Keep Safe to all of us.

September 25, 2022. Sunday.

Good Day po sa inyong lahat. Wala sana akong balak magsulat ngayon pero dahil gusto ko lang ishare ang nangyayari sa araw ko ay napagpasyahan ko na rin na magsulat. Kaya nga Tagalog na naman itong article na ito kasi hindi naman planado ang pagsulat ko ngayon.

Kaninang umaga pa lang po ay may bumungad na sa aming masamang balita at yun ay yung mag bagyo nga na parating at ito daw ay sobrang lakas at ito ay may pangalang Bagyong Karding . Hind po kami nakakapanood ng balita sa TV kasi nga po ay wala kaming kuryente. At noong narinig nga namin ang usap usapan sa labasan at sa palengke na malakas ang bagyo ay nagsearch agad ako sa Internet kung totoo nga ang balita. Nagulat ako dahil nasa signal no.2 na ang probinsya namin ng makita. Nagpanic din tuloy yung mga tao dito sa bahay namin kasi natatakot na kami mangyari yung dati, yung binaha din kami tapos hindi kami prepared. Kaya naman ng malaman namin yun ay naghanda na agad kami. Binalot at pinlastic na namin yung mahahalaga naming gamit. Yung mga damit din namin binalot ko na at tinaas ko, sa lugar kung saan sa tingin ko ay hind na maabot ng tubig kung sakali nga na bumaha.

Automatic kasi na kapag inulan ng malaks ang Manila ay babaha talaga sa amin. Napupunta kasi sa amin ang lahat ng tubig na pinapakawala sa mga dam. Kaya kanina kahit wala pa namang ulan ay nag ayos na talaga kami ng mga gamit. Nagsisiguro lang kami at wala namang masama doon.

Nitong mga 1:00 pm na ay nakita ko na nasa signal no.3 na ang probinsya namin. Dyan na namin napagdesisyunan na umalis muna sa bahay namin. Maya maya lang ay may nag aannounce na nga na lumikas na daw lahat ng malapit sa tabing ilog at isa nga kami doon. Nagbababala na sila at gusto lang naman daw nila ay maging ligtas ang lahat.

Ngayon habang nagsusulat ako ay nasa bahay na kami ng isa sa mga tita ko. Mataas ang lugar na ito. Ito rin ang pinuntahan namin noong nakaraan na binaha kami. Ilang oras din bago kami nakarating dito. Malayo ito sa bahay namin kaya inabot din ng ilang oras ang byahe. May mas malapit sana na evacuation area doon sa bahay namin at yun ay sa School pero inaabot din kasi ng tubig yun kapag bumabaha na. Kaya dito ma talaga namin napili na magpalipas ng gabi at magpalipas na rin ng bagyo. May bata din kasi ngayon dito sa pamilya namin, yung baby ng ate ko, kaya inuna talaga namin ang safety ng lahat. Sininop o niligpit naman namin ang mga gamit namin. Mas mahalaga pa rin kasi talaga ang buhay ng tao.

Kung makikita nyo sa mga balita ngayon ay itinaas na nila hanggang signal no.5 ang ibang lugar. So it means ay sobrang lakas talaga ng bagyong ito. Kaya sana ay manalangin tayong lahat na kahit papaano ay pahinain ni Lord ang bagyo bago ito tumama sa Pilipinas. Kawawa na naman kasi ang maraming tao kung sakali ngang ganito kalakas ang bagyo, marami na naman ang mawawalan ng tirahan, ng kabuhayan, ng trabaho, ng makakain at iba pa. Kaya sana ay hindi na magpatuloy pang lumakas ang bagyo at sana ay humina na ito. At sana ay maawa ang satin si Lord at pakinggan nya ang ating mga dasal.

Kayo rin po, mag ingat po kayo at maging alerto at handa. Kung maari ay lumikas na din po yung mga nakatira sa tabing ilog at dagat para safe na po tayong lahat.

And let us all keep praying na sana ay palagi po tayong gabayan ng poong maykapal.

And that's all for today. Maraming Salamat po sa pagbabasa nitong aking article. Happy Sunday. Stay safe and keep safe po sa ating lahat.

Lead image source: Bagyong Karding