My First Pregnancy = "Unplanned"

Wala akong maisip na topic today kaya kumagat nalang din ako sa pa challenge. Sana maalala ko pa ang mga details sa unang pagbubuntis ko.

My first pregnancy is actually unplanned. Post my graduation, pinalad ako na makapasok sa Accenture as Associate Software Engineet. Wala pa akong idea sa pinasok kong work actually. Sumali lang ako sa caravan sa school at doon nga, isa ako sa mga nakapasa. Hindi ko alam na IT pala ang pinasok ko na trabaho that time.

Dahil sa masyadong malayo ang Manila sa tinitirahan namin that time, kinailangan kong kumuha ng apartment. Nakahanap naman ako, kasama ko ang mga kaklase ko din na nakuha din sa Accenture.

Sa kabilang banda, nagtatrabaho naman sa Laguna si ex BF ko na ngayon ay mister ko na. At syempre, dahil mas maluwag ang schedule ko, twing weekends, sa apartment nya sa Laguna ako umuuwi.. That time, more than 5 years na kaming mag BF GF kaya sobrang komportable na kami sa isa't isa.

Sa makatuwid, palay ho ang lumapit sa manok!.

Alternating ang set-up ko noon. Halimbawa, kung ngayong weekend sa BF ko sa Laguna ako umuwi,sa susunod na weekend, sa bahay naman namin sa Cavite.

After a year na ganun ang set-up namin, never namin inasahan na mabubuntis ako.

One time, panggabi ako nun, all of a sudden biglang may napansin sa akin yung Team Lead ko..Parang may something daw saken..parang blooming daw ako..so since wala pa akong clue that time na buntis pala ako, patay malisya lang. Sumama pako sa team building namin that time, somewhere in Batangas.

And then dumating na nga yung time na dapat period ko na, that was May 2009..Nag hintay ako ng over 1 week pa bago ko sinabi sa ex BF ko na delayed ang period ko. So pag uwi ko sa Laguna, bumili sya ng dalawang magkaibang brand ng pregnancy kit. Sa makatuwid, nag pregnancy test ako. At parehong positive ang result.

Nung mismong sumunod na weekend, umuwi kami sa bahay, sinamahan nya ako dahil ang plano namin ay sasabihin na namin ang totoong kundisyon ko. Agad nyang kinausap ang tatay ko. At syempre, wala na silang nagawa.

And so since then, every weekends, sa Laguna na ako umuuwi (sa ex-BF ko na). Sobrang hirap ng first pregnancy ko.

In my first trimester, nagka UTI ako, kaya kinailangan ko mag antibiotics. Nagbleeding din ako nun kaya niresetahan din ako ng pampakapit. Siguro dahil tagtag din ako sa layo ng nilalakad ko papasok sa office , may overpass pa na tinatawiran.

Kahit na tagtag ako sa lakad, on my 5th month, namanas na agad ako. Namamaga ang ilong, mukha, kamay at paa ko. Though maliit lang yung tiyan ko that time, pero sobrang manas ako. As in yung paa ko ay kitang kita ang paglobo.

Nagpakasal din kami sa huwes nung ika 5th month ng pregnancy ko. Naalala ko nung bumili kami ng ring, grabehan!. Since manas ang mga daliri ko nung time na bumili kami ng ring, ayun nung makapanganak ako at nawala na yung pamamanas, sobrang luwag nya. Hindi ko maisuot, hanggang nawala nalang din dahil hindi ko nga sinusuot.

Aside from pamamanas, sobra yung sensitivity ng ilong at sikmura ko. Ultimong sa polbo eh naiirita ang ilong ko. At kapag talaga hindi ko gusto yung amoy, sumusuka talaga ako. Madalas din ako nasusuka, take note, suka po hindi yung tiping naduduwal lang. Ang dami kong embarrasing moments lalo na kapag nasa byahe ako sa BUS. All of the time, sumusuka talaga ako. May times pa na halfway palang ako papunta sa destinasyon ko, bababa na ako sa BUS and then maghahanap ng CR somewhere para makasuka. Regardless kung malayo or malapit ang destinasyon, nasusuka talaga ako sa byahe nun. Achievement na sa akin yung makarating ako sa destinasyon ko nang hindi sumusuka. Kahit sa office, maya't maya din ako nasa CR para sumuka.

Pero sobrang thankful naman po ako kay Lord kasi nairaos ko naman ang first pregnancy ko nang healthy ang baby ko. Wala namang naging problema hanggang sa manganak ako. Nailabas ko din via normal delivery ang anak ko.

Share ko lang ang picture nya :)..1 year-old sya that time, nagaaral palang maglakad.

And ito na sya ngayon, 11 years-old na po - Grade VI.

Anyways, ito po ang entry ko sa pa-challenge ni @Momentswithmatti . Pasensya na po kasi tinagalog ko na at nagrerefill pa ng english ang braincells ko.

Ikaw, anong first pregnancy story mo? Halina po at i-share mo din sa amin!.