Ayon sa ilang opisyalis ng National Economic and Development Authority (NEDA) sa isang press conference noong nakaraang ika-apat ng Pebrero ng kasalukuyang taon ay tinatayang aabot sa pagitan ng 15.5% and 17.5% ang poverty rate ng Pilipinas ngayong taon. At inaasahang aangat pa ang mga numero habang ang buong mundo ay nakakaranas pa rin ng pandemya.
Bago pa man dumating ang Covid19 sa sating bansa, malaking bahagi na ng populasyon natin ang nasa poverty sector meron pa nga ang nasa below poverty sector. Lalo lamang lumaki ang bilang nang kumalat ang nakakahawang sakit na Covid19. Marami ang nawalan ng trabaho nang dahil sa mga nagsarang negosyo. Kabilaan ang mga nagkakasakit at namamatay dahil sa nakahahawang sakit. Pinagbawalan lumabas ang mga tao para sa kanilang kaligtasan. May ayuda mang nanggaling sa gobyerno at ilang pribadong sektor ngunit hindi pa rin sapat para sa karamihang pamilya.
Nakakapagod maranasan yung takot ka magkasakit hindi dahil sa sakit mismo kung hindi dahil alam mong wala kanOtherili ng gamot. Kaya karamihan sa atin ay isinasantabi na lang ang sakit na nararamdaman. Manghihinayang ka kasi gumastos para sa gamot at doktor. Dahil yung perang meron ka ay sapat lang pambili ng pagkain ngayong araw.
Gustong magpatuloy sa pag-aaral ng panganay mo pero dahil kapos kayo sa salapi ay hindi na sya matutuloy. Masakit para sa mga magulang na hindi nila masuportahan yung pangangailangan ng mga anak nila. Kaya may mga magulang na napipilitang ibenta ang kanilang mga anak kapalit ang magandang bukas na hindi nila kayang ibigay sa ngayon.
Nandiyan yung hahabulin ka ng mga pinagkakautangan mo, ipapahiya, ipapa-barangay o kaya sisiraan ka dahil sa utang na hindi mo naman sinasadya na hindi mabayaran. Talagang walang-wala ka lang kaya wala ka din maiibibigay sa kanila.
May mga batang sa murang edad ay nagbabanat na ng buto para may ipambili ng pagkain. Sa halip na libro o laruan ang hawak ay kalakal ang pinagkakaabalahan. Mga batang maagang namulat sa hirap at realidad ng buhay.
Nabubuhay ka one day at a time? Yung okay ka ngayong araw, may pagkain ka, tirahan, pero nganga ka naman bukas. Walang katiyakan ang kinabukasan mo. Hindi sigurado kung may trabaho pa ba bukas o kung makakakain ba ang iyong pamilya.
Totoong mahirap maging mahirap. Palagi kang kapos sa pera, sa pagkain, sa damit, sa lahat ng bagay. Pag gising mo sa umaga, sa halip na magpasalamat Sa Kanya, problema agad ang maiisip. Ano kaya ang kakainin namin ngayon? May bigas pa ba kami? Ilan lang yan sa mga tanong na gumugulo sa atin. Madalas hanggang sa pagtulog yan ang ating naiisip. Paano na kami bukas? May makakain kaya ang mga anak ko bukas? Masakit pero yan ang realidad ng karamihan sa atin. Malaking bahagi ng ating populasyon ay ganyan ang kinakaharap sa araw-araw.
Dahil sa sitwasyon ngayon, madami sa atin ang lalong naghirap ang buhay. Nakakalungkot man isipin pero ito ang katotohanang sumampal sa lahat ng mga Pilipino at sa buong mundo. Hindi man natin gustuhin ang nangyari pero wala na tayong magagawa upang maibalik pa ang dati. May tulong na galing sa gobyerno at ilang mga mabubuting tao pero hindi pa rin dapat tayo umasa sa kanila lamang. Hanggat kaya mo, ikaw mismo ang mag-angat sa sarili mo. Huwag kang panghinaan ng loob at huwag matakot sumubok ng bago. Likas sa ating mga Pilipino ang pagiging madiskarte kaya marami na sa atin ang mga umangat ang buhay. Sipag, tiyaga at tiwala Sa Kanya at sa sariling kakayahan ay kailangan din para pangarap ay makamit.
Mahirap ang taong hindi sapat o walang makain sa araw-araw. Mahirap ang taong laging problema ang salapi pambayad ng kuryente, tubig, o utang. Mahirap ang taong walang pananampalataya Sa Ama. Mahirap ang taong walang pangarap sa buhay.
Ang Sa Akin Lang
Ang sa akin lang, hindi mo dapat ikahiya kung nanggaling ka sa kahirapan. Hindi kasalanan ang pagiging mahirap. Pero kung wala kang gagawin para maiba ang direksyon ng buhay mo o magbago man lang ang takbo ng kapalaran sayo, ay ibang usapan na yun. Gamitin mo ang sitwasyon mo ngayon para mapabuti mo ang kinabukasan mo. Ang taong walang pagsisikap sa buhay kailanma'y walang mararating hanggang kamatayan.
Others images are from ABS-CBN News Official FB account and Unsplash, respectively.
https://www.rappler.com/business/more-poor-unemployed-filipinos-even-by-2022
Grabe talaga tong pandemya na to. Lahat apektado pero pinaka apektado pa rin un hirap na hirap na bago pa nagkapandemya panot na kaya ngayon?