Magandang araw mga manunulat at mambabasa, naway lagi tayong nasa mabuting kalagayan sa lahat ng oras at ligtas sa anumang kapahamakan. Laging tandaan na ang bawat araw ay biyaya mula sa Maykapal na dapat nating ipagpasalamat.
Naaalala ko pa ang kahapong nagdaan, kahapong puno ng saya at walang iniisip na pandemya. Yung mga masasayang araw na bumabalot sa bawat isa at mga matatamis na ngiting nasisilayan sa bawat labi nila, waring kay sarap mabuhay na walang inaalalang balakid sa buhay.
Di man ako pinalad magkaroon ng sariling pamilya ngunit masaya na ako kasama ang mga kapatid at mga pamangkin ko. Sila ang nagpupuno ng kulang sa aking buhay. Masaya akong kasama sila at alam kong lagi nila akong napapasaya sa lahat ng oras. Para sa akin sapat na ang pagmamahal na binibigay nila sakin. Wala man kaming mga magulang pero mananatili parin kaming buo at sama sama, sila ang dahilan kung bakit ayokong magkaroon ng sariling pamilya.
May 11,2018 ng ipasyal ko ang aking pamilya, kaarawan ng pamangkin ko ng araw na yon, dinala ko sila sa may Grand Canal Venice sa McKinley Taguig, feeling nasa Italy lang lol! Kinabukasan ay birthday ko din kaya mas pinili ko silang ipasyal sa araw na yon at maging masaya ang aking pamangkin.
Lumaki ang mga pamangkin ko sa poder ng mga magulang namin, maaga naghiwalay ang mga magulang nila dahil nagluko ang babae habang nasa trabaho ang kapatid ko. Lahat ng pamilya ng asawa ng kapatid ko galit na galit sa babae dahil wala naman rason para mgluko. May malawak silang lupain na nabili ng kapatid ko pero di sila doon tumira kasi ayaw nia sa bukid tumira, may tindahan sila na kalahati sa puhunan nila ay ibinigay ko para lang maganda ang buhay nila, may sarili silang bahay, kompleto ng gamit sa bahay at kompleto din ng alahas ang aking hipag, mabait ang kapatid ko at di nananakit lalo at walang bisyo pero di namin alam ang dahilan bakit pa siya ngloko kaya minabuti ng kapatid kong hiwalayan na lang. Dumating sila sa korte at ayaw na makipagbalikan ang kapatid ko kasi adultery ang kaso kaya ang hatol ng hukuman sa panig ng kapatid ko mapupunta ang mga anak nila at lahat ng ari arian nila ay makukuha ng kapatid ko din at makukulong ang asawa nito pero nakiusap ang kapatid ko na hihiwalayan na lang niya ang asawa niya at kukunin ang mga anak niya. Huwag ng ikulong ang dating asawa at hatian na din sa ari arian nila. Kaya mula noon sa amin na nakatira ang mga bata at ng mamatay ang tatay ko nagpakalayo layo na din kami at lumipat ng manila pero noong 2018 isinama ko sila sa Mindanao para makita din nila minsan ang mga lolo at lola nila at ibang kamag anak sa nanay nila dahil mahigit sampong taon na din nila di nakikita ang mga iyon.
Maswerte ako sa mga kapatid kong lalaki kasi nirerespeto nila lahat ng decision ko. Di nila ako iniiwan kahit may mga pamilya na. Ang kapatid kong yan dina nag asawa mula noon kahit sinasabi namin mag asawa na pero ang sabi baka maltratuhin lang ng magiging asawa nia mga anak nia. Ngayong dalaga at binatilyo na mga anak nia sinasabi ko lagi mag asawa na pero ang laging sagot "Darating din ang tamang oras".
Inalagaan ko siya sa ganyang edad noong nangibang bansa ang nanay niya upang mag ipon para sa kinabukasan nila dahil may sakit noon ang bayaw ko at naging PWD dhl sa kanyang sakit at di sapat ang kinikita dahil sa pagda dialysis. Ngayon malaki na din siya at magkasama na sila ng mga magulang niya ngunit napalayo na sila dahil sa Quezon province na sila tumira. Sobrang napamahal sila sakin dahil sila ang kasa kasama ko sa lahat ng lakad ko pero ganon talaga ang buhay, darating ang araw na maiiwan nila ako ngunit mananatili parin sila sa sking puso.
Tanging masasayang alaala na lang ang aking nababalikan na sana kung maibabalik pa ang kahapong nagdaan. Mga alaalang ngpapangiti sa akin kapag nakikita ko ang mga litratong nakatago. Magbago man ang ikot ng mundo,mananatili parin kayo sa aking puso at walang magbabago kailanman.
Closing:
Sadyang masarap balikan ang nakaraan,ngunit kailangang tanggapin na kailanman mananatili parin ito sa nakaraan. May di pagkakaunawaan minsan pero mananaig parin ang pagmamahal sa ating mga puso. May mga bagay na mahirap ipaliwanag pero panatilihing malinis ang ating konsensya.
Maraming maraming salamat sa pagbabasa na naman sa aking gawa. Naway di ako naka abala ng husto sa inyo. Ang lahat ng ito ay base sa totoong buhay ko.
Maraming maraming salamat sa mga sponsors ko at sa mga readers, kayo ang dahilan bakit patuloy parin akong ngsusulat kahit sobrang busy bilang domestic helper. God bless you all.
"Photos are all mine"
Location: Grand Canal Venice, McKinley Hills Taguig City Philippines
(#10)
September 14,2021 Tuesday
Kuwait time: 2:30 pm
Sending of love,
Sweetiepie ❤
Mga alaalang nkatatak sa puso at isipan ntin.. balang araw makakasama mo ulit sila.. magpakatatag ka lang po at magingat jan. Mabait kang tao po inalgaan mo sila at bibigyan ka din someday ng diyos na mkakasama sa buhay...