@Expelliarmus30 27 August 2021 more from that month

Tagalog Muna Tayo.

**Agosto 27, 2021. Biyernes.**   *Kamusta kayong lahat?*   Sana ay mabuti ang inyong mga kalagayan.   Magandang Umaga, Magandang Tanghali o Magandang Gabi sa nagbabasa nito. Ano mang oras mo ito mabasa ay bumabati ako sa iyo ng Magandang Magandang Araw.   Bago magtapos ang Buwan ng Wika ay syempre hindi tayo magpapahuli sa paggawa ng wikang Filipino na artikulo. Marami na ang gumawa nito at tinawag nila ito na ***“ Buwan ng Wika Challenge”*** kaya ngayong araw na ito ay gagawin din ako ng isang artikulo na hango sa wikang Filipino.   Ipinagdiriwang ang Buwan ng Wika tuwing Agosto. At ginugunita ito taon taon. Layon nitong patibayin at palawigin ang ang kamalayan sa kahalagahan ng Wikang Filipino. Ginagawa ito bilang pagsaludo gayun na din bilang  pagmamahal sa Pilipinas. Ang buwan ng wika ay ang panahon upang aalalahanin, kilalanin at panatilihin ang kasaysayan pati na ang paunlarin ang wikang Filipino.   Sa araw na ito ay muli ko lang babalikan ang aking mga ala-ala noong sa aking paaralan tuwing nagdidiwang ng Buwan ng Wika. Bago pa man sumapit ang buwan ng wika ay may ibat-ibang paligsahan na binubuo ang mga opisyal sa aming paaralan at iaanunsyo nila ito bago sumapit ang buwan na itinakda. Pinapalaganap nila ang impormasyon na ito upang maraming mahikayat na sumali at dumalo sa kanilang mga aktibidad na isasagawa. Nagpupunta sila kada silid aralan upang ibahagi sa mga estudyante ang mga impormasyon ng mga aktibidad na isasagawa at ipinaliliwanag ito bawat isa. May nakatakdang araw ang bawat aktibidad kung kailan ito gaganapin. At walang klase ang mga araw na iyun pero kinakailangan mo pa rin pumasok sa eskwelahan upang dumalo dahil kasama iyun sa patakaran.   Ang mga natatandaan kong aktibidad na ginaganap sa aming paaralan tuwing Buwan ng Wika ay,  kauna unahan “**Balagtasan**” ang mga tauhan dito ay isang *lakandiwa*, mga *mambabalagtas* at mga *hurado* syempre ay kasama na rin ang mga *manonood* dahil nakasalalay din sa kanila ang ilang porsyento ng padedesisyon kung sino ang mananalo sa dalawang mambabalagtas. Kailan man ay hindi ako sumali sa aktibida na iyan dahil kailangan ay maibato mo ng maayos at maganda ang bawat salitang bibitawan mo na sa tingin ko ay hindi ko kayang gawin dahil sobrang mahiyain ko ng mga panahong bata pa ako. Pangalawa naman ay, paggawa ng **slogan** tungkol sa wikang pambansa dito ay lumalahok ang mga estudyante na mahilig gumawa ng sarili nilang kasabihan o motto tungkol sa wikang pilipino. Hindi rin ako sumasali sa ganyan dahil hindi talaga ako mahilig sumali sa mga pagligsahan, sana ay pagpasensyahan nyo po ako Hahahha. Pangatlo naman ay ang **poster making** o **paggawa ng poster**, dito naman nabibilang ang mga mag-aaral na mahusay sa pagguhit, mahusay at malawak ang pag iisip. Gumagawa sila ng ibat-ibang imahe upang ipakita ang tema na pagmamahal sa wikang Filipino. Pang apat ay pagsulat ng **tula** at pagkatapos nito ay ipaparinig din sa lahat ng manonood, dito ay marami rin ang lumalahok. Panglima ay pagsayaw ng mga **katutubong sayaw**, syempre dito ay kakaunti na lang ang sumasali dahil ang iba ay nahihiya na din dahil sila ay mapapanood ng lahat.

Iyan ay ilan lamang sa mga aking naaalala na ginagawa sa aming paaralan tuwing buwan ng wika. Ansarap lamang balikan ng mga ilang ala ala noong mga panahon na bata pa ako at nagdidiwang ang paaralan namin tuwing buwan ng wika, ngayon kolehiyo na kasi ako ay hindi na ito nangyayari dahil hindi na din nagdidiwang ang aming unibersidad ng ibat ibang paligsahan.   Kayo po ano ano ba ang mga paligsahan na ginaganap sa inyong paaralan tuwing buwan ng wika? Pwede nyo pong ikomento ito sa ibaba. Sana ay nasiyahan kayo sa pagbabasa nitong aking munting artikulo tungkol sa Buwan ng Wika.     ***Maraming maraming salamat po sa pagbabasa. Hanggang sa muli po.***   ***Lead image source***: **Wika** ***Image 1 source***: **Balagtasan** https://365greatpinoystuff.wordpress.com/2010/09/25/268-balagtasan/ ***Image 2 source***: **Slogan** https://qwertyworks.tumblr.com/post/616731940988551168/buwan-ng-wika-a-celebration ***Image 3 source***: **Poster Making** https://www.pinterest.ph/pin/822399581930787613 ***Image 4 source***: **Katutubong Sayaw** https://www.flickr.com/photos/kamoteus/2331858016 Ito po ang listhan ng aking mga mababait at mahuhusay na sponsors. Maari nyo rin pong basahin ang kanilang mga artikulo kung kayo ay may libreng oras. At maraming salamat po sa aking mga sponsors sa walang sawang pagmamahal at suporta. Samalat po. Gusto ko lamang din pong magpasalamat sa mga taong laging binabasa, nagkokomento at ina-upvote ang aking mga artikulo. Maraming salamat din po sa inyo. Mahal ko po kayo. **Huwag po kayong mag-alinlangan na basahin ang aking mga naunang artikulo kung kayo ay pagkakataon:** **Cant Find It!** https://read.cash/@Expelliarmus30/cant-find-it-a1cc79df **Pambansang Kamao** https://read.cash/@Expelliarmus30/pambansang-kamao-9d4ae38d **Something Personal** https://read.cash/@Expelliarmus30/something-personal-ad7ba092 **Twenty Four equals to Five Hundred Sixty Two** https://read.cash/@Expelliarmus30/twenty-four-equals-to-five-hundred-sixty-two-228ba794 **Restore The Past** https://read.cash/@Expelliarmus30/restore-the-past-4dba7e44 **Friend, Pa-answer!** https://read.cash/@Expelliarmus30/friend-pa-answer-399e6dab **ECQ Season 3** https://read.cash/@Expelliarmus30/ecq-season-3-c1598f5e **The Plan** https://read.cash/@Expelliarmus30/the-plan-89979353 **8.8 Budol** https://read.cash/@Expelliarmus30/88-budol-bdfff526 **Just for Singles** https://read.cash/@Expelliarmus30/just-for-singles-f52612c8 **Thank you very much for reading.** **God Bless and Keep Safe Everyone.** **Don't forget to Be Good and Be Nice as always.** **Bye.**