para sa breakfast kaya ako na bumibili ng panglunch na ulam if ever na kakain din sya. Hindi na ako nag-abala kanina na pumunta ng palengke kasi medyo tinatamad ako. Nauwi ako sa itnok na noodles. Bawal talaga yan pero ibawi na lang sa prutas. Hehe
Oh sya. Kailangan na ulit matulog at nakapaglagay na ulit primrose. Check up din namin ni Baby bukas. Sana tumaas na cm ko or maglabor na ako para makapanganak na ako. 🙏😇👶🍼
Goodnight 💤😴
Time to sleep. Nakapaglagay na ng primrose at need na piliting matulog. Gusto ko sana uminom tubig kaso baka maihi pa ako which is bawal na. Bukas na lang paggising ako iinom para maabsorb muna yung primrose. Nasayang pa yung isa kagabi kasi nahulog. Syempre bawal na gamitin yun kasi madumi na. Baka infection pa makuha namin ni Baby. Hehe
Sa mga mommies dito ano ginawa nyo para tumaas cm nyo at normal delivery? Nakapwesto naman na si Baby. Yung cm need pa tumaas. Laban lang para kay Baby. 🙏😇👶🍼
Hot afternoon 🥵
Andito ako ngayon kina ate kasi may seminar sina Partner at bawal naman ako mag-isa baka biglang maglabor. After seminar diretso na sya sa work so maghapon at magdamag ako dito kina ate. Panggabi kasi si Partner at para hindi na sya mahirapan pagpasok didiretso sya sa work at doon matutulog.
Ang hirap pala nung paglalagay ng primrose. Lumalabas kasi ulit. Dalawa pa naman ang need i-insert. Hindi ko alam if tama ba paglalagay ko pero hanggang doon lang talaga ang kaya ko. 😅😂
Gusto ko na lang iiyak yung nararamdaman ko. Nagpaalam naman si Partner na dito na lang matulog sa kanila pati parents nya nakiusap. Akala ko kutson ang hihigaan namin pero ito matigas ang higaan. Mahina ang hangin. Hindi ako makakilos ng maayos. Yung gusto kong higa hindi pwede kasi may mga lalaki buti kung kapatid ko tong mga to. Gusto kong magbanyo pero nadala na ako kanina. Iba talaga feeling pag nasa sarili mo ikaw na bahay or sa family mo mismo. Hayss. Sakit lalo tagiliran ko at hirap yung tyan kasi matigas higaan. 😔
Yung gusto ko na umuwi. Andito kasi kami sa bahay ng parents ni Partner. First birthday and binyag na din ng pamangkin nya. Sobrang naiinitan at naiinip na din ako. Gusto kong gumamit banyo kaso baka maulit yung kanina. Pagdating namin sobrang need ko gumamit banyo kaya doon ako dumiretso. Ang banyo nila dito ay parang sa bahay ng parents ko na kurtina lang meron. Kagaya ng kinakatakot ko may biglang pumasok which is bayaw ni Partner or asawa ng ate nya. Sobrang gulat ko na nahiya at pinawisan. Gusto ko na talaga umuwi. Hayss.
Yung before 2pm andito na kami sa clinic kasi yun yung start ng check up tapos sabi 4pm daw dadating si doc. Hanggang ngayon wala pa din. Wala pang maayos na tulog si Partner para masamahan ako. Hayss. Kakaasar to si doc minsan. Sumasakit na private part ko kasi hindi komportable. Gusto ko humiga eh. Napapansin ko parang ganito lagi si doc. Need pa naman agahan para una sa pila. Hayss.
Yung gusto ko ng manganak. Hirap na talaga ako sa paulit-ulit na pagbangon para magbanyo. Madaming masakit at makati sa katawan ko. Nakakatakot din na nasa tyan ko sya baka madulas ako or what. May kapitbahay pa kami ni Partner na panay puna sa pamimili namin. Haharangin at hahawakan ako para alukin ng kung anu-ano. May isa pang hinawakan talaga tyan ko. Natatakot ako para kay Baby. Bago lang kami sa inuupahan namin at wala akong plano na makipagclose sa mga kapitbahay. Mas gusto ko tahimik lang na buhay. 😔
Grabe ang init ngayong araw. Sasama sana ako maghatid sa kids at sundo para makapaglakad-lakad kaso sobrang init kaya wag na muna. Siguro gigising na lang ako maaga bukas para maglakad. Ang problema ay ayaw naman ni Partner na wala akong kasama. Panggabi sya so siguro salubungin ko na lang sya bukas. Hehe
Maulang araw sa lahat. 🌧️ ☔
Kakaback to school lang ng kids tapos maulan. Kawawang mga bagong sapatos mababasa lang. Pati mga bata baka magkasakit pa.
Kahapon ay sobrang sakit ng tyan ko. Mga 2hrs ding nagtagal. Alam kong hindi pa yun yung tinatawag nilang labor pero hindi ko din sure bakit ganun. Hehe Punta na sana ako kay doc kung hindi pa nawala ng mga 6pm eh. Buti kusang nawala. Hehe
Galing na sa aking OB today and may nalaman ako. Bumukas na ang dapat bumukas. 😂😅 Ako nga ay 2cm na. Sabi ni doc pwede na matagtag at safe ng manganak ngayong paparating na linggo. 35-36 weeks kami ngayon so next week ay 37 weeks na which is safe ng manganak kasi yan daw pinaka-early na pwede ng manganak.
Baka maglakad-lakad na ako simula bukas at zumba na hindi naman super physical. Kaya pala panay na ang sakit ng aking puson na para akong dudumi or iihi. Super excited na akong makita ang aming Baby Shawn. 😇🙏👶🥰
Ito yung time na namili kami ni Partner ng need dalhin pag manganganak na ako. Nagpunta kami ng Mall at Mercury. Sabi kasi ni ate yung iba sa kailangang bilhin ay mabibili sa Mercury kaya sa mall nq may Mercury kami pumunta. Hehe
Panay sakit na ngayon ng aking private part kahit wala akong ginagawa. Parang malapit na malapit na talaga. 2 to 3 weeks pa Baby Shawn ko. 👶🙏😇
Yung nabadtrip ka na lang kasi hindi sya nagrereply. Nasagot yung Video call pero hindi kayang magchat. Ayoko sa lahat ganito eh. Kulang-kulang magtext kung nasaang bahay ba sya. Nagtext kasi sya na nasa bahay na daw sya. Eh pumuntang mall para papalitan yung safety shoes na ipapalit sa hiniram nya sa kuya nya kaya andito ako kina ate.
Nung nakaraan ko pa sinabi sa kanya sabihin kung aling bahay ba tinutukoy kanila (sa parents nya) o sa amin (inuupahan namin). Gigigil ako eh. 😡
Ilang araw din pala akong hindi nakapag-update. 3 days sunod-sunod kasi na sumakit ang tyan ko. Para akong dudumi na iihi na ewan na may kasamang pagsakit ng puson.
Nung linggo din pinilit na namin ni Partner bilhin mga nasa need to bring list galing sa OB ko. Dahil nga panay sakit tyan ko kaya talagang namili na kami. Pati bag kung saan ilalagay mga damit ni Baby. Dami pang tao sa mall dahil siguro pasukan na kaya daming bata at parents na namimili.
Ngayon ready na kami just incase gusto na talaga ni Baby lumabas. 👶🥰😘
Yung may bad news si Partner. Wala syang pasok 1 week next week. Grabeng pagsubok pero alam kong kakayanin namin. 😇🙏 Nakamaternity leave na kasi ako at hindi naman pwede na bawasan ng bawasan yung pera sa maternity benefit. Just incase kasi na macs atleast meron ng pera. Pag CS kasi ay 60k ang kailangan.
Ayaw naman kasi namin sa public hospital kasi may mga case na tinatanggihan. Natatakot ako para sa Baby ko na baka mapano sya pag gusto nya na lumabas.
Magandang Hapon. 🥵🌞
Hot afternoon 🥵
Panay galaw si Baby Shawn ko sa tyan. Yung ibang galaw nya masakit at tumitigas na naman tyan ko. Sabi ni mama ko pag tumitigas daw naiinitan daw si Baby. Kakaligo ko lang naiinitan na naman ba anak ko? 😅
Hindi rin ako nakakain ng maayos ng lunch. Itlog ng pugo lang. Parang wala kasi akong gana kumain. May time talaga na ganito pakiramdam ko. Parang antok much din ako lagi. Hayss. Meryenda na pero hindi ko pa din alam ano ba gusto kong kainin. 😅
Yung ang daming kalat nung nakaraang araw. Nung malaman ko na positive si bayaw sa rapid test hindi ako pumunta nung sumunod na araw. Nagpakabusy ako sa amin. Ligpit at walis walis. Nagkusot na din ako ng ilang gamit namin ni Partner. Hindi pa tapos quarantine nina ate pero andito na ako sa kanila. Natatakot kasi ako sa bahay kaya hinahatid na lang ako ni Partner tuwing madaling araw dito kina ate.
Good morning 🌄🌻
Wala pa talagang araw kasi ang aga pa. Hehe
Hindi talaga dapat ako magstay dito kina ate pero dahil sa takot nga ako sa bahay ay dinaan muna ako ni Partner dito kina ate. Si bayaw ko ay nagpositive sa rapid test kaya hindi muna sana ko pupunta dito pero no choice. Hindi din mapakali si Partner kasi nga natatakot daw ako at hindi makatulog.
Ingat tayo guys. 🙏😇
Yung takot at kaba ko hindi pa din nawawala hanggang ngayon. Pakaalis ni Partner may kulay puti sa bintana. Akala ko taong nakawhite t-shirt. Alam naman kasi ng kapitbahay dito na pag umalis si Partner ay mag-isa na lang ako. Maya-maya pusa pala pero yung takot andito pa din. Kinuha ko ang kutsilyo at katabi ko nga hanggang ngayon. Natatakot ako lumapit sa pinto at bintana. Kung titignan maigi madali talaga mapasok bahay na inuupahan namin. Gusto ko ng bumalik sa bahay ng mama ko. Atleast doon may kasama ako lagi tapos may aso pa na mag-iingay kung may tao.
Pray lang para mawala takot. 🙏🙏🙏
Good morning 🌄
Kasama pala sa pagbubuntis ang pamamanhid or pananakit ng kamay ko. Tuluyan lang daw to gagaling pakapanganak ko so ayun tiis-tiis muna. Bawal din lagi mabasa ang kamay so paano na ang aming labahin? Alangang si Partner na lahat. Lagi pa namang mukhang pagod si Partner. Napapagod din ako pag pagod ang mukha ni Partner. 😅
Kinuhaan na din ako dugo kahapon. Nagbayad na din ako para sa laboratories na need gawin. Fighting 💪
Andito pa din kami sa bahay ng parents ni Partner. Dumalaw kami kasi naglambing pamangkin nya na galing Laguna. Gusto daw ako makita at ang tyan ko. Birthday nya din nung July 30 kaya nagpaice cream kami na malaki. Masaya naman sila at lahat din ay nakatikim. 🥰
Sana tumila na ang ulan maya-maya para kami ay makauwi na. Hindi pa man din ako nagdala ng jacket pantakip sa ulo kahit may payong. Yung uniform din ni Partner panigurado na basang-basa pa kaya need pa yun itapat sa electric fan. 🌧️
Yung kanang kamay ko na namamaga or namamanas. Lumala sya nung nagstop ako magwork. Baka daw pasma to. Napapansin ko na this week para na syang kinukuryente na namamanhid. Tuwing madaling araw ay hindi ko sya matiklop. Ang sakit kasi.
Nagkukusot ako ng mga gamit namin ni Partner tsaka lang sya nakukuyom pero kinagabihan ang sakit na naman at maga. Hayss
Good evening 🌆
Mablessing na gabi sa inyo 🥰😇
Hindi man makakuha ng maayos sa upa may dumating pa din na blessing. 😇 Hindi inaasahan na ma-approve ako sa course hero at nakakuha nga ako 1k doon. Sinend sa Gcash ko. Mas okay na yun kesa wala. Hehe
Next naman ay docs ni Partner. Try lang din. Hehe
At may sinahod pa din ako kahit papano sa work. Unti na lang buo na pambayad ko sa Lazada pero syempre uunahin ko check up namin ni Baby bukas. Lalo na muntik ako masplit kanina. Buti hindi natuloy pero masakit tuhod at hita ko sa muntikang pagsplit. 🥺
Good morning 🌄🌻
Kagising lang. Tinawagan ko si Partner kasi wala pa syang text na naka-out na sya. Naglalakad na pala sya papunta sa kanila. Nagbigay na daw 1k kagabi yung umuupa at ngayong umaga yung 1,500.00 tapos sa August 11 yung 1k ulit. Php 2500.00 per month lang talaga pero kulang kulang sila magbigay eh. Ganyan pag kakilala ang nagrerenta. Samantalang dito sa inuupahan namin buo ang bayad namin. Renta, tubig at kuryente na halos 4k ang total.
Yung makukuha ni Partner ang panggastos muna namin hanggang sahod ni Partner. Nagastos na din yung nasa Gcash ko kasi wala na kami pang-ulam kagabi. Buti din may mga bagong baryables na nakatabi. Yun pinang-allowance ni Partner. Hehe Fighting 💪
Good afternoon 🌞
Yes po, mainit ngayong araw dahil andyan si haring araw. Sana matuyo yung nilabhan ko na uniform at pantalon ni Partner. Wala kasi syang magagamit mamaya.
Waiting din kami dun sa magbabayad ng upa. Hinintay sana ni Partner kahapon kaso mga 8pm pa daw dadating umuupa. Hindi man lang nila sinabi agad para nakauwi si Partner at hindi sana kami nagahol kagabi sa pagpasok nya. Nakapaglaba din sana kahapon ng uniform nya.
Ano po lunch nyo? Ako tinapay. Wala kasi kaming ulam. Tsaka pang itlog na lang meron kami. Hehe
Good morning 🌄🌞
Ito nga pala gift ng kuya ko sa Baby ko. Syempre hindi ko gagastusin to dapat dagdagan pa habang mababa pa presyo. Sabi nga ng kuya ko wait ko daw bullrun. Hehe
Waiting kay Partner pumunta muna kasi sya sa kanila para kunin bayad sa upa. Tsaka miss na sya ng pamangkin nya na galing Laguna. Willing naman akong ishare si Partner sa family nya. 😂😅
Good evening 🌆
Paulan-ulan na gabi. Hehe
Ayan. Alam ko na ang makukuha ko sa SSS. Need ko na lang asikasuhin yung need ko fill-up para mabigay na sa akin ang pera. Meron akong till August 3 kaya asikasuhin ko na sya bukas. Sana talaga normal delivery para may matira pa na savings para kay Baby. Hehe
At sinipon na nga ako kakasoftdrinks na may yelo. Sarap kasi. Hehe
Good morning 🌄
Yung madami kaming option tungkol sa kung saan kami titira.
Una- Sa bahay nina partner. Ang problema ay madaming tao sa kanila kaya ayoko. Andun family ng panganay nila na babae. Which means andun bayaw nya. Andun din ate nya na may family na din though yung family ni ate nya ay nasa Bulacan. Nasa kanila lang ate nya. Nasa bahay din nila mga single pa. Isang kuya at bunsong kapatid with their parents and lolo. Feeling ko malulungkot din ako kasi wala naman akong kamag-anak doon. One ride lang naman papunta kina ate or mama ko. Then two rides pa din sya pawork nya.
Pangalawa - Sa bahay ng parents ko. Syempre nahihiya si Partner. Ang tao dito sa bahay mama, kuya ko, two younger brothers and my youngest sister. Ang problema: bunganga ni mama. Iba magsalita si mama masakit. One ride lang pawork ni Partner.
Pangatlo- Kina ate ko. Ang problema walang privacy. Dami din anak nina ate ko at syempre mahihiya si Partner. Two rides din sya pawork.
Pang-apat - Hahanap ng ibang uupahan. Ang problema wala na naman akong kasama. Shifting schedule ni Partner. May pang umaga, hapon at gabi.
Saan kami? 😅😂
Yung pinapa-early maternity leave ako tapos hindi pa allowed ni clinic kasi masyado pang maaga. Early nga eh. Tapos nagpasa ako medical certificate para medical leave. Ngayon pinapabalik ako ng August 11. Hindi nga pwede para makumpleto yung months ni Baby. Baka kasi mapremature pag nagwork ulit ako. Hayss. Kaloka si clinic.
Para sa kaligtasan ng Baby ko hindi ako susunod sa kanila. Another medical certificate na lang ipapasa ko. Baby ang priority ko sa ngayon. 👶🍼🤰🤱
At dahil nga sa hindi na ako mapakali at nag-aalala si Partner nagpa-albularyo na kami. May kakilala sila at dadaan daw sa bahay ng parents ni Partner. At ayun na nga, ang daming mga maligno sa inuupahan namin. Medyo natatakot na tuloy ako sa bahay namin. Same kami ni Partner na nadali. Ang dami ng sa akin kay Partner naman nanlilisik daw ang mata. Kaya siguro after nya maligo lagi syang nangangati. Ang nakakatakot pa lahat sila ay may sungay.
Gusto ko na tuloy umalis sa bahay na inuupahan namin kaso wala pa kaming lilipatan. Hayss. Ginawan na din ako pangontra dahil nga sa buntis ako mabango daw ang amoy kaya dapat mag-ingat. May langis din pampahid. Hayss. 😣😔
@Shawn09
