Anak, pasensya na
Tao lang si Nanay
Napupuno sa kakulitan at kaingayan mo
Gusto nya lang din ikaw matuto
Sa kung ano yung ingay na nakakatuwa at nakakaistorbo
Dahil ayaw nya na ibang tao pa manita sa'yo
Baka kasi pag ganun ang nangyari
Ay mapaaway pa sya sa pagtatanggol sa'yo
Masakit kasi sa Nanay na pinapagalitan ng iba ang anak nila
Para bang sya ang napapagalitan ng bongga
Dahil para kay Nanay isa kang kayamanan, diamante kumbaga
Na di pwedeng alipustahin o saktan ng iba
Di baleng sya na ang masaktan
Wag lang ikaw na supling nito.
Anak, pasensya ka na
Napagsasabihan at napapagalitan ka ni Nanay
Gusto nya lang kasi habang bata ka pa
Matututo ka na sa mga simpleng bagay
Ayaw nyang lumaki kang suwail at pasaway
Ayaw ka din nyang nananakit ng kapwa
Ganun din ang manlamang ng ibang tao
Sana maintindihan mo na ito'y para sa iyo ding kinabukasan
Kung nasasaktan ka
O kaya akala mo galit si Nanay
Nagkakamali ka
Ayaw din nya sumigaw, magalit at magtampo
Kasi mas higit ang sakit at bigat sa kanyang damdamin at puso
Di nya lang maipakita pero sya ay sa dilim lumuluha
Ang puso nya'y nadudurog pag iyon ay kanyang ginagawa
Pakiramdam nya may nagawa syang di tama
Na baka nagkulang sya
O di naman kaya ay napapabayaan ka na nya.
Napapaisip sya bago matulog sa gabi
Mabuti ba kong ina?
Tapos hinahaplos ang buhok mo
Panay halik sa iyong noo
Nagsosorry ng paulit-ulit sa pagpapaiyak sa'yo
At sinasabing, anak I love you!
...^•°...
Uy kaibigan, salamat at ikaw ay napadaan
Sensya na di ito tungkol sa bitcoin, bch o anupaman
Gusto ko lang maihabagi ang damdamin naming mga nanay
Na aking natutunan nung ako'y naging isang din sa kanilang hanay
Na pati ang pagdamit at pagsuklay
Ay talaga palang nakakalimutan nang tunay
Pag si anak ay umiyak at nag-ingay.
Salamat ng madami at ingat palagi!
...^•°...
Lead image is mine.
#originalcontent #randomshot
Parang naging mga makakata ang mga nagcomment matapos nilang mabasa ang iyong artikulo. 😎 can't relate kasi hindi pa ako nanay pero alam ko nga kung anong sakit ang nararamdaman ng isang ina kapag nakikita niyang nasasaktan ang kaniyang anak. Yung recent lang na nasaktan yun nanay ko nung post op check up ko. Yung tinatahi ulit ako pero hindi tumatalab yung anaesthesia na humihikbi na lang ako sa sakit. Aba ang nanay ko naririnig ko na nakikiiyak din. 😁 kase nga nakikita daw niya ako nasasaktan. 💗💗