Ang tanong, bakit nga ba ako dapat pagkatiwalaan?
Aba, nagulat ka siguro dahil ngayon mo lang ako nakita o nabasang nagsulat ng tagalog hindi ba? Hindi ko rin alam kung bakit tagalog ang ginamit kong lingwahe ngayon, siguro masyado na kong napagod sa araw na ito at gusto ko ng ipahinga ang utak ko sa pag sa salita at paggamit ng Ingles. Dahil kanina rin ay may nakausap akong foreigner sa mall, katabi ko sya at nagtatanong sya kung saan may pinakamalapit na sakayan papuntang Trece Martirez City. Kung mangggaling ka sa Tanza, 45 to 1 hour ang guguluhin mo bago ka makarating sa SM Trece kung saan ang babaan ng mga pasahero ng jeep.
Ngayon nga, bigla ko lang naisip na bakit nga ba ako o tayo dapat pagkatiwalaan ng isang tao? Palagay na natin na hindi lamang isang tao kung maraming tao. Ano nga ba ang kahalagahan na may tiwala satin ang isang tao at paano natin maaalagaan ang tiwalang ibinigay nila sa atin. Siguro nga marami sa rin sa atin ang may mga tinatawag na trust issues kung baga, iyon ang mga taonh nag tiwala ng lubos pero hindi nabigyan ng halaga ng taong pinagkatiwalaan niya. Masakit man isipin pero ano nga ba ang gagawin natin kung hindi ang intindihin ang mga taong may mga trust issue.
Bago ko pa simulan ang blog na ito, nagpapasalamat ako sa mga taong walang sawang sumusuporta at nag titiwala sa akin. Hindi ko mawari pero parang pakiramdam ko, ang suwerte kong tao dahil napapaligiran ako ng mga mabubuti at hindi mapagsamantalang mga tao. Alam mo iyon ang pakiramdam na kapag maraming taong nagtitiwala sayo, mas tumataas ang kumpiyansa mo sa sarili mo dahil nararamdaman mong hindi ka mag-isa. Hindi ka mag-isa sa mga problema at may mga tao kanh pwedeng lapitan at hingian ng tulong. Hindi ba't ang sarap lang sa pakiramdam na iyon?
Kapag tayo pinag katiwalaan ng mga tao, hindi mo ba naiisip kung anong nakita nila sayo at bakit sila nag tiwala? O kaya naman bakit patuloy silang nagtitiwala sa atin hanggang ngayon? Dahil ako mismo sa sarili ko, madalas akong nag tatanong sa sarili ko na deserve ko ba ang mga tiwala nila sakin? May mga pag kakataon kasi na minsan magkakaroon ka ng alinlangan sa sarili mo. Alinlangan na madalas humahadlang satin na gawin ang pinaka best natin at makamit ang mga bagay na kay naman talaga nating gawin. Oo, makikita mo sa sarili mo na maayos ka naman, disente kang tao, at may mga nagawa kana sa buhay mo pero bakit kaya nakadikit pa rin yung alinlangan?
Ang tanong na bakit nga ba ako dapat pagkatiwalaan? Ikaw lang sa sarili mo ang makakasagot niyan. Mas kilala mo ang sarili mo at mas kaya mong i depensa ang sarili mo na bakit ka dapat pagkatiwalaan ng mga tao. May mga pagkakataon na tinatanong ko sa mga kaibigan ko na bakit ang laki ng tiwalang ibinibigay nyo sakin? May mga kaibigan ako na sumagot dati na dahil daw mabuti akong kaibigan at lagi akong tumutulong sakanila. O kaya naman ang iba, sinasabi nila sakin na dahil daw ang transparent kong tao, madali lang akong pagkatiwalaan. Alam mo yon, ang laking factor na minsan nag oopen ka rin sa mga kaibigan mo dahil sa ganoong paraan nararamdaman nilang nagtitiwala ka rin sakanila.
Kung baga, ang tiwala palitan lang siya. Nagtitiwala ako sayo at magtitiwala ka naman akin. Ang sarap lang din sa pakiramdam na alam mo sa sarili mo na katiwa-tiwala kang tao. Sa panahon ngayon, ang tiwala ay hindi na kayang tumbasan ng pera, materyal na bagay at panunuyo. Kapag nabasag at nasira mo na ang tiwala ng ibang tao, sa tingin ko ang hirap na siyang ibalik at maging maayos muli. Subalit may mga pagkakataon naman na ang tiwala, kapag nabasag, at binigyan ng pagkakataon ulit, mas tumitibay at mas nagiging solido ang pundasyon. Kaya naman kung may kakilala kang tao o mga taong nagtitiwala sayo ng lubos, huwag mo sayangin ang tiwala nila sayo. Pahalagahan mo at protektahan mo ito.
Thanks for the sponsorship.
Thanks for reading! I'll see you next time!
Ang pagtitiwala ang kung baga kadikit na nito ang sakit pag sinira mo lods. Di lang siya importante, kundiimportanteng importante siya na dpat talaga meron ng bawat isa sa atin.