Bawat isa sa atin ay may kanya-kanyang gusto. Simula sa materyal na bagay hanggang sa di materyal katulad ng tunay na pagmamahal. Pero ano nga ba ang makapagpapasaya sa atin?
Noong bata pa ako, ang gusto ko lamang ay piso, bakit? Sa piso kasi ay madami na akong mabibili. Mga kendi sa katabing tindahan namin noon. Yung bubot na kendi na may free pa na singsing. Makakabili na din ako noon ng bebol gum na iba iba ang color. Ang sarap sa feeling pag nakakabili ako ng mga kendi. Pakiramdam ko eh sikat na ako kasi madami nanghihingi sa akin na mga kaibigan ko.
Noong ako ay nag edad 12 na, naisip ko naman ang mga gusto ko paglaki ko. Dahil sa mga napapanood ko sa telebisyon na mga babaeng ang gaganda ng damit at nagtatrabaho sa mga matatayog na gusali, gusto ko din na maging katulad nila. Gusto ko magtrabaho sa opisina. Gusto ko mging sekretarya or maging executives sa isang magandang kompanya. Nagpapraktis pa ako sa harap ng salamin na kunwari ay nasa job interview ako.
Noong ako ay nagdalaga, ang gusto ko ay jowa, hahaha! Hindi naman kasi ako kagandahan. Lagi pa nga ang sabi sa akin eh exotic beauty, yung tipong endangered species na,yawa! Pero nunca mga tita, kahit ganito ang aura, madaming nabihag sa aking ganda. Pero ako ay naging happy naman lahat sa kanila. Madaming natutunang mga bagay bagay na mapapakinabangan sa buhay.
Lumagay sa tahimik at nagkaroon ng pamilya. Ang gusto ko ay magkaroon ng 3 anak pero biniyayaan ng isa. Ako ay lubos na naging masaya dahil para sa akin, ang isa ay sapat na para magbuklod ng aming pamilya. Pamilya na sinubok ng panahon ngunit nanatiling maging matatag.
Pero ngayong ako ay nagkakaedad na (41 pa lang ha😅) ang gusto ko lamang ay malusog na pangangatawan. Dahil balewala lahat ng yan kung di ka healthy.
Ang sabi nga nila, You are the most wealthiest if you are healthy. Ang pera eh pwede mo pa kitain ulit eh, pero ang health kapag nadeteriorate, bukod sa uubusin ang pera mo, pupwede ka pang mabura ka sa mundo.
Kaya ang gusto ko sa edad kong to ay isang malusog na pangangatawan, masayang pamilya at masayang buhay.
Hindi ko na hangad ang karangyaan, sapat na sa akin kung anong meron kami ng pamilya ko. Siguro dumadating talaga tayo sa point ng buhay natin na di na natin kailangan ang marangyang buhay. Yan ang natutunan ko nung nalagay sa alanganin ang kalusugan ko. Kaya kayo na mga bata pa, ingatan nyo ang kalusugan nyo. Mag-invest din kayo sa health nyo at di puro pera lang. Alam ko kung gaano kaimportante ang pera, pero gaya nga ng sinabi ko, madaling kitain yan. Kaya rest din pag my time. Huwag nyo na intayin na mag rest in peace na kayo,char!
Date Published: November 28, 2021
All photos from google
...and you will also help the author collect more tips.
Good health lang talaga para sakin at sa anak ko at pamilya ko yan lang din talaga gusto ko sa buhay..
bilib talaga ako sa lifestory mo madam eh dati pa hehehehe idolo