Hey readers, the long wait is over. Hope you'll enjoy reading this chapter! Chapter 5
"Anak pagkatapos mo dyan maglaba eh pumunta ka ng palengke at bumili ka ng ulam natin para sa hapunan. Tapos dumaan ka kay Maritess para kunin ang bayad nya sa leche flan. "
"Hindi pa rin ba bayad si Aling Maritess Ma? Aba'y ang tagal na noon ah. "
"Ilang beses ko naman kasi pinapadaanan sayo eh di mo naman ginagawa. "
"Sige po mamaya eh dadaanan ko. "
Minsan talaga eh naisip ko kung anak ba talaga ako o katulong. Parang walang ibang nakikita dito kundi ako eh. Sabagay, iba na talaga kapag nangingibabawa ng ganda, hehe.
Pagkatapos ko bumili ng uulamin namin ay dumaan na agad ako kay Aling Maritess at kinuha ang bayad. Medyo natagalan pa dahil nakipagchismisan pa nang konte sa akin. Dati ko kasing kaklase ang anak nya at medyo bulakbulero.
Dahil madilim na ako ng makaalis sa kanila eh dumaan na ako sa short cut. Kailangan na mauna ako makauwe kina Mrs. Dimagiba kundi magigiba na naman ang eardrums ko sa bunganga nya. Pero nawala sa isip ko na madilim nga pala ang short cut na dadaanan ko. May street light nga pero aandap andap naman ang sindi. Hay naku, for sure maayos lang to kapag malapit na ang eleksyon.
Maya- maya pa ay may nararamdaman ako na sumusunod sa akin. Habang binibilisan ko ang lakad ko ay bumibilis din ang pagsunod nya sa akin.
Jusko, wag naman po sana na holdaper to. Wala ako ibibigay kundi puri ko,char! Please lang, sayang ang ganda ko kundi kumalat sa mundo, at ayoko mategi na walang dilig!"
Mas binilisan ko pa ang lakad, lakad takbo na ang ginawa ko kaya nagkakahulan na ang mga aso. Grabe na ang kabang naramdaman ko. Tumakbo na ako ng mabilis ng biglang may humila sa kamay ko.
"Huwag po kuya, huwag po. Bata pa po ako, madami pa akong pangarap sa life."
"Shiela, si Henry to." Sabay alis ng kanyang sumbrero.
"Walanghiya ka, tinakot mo ko. Akala ko katapusan ko na sa mundo!" Sabay ayos ng damit ko. Megesh naman kasi, ang guwapo nya sa suot nyang black shirt at nakasumbrero ding itim.
"Eh ano ba kasi kailangan mo sa akin, bakit mo ko hinahabol? Saka pano mo pala nalaman kung saan ako ha. Di mo naman alam kung saan ako nakatira ah?" Siempre kunwari masungit tayo. After what he've done to me, ang shaket shaket kaya nun.
"Nakita kita kanina sa palengke tapos sinundan kita sa pinuntahan mo kanina. Pero nung nakita kita na dito ka dumaan eh nag-alala ako sayo kaya sinundan na kita gang dito."
"Ngayon pwede ka na umalis, malapit na ko sa bahay namin. Di na kailangan na mag-alala ka sa akin."
"Galit ka pa din ba?"
"Ay naku hindi, hindi ako galit. Muntik lang naman ako atakehin sa puso dahil sa pagsunod mo ssa akin.!"
"Sorry Shiela" sabay hawak sa kamay ko. "Sorry hindi lang sa nangyare ngayon kundi pati sa school. Pero tandaan mo na ikaw lang ang gusto ko Shiela, ikaw lang."
Jusko, ramdam na ramdam ng pempem ko ang kilig, fishtea! Kalma pempem,kalma. Habang hawak nya ang kamay ko eh dahan-dahang lumalapit ng mukha nya sa mukha ko. hahalikan na ba nya ako? Oh my gosh, wala na ako nagawa kundi napapikit na lang at hinihintay ang kanyang kissable lips.Jusko Lord, sana totoo na to. Sana walang Mrs. Dimagiba na sisira sa moment ko na to!
Hinawakan nya ang mukha ko sabay sabing, "May butil pa ng mais sa may pisngi mo, inalis ko lang." sabay nagpakawala ng pilyong ngiti.
Ay naku kaloka! Kung bakit ba naman kasi nilantakan ko ang mais ni Aling Maritess kanina.
Akma akong aalis ng bigla nya ako hinila at dahan dahan isinandal sa pader. Kasabay ng biglang pagkiss sa aking lips, pero smack lang, sayang, hihi.
"Enebe, ginulat mo naman ako eh, di tuloy ako prepared. Isa pa nga" sabay hampas ng slight sa braso nya, with matching flick ng hair kong kulot.
"Hahaha, halika na, hatid na kita sa inyo."
Hawak nya ang kamay ko habang naglakad kami papuntang langit este sa bahay pala. Habang naglalakad kami eh feeling ko nagliliwanag ang lahat. Lahat ay maganda, pakiramdam ko napakalambot ng nilalakaran ko. Feeling heaven mga teh! Totoo na ba ito? jowa ko na ba ang langaw na to? Ay wait, di naman nya sinabi na kami na or di sya nagtanong kung pwede nya ba ako ligawan, so ano kami?
"Sandali nga Henry," sabay bitaw sa kamay nyang napakalambot. "Bakit mo nga pala ako hinalikan, di mo naman ako jowa. Saka di ka naman nanligaw sa akin eh, may pahalik halik ka kaagad." with irap ng slight.
"Sorry, masyado lang ako nadala ng damdamin ko. May pag-asa ba ako kapag nanligaw ako sayo?"
Ay magpakashunga din tong langaw na to eh, magpapahalik kaya ako sa kanya kung di ko sya gusto, pero siempre di ko yun sinabi baka masira ang moment eh.
"Pag-iisipan ko."
"Maghihintay ako kahit matagal."
"Ay di ko naman sinabi na matagal ka maghintay, mga isang araw lang,hihi."
"Sige,hanggang bukas ulit. Pumasok ka na sa inyo,mukhang may nagwawala yata sa loob."
Oh my gosh, nakalimutan ko na si Mrs. Dimagiba. Siguradong masisira ang eardrums ko sa bunganga ni Mader Earth!
to be continued...
Author's Note
I hope na nagustuhan nyo pa din ang chapter na to. I am not sure if namaintain ko ba yung momentum ng kwento eh but I hope you still like it.
To those who haven't read the first 4 chapters, here are the links babies...
Ang Love Story ng Langaw at ng Agta Chapter 1
Ang Love Story ng Langaw at ng Agta Chapter 2
Ang Love Story ng Langaw at ng Agta Chapetr 3
Ang Love Story ng Langaw at ng Agta Chapter 4
You can also leave suggestions on how you want the story will end. Thanks for reading!
Images Source
Date Published : September 3, 2021
Tawang tawa ako doon sa butil ng mais at walang maibibigay kundi yung puri sa holdaper.. hehehe. Thanks po mam and well done po talaga..