@Maestro02 31 July 2021

May Pinagsisisihan Ka Ba?; Ang Dalawang Uri ng Pagsisisi.

Una sa sa lahat, nagpapasalamat ako sa aking kaibigan dahil siya ang inspirasyon ko sa paggawa at pagbuo ng article na ito. Kung hindi dahil sa kanya, hindi ako makakabuo ng ideya tungkol dito. Ano ang kahulugan ng pagsisisi para sa Iyo? Ang karaniwang kahulugan ng salitang **pagsisisi** ay **panghihinayang**, **pagkadismaya** at pagiging **malungkot** ng isang tao sa kung ano ang naging **resulta** ng isang bagay na kanyang ginawa. Ang **pagsisisi** ang isa sa mga bagay na pinaka-ayaw ko mangyari dahil ibig-sabihin lamang nito ay **hindi ako nagtagumpay** sa aking ginawa. Sa walong taon ko na pamumuhay sa mundo na ito, ang tanging malaking pinagsisihan ko lang ay ang sinayang ko ang pagkakataon na makahingi ng tawad sa aking ama bago siya bawian ng buhay. Nagsisi ako sa bagay na ito **ngunit** naging daan din ito para mahalin ko ang mga bagay na lagi niyang pinapaalala sa akin. Ikaw? May pinagsisisihan ka ba? Nitong nakaraang linggo, may sinabi ang aking kaibigan na nagbukas sa akin ng oportunidad para makapag-isip at tanawing muli ang mga desisyon ko sa buhay. Ibinahagi nya sa akin ang dalawang halimbawa ng salitang **pagsisisi;** Ito ay ang **pagsisisi dahil gumawa ka** **ng isang partikular bagay** at ang **pagsisisi dahil hindi mo nagawa o sinubukan gawin ang isang partikular bagay.** **Nagsisisi ka ba dahil hindi mo nagawa ang isang bagay?** Ang uri ng pagsisisi na ito ang nakadepende sa sitwasyon na mayroon ang isang tao. Ang kadalasang idinadagdag nating mga salita kung tayo man ay nagsisisi sa isang bagay na hindi natin sinubukan ay ang mga; dapat pala-, dapat kasi-, at iba pang bagay na karaniwang idinudugtong dito. **Halimbawa**: *"Dapat pala ginrab ko na yung opportunity, edi* ***SANA*** *hindi ako nanghihinayang ngayon. Sayang naman."* *"Dapat kasi hindi na ako sumama, nadisgrasya tuloy tayo. Kung hindi* ***SANA*** *ako sumama, edi* ***SANA*** *hindi ako napahamak. Dapat pala nakinig nalang ako sa aking mga magulang."* *"Sayang hindi ako nag-take ng risk ngayong semester.* ***SANA*** *pala sumubok na din ako."* Kung mapapansin natin, ang uri ng pagsisisi na ito ay kadalasang dinudugtungan natin ng **SANA** dahil nagsisisi tayo na hindi man lang natin sinubukan ang isang bagay. Kadalasang nagiging **negative** ang bunga ng uri ng pagsisisi na ito dahil ang kadalasang iniisip ng isang tao ay kung bakit hindi niya sinubukan ang isang bagay. **Panghihinayang** ang kadalasang bunga at **takot** naman ang kadalasang sanhi kung bakit hindi sinubukan ng isang tao ang isang bagay. **Nagsisisi ka ba dahil ginawa mo ang isang bagay?** Ang uri naman ng pagsisisi na ito ay may pagkakaiba sa nabanggit na uri ng pagsisisi sa itaas. Ang kadalasan namang salita na idinudugtong natin kung sakali mang may sinubukan tayo ay ang pero-, ngunit-, at iba pang mga salita na maaring idugtong dito. Halimbawa: "Sayang. Dapat pala hindi ko na ginrab yung opportunity. Dapat pala sa iba ko nalang binigay. **PERO** ayos na din siguro yon, atleast ngayon, alam ko na ang mga kahinaan ko." "Dapat pala sumama na ako sa kanila, edi sana nasubukan ko ding gumala. **PERO** ayos na din yon, baka mapahamak lang ako kung sumama ako." "Sayang, sinubukan ko pa kasi ngayong semester e. **PERO** mabuti na din yon, pagbubutihan ko nalang sa susunod." Kung mapapansin natin, kadalasang may lesson tayong nakukuha pagkatapos nating gumawa ng isang bagay; Although, hindi ito applicable sa lahat ng bagay ngunit mas maganda pa ding pakinggan na sumubok tayo sa mga bagay na **mabuti** at alam natin na hindi tayo makakapanakit ng ibang tao. Kung pagkukumparahin naman natin ang dalawang uri ng pagsisisi na ito ay mas magandang pakinggan na **nagsisi tayo dahil sinubukan natin [ang isang mabuting bagay].** Ang ibig ko lamang sabihin ay **nagsisi tayo ngunit may natutunan naman tayo.** Isa ito sa mga narealize ko pagkatapos namin pag-usapan ang topic na ito, mas mabuti pala na sumubok tayo sa isang bagay lalo na kung alam natin na hindi tayo makakapanakit ng iba at kung alam natin na kakayanin naman natin. Hindi man natin alam ang papasukan natin o kahit mabigo man tayo dito, minsan ito pa ang nagiging daan para mas makilala natin ang mas maayos at maganda nating mga sarili. Kayo? Ano ang repleksyon nyo sa topic na ito? Ano ang mga ideya nyo sa bagay na ito? Ano ang natutunan nyo pagkatapos nyo mabasa ang article na ito? Maari n'yo itong ibahagi sa ibaba para mas mapalawig pa natin ang partikular na bagay na ito. Author's note: Ang nilalaman ng article na ito based lamang sa experience at mga realizations ko/namin ng aking kaibigan at ina. Based din sa kanilang konklusyon, mas lamang pa din ang sumubok sa isang [mabuting] bagay kahit hindi natin alam ang papasukin natin at kahit mabigo pa tayo dito. Ngunit muli, nakadepende pa din ito sa **sitwasyon**, **kalagayan**, **oras**, **tao**, **lugar** at **pangyayari**; Isa ang mga ito sa factors na kailangan nating alalahanin lalo na kung tayo man ay gagawa ng isang desisyon. Lagi din nating gamitin ang ating **critical thinking skills** at magdesisyon ng **naayon** sa kalagayan at kakayahan upang maiwasan ang mga bagay na hindi natin gusto mangyari. Gayonpaman, hinihiling ko ang kaligtasan at kapakanan ng lahat. *Maraming salamat sa pagbabasa ng aking article.* You can read my previous articles here: **When I was a kid, I had a dream.** https://read.cash/@Maestro02/when-i-was-a-kid-i-had-a-dream-42b465dd ****Me, as a Fan of Wonderful Things.**** https://read.cash/@Maestro02/me-as-a-fan-of-wonderful-things-994a9480 ****A Story Of An Answered Prayer.**** https://read.cash/@Maestro02/a-story-of-an-answered-prayer-527d2b7e ****Kumusta Ka? Mangungumusta Lang Sana.**** https://read.cash/@Maestro02/kumusta-ka-mangungumusta-lang-sana-eba4d1d0 ****A Week Before My Graduation.**** https://read.cash/@Maestro02/a-week-before-my-graduation-a5b74c40