August 1, 2021

Good day to all of you. Magandang Araw sa inyong lahat in tagalog. August na isang buwan na lang “Ber Months” na naman. Pero grabe ang inabot ng pamilya ko bago matapos ang buwan ng July. Dahil binagyo at binaha kami.

Antagal na ng huli akong makapag publish ng article dito ah. Ang dahilan kase ay lumubog ang bahay namin dahil sa baha. Hindi namin ito inaasahan dahil hindi naman ito nangyayari noon sa amin. Kaya kataka taka na napakataas ng tubig dito sa lugar namin. Handa naman kami sa mga ganitong pangyayari ngunit nagulat talaga kami na ganto ang aabutin namin. Dati ay bumabaha na rin naman dito sa lugar namin pero hindi sya katulad ng baha ngayon na halos lumubog ang mga kabahayan. Napakabilis din ng pagtaas ng tubig biruin mo halos wala pang isang oras ay ga-bewang na agad sya, hindi ba't nakakapagtaka at nakakagulat. Saan kaya galing ang tubig na rumaragasa at napakabilis nakapag palubog ng mga kabahayan dito sa aming lugar.

Nangyari ito noong nakaraang araw. Napakaaga at natutulog pa ang mga tao. Ginising at sinalubong kami ng tubig, umaakyat na ito sa aming bahay. Dali-dali kaming naghanda ng mga gamit at inakyat sa matataas na lugar at binalot ang mga gamit para hindi mabasa. Ngunit ginagawa pa lang namin ang pagliligpit at pag-aayos ng gamit ay umabot na agad sa tuhod ang tubig na pumasok sa loob ng aming bahay. At ilang minuto lang ang lumipas ay lumagpas na ito sa tuhod at malapit na agad sa bewang. Ng mapansin namin na napakabilis talaga ng pagtaas ng tubig ay napagdesisyunan na namin umalis ng bahay at pumunta sa lugar kung saan ligtas at mataas na hindi aabutin ng tubig baha. Sa school na malapit sa amin kami dinala at doon muna pinag-stay ngunit lumipas ang ilang oras ay pinasok na din ito ng tubig. Pero hindi katulad ng sa bahay namin, hindi tumaas ng ganun kataas ang tubig sa school pero ang problema ay hindi pa rin pwede tulugan. Kaya naman umalis din kami dito dahil pagkatapos humupa ng baha ay puro putik ang naiwan.

Pumunta kami sa aming kamag-anak dahil sila ay nakatira sa mataas na lugar, ito ay parteng bundok na at hindi talaga binabaha. Sa kanila kami nagpalipas ng ilang araw dahil hindi din naman matutulugan ang school (evacuation area) dahil pinasok din ito ng tubig. Pero sa school na iniwan ang mga gamit naming naisalba at pinayagan naman kami at pinasara na lamang ang classroom na inukupa namin, para hindi mawala ang gamit namin. Pagkalipas ng ilang araw na pamamalagi namin sa bahay ng aming kamag-anak ay napagpasyahan na namin umuwi sa aming bahay para malinis na namin ito.

Pagkauwi nga namin sa aming bahay ay bumungad samin ang napakaraming banlik o putik kung tawagin. Nagtulong tulong kaming alisin ito at ayusin ang ibang parte ng bahay na nasira. Ang ibang gamit namin ay tinangay na pala ng baha kahit na naitaas pa namin ito. Inabot kami ng halos dalawang araw sa pag aayos at paglilinis ng aming bahay kaya ilang araw din akong hindi napagsulat ng article dito.

Ngunit kahit na amunang pagsubok ang ibigay sa atin ay kakayanin natin. Dahil "Pinoy tayo" at pagsubok lang yan, lahat yan ay malalagpasan din natin. Basta't magtutulong tulong tayo ay makakaya natin ang lahat ng sakuna, problema at pagsubok. Babangon tayo dahil Pinoy tayo.

Maraming Salamat sa pagbabasa nito at maraming salamat sa oras na ginugol nyo para mabasa ito. Salamat po.

Authors Note:

I could no longer take pictures during the flood because we would also be in a hurry to tuck, fix and lift things. I also planned to take a photo to post and send to our relatives but since we were in a hurry and the floodwaters may wet the cellphone, I didn't dare to take another photo. And I couldn't even picture what was damaged by the flood in our house because we fixed it and did it right away so that we could have a place to stay.

Lead image source: Unsplash

Thank you to my wonderful and amazing sponsors. Thank you so much for the unending love and support. Love yah.

Feel free to read my previous articles:

·       https://read.cash/@Expelliarmus30/yesterday-date-61fa22d5

·       https://read.cash/@Expelliarmus30/thought-provoking-questions-cfcd6541

·       https://read.cash/@Expelliarmus30/how-much-i-love-sewing-a4303bc0

Thanks for reading this. Enjoy your day.

Godbless and Stay safe everyone.

Don't forget to Be Nice abd Be Good as always.

Bye.