Ano na mga bes? Kamusta po ang unang araw ng Agosto? Para sa akin ayos lang naman. Napaisip lang bigla magsusulat na lang ako ng sanaysay in Filipino muna. Siguro magsusulat pa rin ng English, bahala na, depende sa mood.
(Tip for international readers: To translate this article, manually copy paste entire article to the translator because Google Translate can't translate when using the website link.)
♦ Bakit Bigla Akong Magsusulat in Filipino?
Walang masama if magsulat tayo sa sarili nating wika. Aba bakit ang read.cash rules nga sabi write in your own language eh. Papakahirap yung marami sa kaka-English e pwede naman in Filipino. Pero siyempre kung ang habol nyo ay more readers aba e di use English din pag may time. 😂
Ebidensya ba kamo na pwede magsulat in Filipino dito? Sige. Ayon sa sinulat ni read.cash mismo:
"Prefer writing in a language you know well," daw. O so ibig sabihin, walang masama kung puro Filipino isulat natin dito basta ayusin nyo rin po.
ATSAKA, lagyan nyo na lang po ng Disclaimer ang isusulat nyo. Mukhang di kaya ng Google translate na mag-translate gamit ang website link ng article. Kailangan manu-mano na i-copy paste sa Google Translate para maging Ingles.
♦ Ano Ba Ang Pwede Nating Isulat Dito sa read.cash?
Nakow, Tagalog na nga gamit natin di na tayo mahihirapan di ba? Pero hindi ibig sabihin nun e puro walang kwenta na isusulat natin dito. Wag naman yung susulat kayo ng kung anu-ano lang. Dapat maganda pa rin ang pagkakasulat at may kabuluhan ang laman.
Ganito bigyan ko kayo ng konting writing guidelines:
1. Magsulat ng may kabuluhan.
Ayan. Ibig sabihin, hindi pwede yung may maisulat lang tapos wala namang katuturan. Luh. 😅 Wag na po isulat dito kung wala naman silbe ang isusulat natin ano po? 😁
Isipin nyo, yung dapat nyo isulat dito ay yung mga bagay na pag trinanslate nila sa English or iba pang wika e may makukuha pa rin silang matututunan mula sa inyo. Di ba pag nakakabasa kayo ng kakaiba o hindi nyo pa nalalaman e natutuwa kayo or naaliw or kung ano pa man? O, dapat ganun din isusulat natin.
2. Mamili ng mga hilig mong isulat at ikwento sa ibang tao.
Yan para makaisip ka ng topic, ano ba mga hilig mong ikwento sa iba? Mahilig ka ba magpaganda? O di magsulat ka tungkol sa mga kolorete sa mukha (make up), pagkukulay ng buhok, at kung anu-ano pa. Yun pa lang ang dami mo nang masusulat di ba?
Mahilig ka ba sa ginto at mga alahas? Ay naku sis, may nakita nga akong YouTuber na gumagawa ng videos tungkol sa mga experience nya, ikaw pa kaya? Share mo na rin dito bakit hindi? Sulat mo na lang kung ayaw mo mag-video para may BCH ka pa di ba?
Nabubwisit ka sa trabaho, sa kapitbahay mo, sa kapatid mo, sa buong mundo, atbp.? Sige mag-blog ka dito, diary entry ang peg. Siyempre ingat lang baka bigla kang makasuhan ng libel hahaha. Dapat yung side mo lang i-share mo, ano mga naramdaman mo atbp. Wag tayo manira ng ibang tao dahil lang galit tayo. Maglabas ka ng sama ng loob pero wag manira. Bad yun.
Mahilig ka gumala? Ay naku welcome na welcome ka dito. Sus patingin nga yung huling pinuntahan nyo ng jowa mo? Ganern. Hahaha. Alam mo naman mga maraming hayok gumala ngayon bes. 🤣
Dami-dami nating pwede isulat kaya taralets, sulat tayo in Filipino.
3. HUWAG KOPYAHIN ang English (and other language) articles tapos ita-translate lang sa Tagalog/Filipino.
'Yan ang huwag na huwag niyong gagawin. Hindi po magandang gawin yung ita-Tagalog nyo lang yung English article ng kung sinuman. Sablay yun. Wag ganun. Plagiarism pa rin yun. Bawal yun dito sa read.cash. Plagiarism = pagnanakaw ng sinulat ng iba. Kailangan pag susulat kayo dito sarili nyong gawa.
Kung di naman kayo nagpaalam at hindi pinayagan ng may-ari na gawing Tagalog yung sinulat nila e wag po nating gawin. Kaya tayo napapasama sa ibang lahi eh. 'Kala nila lahat ng nagsusulat na mga Pinoy sa mga write-to-earn sites eh mga pasaway. Bigyan nyo naman tayo ng konting karangalan bes. Wag naman tayong maging magnanakaw ng sinulat at ginawa ng iba.
♦ Handa ka na ba magsulat in Filipino?
Ayan, pagkatapos nyo basahin lahat ng nasa taas, handa na po ba tayong magsulat in Filipino? Ako eto na nga nakasulat na ako ng pangalawa ko o. Hahaha. Kayo ba? Alam ko yung mga dati na dito meron na ring mga nasulat eh. Yung iba nga nasa halagang $10 na yung upvote mula kay random rewarder bot. Ay wow! Sana all! 🤣
Paano kaya pag Filipino sinulat natin, kaya pa bang makakuha ng mataas na upvote mula sa random rewarder? Yan ang isang magandang challenge din. Hehehe. Di ba kung kaya naman natin magsulat in Filipino dito tapos malaki pa rin makukuha nating upvote, aba isa kayong henyo!!! 😁
Ang maganda nito, kung masusuportahan din natin ang ibang nagsusulat dito sa wika natin. Kasi siyempre, sino pa ba susuporta sa atin kundi kapwa rin natin di ba? Para may bumasa din naman ng sinulat ng iba. Haha.
Kung sakali namang di pa kayo handang magsulat in Filipino e okay lang naman. Wala namang pilitan dito. Kung ano'ng trip nyo isulat sige lang. Kung sa'n tayo masaya dun tayo.
Yung iba nasubukan na nila pero ayaw na umulit. Ayos lang walang kaso dun. Pero sa mga di pa nasusubukan at kung nag-iisip pa kayo paano ba magsulat dito sa read.cash, e basahin nyo rin yung isa kong article na'to. Marami akong tips diyan para sa maayos na pagsusulat dito sa read.cash. Pwede nyo rin magamit sa ibang writing sites yan siyempre.
So ano na, ready, set, go! 😆
XOXO,
* * *
(Lead/header image from Pixabay)
Previous articles:
Not a member of read.cash yet? Come join us!
Masubukan ngang magsulat sa tagalog. pero pag-iisipan ko pang mabuti kung anong magiging paksa nito. Salamat sa pa-challenge. Natawa ako, mga 2 taong nakalipas, ramdam na ramdam ko ang Buwan ng Wika kasi pinagtatahi ko pa yung mga susuotin ng mga anak ko para sa paaralan. :))