Tupperware- used for plastic food storage containers with tight-fitting lids.
Source: www.merriam-webster.com
Umbrella ( Payong in Tagalog) – something which covers or embraces a broad range of elements or factor.
Source: www.merriam-webster.com
Good Day Everyone !
Naisip kong isulat ito dahil gusto ko lang alalahanin at balikan ang mga nakaraan ko, nung Bata pa ako. Sobrang kulit ko pa noon, medyo matigas din ang ulo, syempre normal naman yun sa mga Bata. Palagi din ako nagbibilad sa araw dahil sa pakikipaglaro. Simula noong elementary palagi na akong nasa kalsada kasama ang mga kalaro ko o Kung minsan ay mga kaklase. At hanggang mag high school na ako ay nakikipag laro pa rin ako, eto yung mga panahon na halos dipa uso yung mga gadgets na yan kaya wala pang social media na kinaaadikan ng mga kabataan ngayon. At normal din noon na kahit high school na ay naglalaro pa, iba na kasi ang mga kabataan ngayon parang maaga silang nagmamature.
May dalawang bagay Lang akong naaalala na dapat ay paligi kong dala pag uwi galing sa eskwelahan. Dalawang bagay na pinakaimportante nung Bata pa ako. Dalawang bagay na hindi ko pwedeng kalimutan dahil ako’y mapapagalitan.
Simula Elementary ata hanggang Junior high school ay hindi nawala ng dalawang bagay na yan sakin.
Lagi akong may dalang Tupperware kapag papasok sa school dahil dito nilalagay ng aking ina ang baon kong mga pagkain. Minsan pananghalian at minsan pangmiryenda. Ang payong naman ay lagi ko din dala dahil kailangan ko daw ito palagi, umulan man o umaraw.
Binabaunan ako ng aking ina ng pagkain upang hindi daw ako magutom sa paaralan. Ayaw nya na hindi ako kakain kaya hindi sya nakakalimot magpabaon sa tuwina. Ang Tupperware na meron kami ay yung makukulay at iba't iba ang size.
Meron akong laging dalang payong at ito ay laging nakalagay sa loob ng aking bag. Hindi ko din pwede kalimutan na dalin ito palagi. Pero noong elementary pa lang ako ay yung mahaba ang tangkay at hindi yung folding na payong ang binibili sa akin ni mama. Kaya madalas ay nalilimutan ko sya sa school dahil sinasabit ko lamang sya sa mga bintana ng aming classroom dahil Hindi kasya sa aking bag.
Natatawa lamang ako dahil ngayon ay ginagawan ito ng mga kabataan ng kalokohan, sinasabi na mag Mahal pa ng ating mga Ina Ang tupperware at payong, dahil pag ang tupperware nawala mo at ang payong ay nasira mo lagot ka na dahil papagalitan na ka nyan.
Ewan ko lang kung sa iba ay ganito din, panigurado hindi lalo na sa may mga kaya sa buhay ang pamilya. Hindi ganun kalahaga ang tupperware at payong dahil pag nasira ito o nawala ay kaya naman nila bumili ulit. Hindi nila naranasan na mapagalitan dahil lamang sa mga bagay na ito. Para sa akin ay memorable ang mga ganto kahit na napapagalitan ako ay okay lang dahil matututo naman ako.
Dati ay hindi naman big deal ang tupperware at payong na yan pero dahil nga nauso at nagsulputan ang mga memes tungkol dyan ay naalala ko lang ang mga karanasan ko noon.
Authors Note:
Totoo po na napapagalitan ako ni mama dahil sa Tupperware at Payong noon Kaya naisulat ko ito. At wag po kayo mag-alala dahil hindi po ako magsusulat ng article tungkol sa mga manok na Mahal na Mahal ni Tatay dahil unang una ay wala po kaming manok dito sa bahay at pangalawa po ay wala na po akong Tatay. Opo, dahil broken pamili po kase kami. Kaya pagbigyan nyo na po itong kwento ko tungkol sa Tupperware at Payong ni Mama. Hahahhaha.
At pasensya na po pala kayo sa intro ko , gusto ko Lang Po na medyo informative sya. Peace.
Credits to the owner of my lead image : https://www.umbrellaheaven.com/product/wood-stick-orange-umbrellas and https://recyclecoach.com/recyclepedia/food-storage-containers
Thanks for reading this.
Don't forget to Be Nice and Be Good as always.
Bye
...and you will also help the author collect more tips.
Hhahaha dahil sa article mo po eh may naalala 'rin ako. Minsan ko na 'ding naiwala ang lalagyan ko ng tubig, tupperware 'rin ang brand kulay pula.
Napagpalit pala kami ng kaklase ko, akala niya siguro ay 'yung sa akin ay kanya. Nauwi pa tuloy sa pagpunta ng guadian ko sa school ara mahanap ang bote ng tubig.
Hahayaan ko na sana 'yun kasi ayaw ko mapahiya yung kaklase, ikaw ba naman pinuntahan ng magulang tapos nasa loob ka ng room niyo na nandun ang teacher at ilan pang classmates namin kaso nagpumilit pa ang lola ko na kunin ang bote ayun naibalik naman 😅.