Yung Invited ka pero hindi ka naman pala welcome!

Hello sa lahat! Naranasan niyo na bang invited ka sa isang handaan pero pagdating mo doon hindi ka naman pala welcome. Tanong ko lang, gaano ka open yung pagkain sa inyo kapag may handaan? Mag kaiba ba yung pagkain para sa public at sa mga bisita? Given naman na siguro yung may pagkain sa labas at loob ng bahay para sa mga bisita at sa public pero sana parehas lang ang pagkain na binibigay.

Nagkaroon kami ng get together ng mga pinsan namin kanina at ang isa sa naging topico namin ay tungkol sa mga handaan o pagsasalo na nadaluhan na namin. Kung paano kami trinato at nadiscriminate sa mga handaan.

Kapag inimbitahan ka sa isang handaan, mahihiya kang humindi diba?. Ang iba gora agad kasi pagkain is life ika nga nila. Pero hindi lahat ng nag-iimbita ay sincere talaga, nag iimbita sila for the courtesy lang dahil kilala mo ang isa or two sa mga member ng maghahanda.

Eto experience ng isa sa cousin namin. Sabi niya inimbitahan siya ng cousin niya, inaasahan niyang kung ano ang kakainin ng mga bisita yun din ang kanyang kakainin. Nagulat siya ng kukuha na sana siya ng pagkain sa loob ng bahay, sinita daw siya. Ang pagkain sa loob ay para daw sa mga bisita. Napatanong siya sa kanyang sarili "Hindi ba ako bisita?". Lumabas siya dahil nahiya siya sa loob, pagkalabas niya nagulat siya sa pagkain na para daw sa public, lugaw at miki. Yung nasa loob ay mga sosyal na pagkain, tulad ng spaghetti, macaroni, shanghai at coke sa labas ay juice lang. That time kapag nakapaghanda ka ng ganyang pagkain ay mayaman ka na.

Hindi naman siya maarte sa pagkain pero sa pinakita nilang trato sa kanya ay nahiya siya. Nagsisisi siyang pinaunlakan ang imbitasyon. Umiiyak siyang umuwi dahil akala siguro ng pinsan niya patay gutom siya. Nagkaroon siya ng trauma, hindi siya dumadalo sa mga handaan maliban lang kung kasama ang mga magulang niya.

Naalala ko din dati, kahit hindi naman kami dadalo, napadaan lang ay sasabihan kang "Nakita niyo ba ang usok, kaya nandito kayo, naamoy niyo ba ang lechon? Sabay tawa sila. Bahay kasi namin medyo mataas, kaya sinabing "sagpat" sila nasa baba. Natural madadaanan namin sila, mga bobo sila haha joke!. Ng lumaki na kami, hindi namin makalimutan yung mga sinasabi nila, to the point na magkakamag-anak pala kami.

Kung may mga taong, pinag-iiba ang pagkain sa mga bisita at para sa public, ang anti namin ay naiiba, minsan inimbitan niya kami first time kong makadalo ng handaan sa bahay nila. Dahil sanay ako na iba ang pagkain sa bisita at sa public. Hinihintay ko kung saan kami kukuha ng pagkain kasi expected ko na hindi ako bisita. Nagulat ako dahil wala pala ang ganun sa kanila. Ayaw niya daw yung ganung set-up parang may favoritism daw pag ganun. Hindi din uso sa kanila yung paghuhugasin ka ng pinggan after kumain, sila lahat gumagawa.

Kahit nagvolunteer akong maghugas ng pinggan ay ayaw nila. Sa amin kasi mahihiya kang umuwi kapag hindi ka makakatulong sa paghuhugas ng pinggan. Kaya minsan ayaw kong dumadalo sa mga handaan dahil kahit invited ka, yung mga mata ng iba ay nakamasid parang kahihiyan na nandoon ako. Parang kila anti ko lang naranasan yung espesyal ang lahat walang pinapaboran or favoristism. Yung ikaw pa ang mahihiya dahil sa treatment na binibigay nila. Kapag may natira ipapabaon nilang lahat sa mga dumalo , dahil wala daw kakain sa kanila baka masira lang daw.

Ikaw ano experience mo sa mga handaang nadaluhan mo na? Bisita ka ba o karaniwang bisita lamang? Pwede mo ding ishare sa amin kwento mo!..

Thanks to these wonderful and beautiful sponsors of mine!