Midterm Examination Week Done!

November 26, 2021. Friday.

Midterm Examination Week Done! Sa wakas tapos na rin ang paggising ko ng maaga at tapos na rin ang pagpupuyat ko. Gumigising kasi ako ng maaga dahil nagpeprepare ako sa mga examination ko sa araw na iyun at natutulog naman ako ng late dahil sa pagrereview ng mga past lesson na kasama sa mga ieexam namin, minsan kahit umaga din ay nagrereview pa rin ako para marefresh sa utak ko yung mga nireview ko ng gabi.

Kapag college ka na kasi hindi pwede ang hindi ka magreview lalo na kung face to face ang klase nyo. Hindi pwedeng umasa ka lang sa stock knowledge dahil baka ang maging score o grade mo ay maging stock din Haahhah. Kapag college ka na wag ka masyadong pakampante sa mga natatandaan mo lang na itinuro sa inyo dapat talaga ay magreview ka hangga't pwede at kaya mo. Sanay na kasi ako dyan, noong first year college ako gawain ko ang umasa sa stock knowledge lang minsan tumatalab naman ang ganung strategy pero madalas hindi. Hahahha. May mga teacher kasi na kinukuha ang exam sa mga powerpoint presentation nila, yung tipong halos lahat pala ng maliliiit na detalye ay kailangan mong i-notes kasi minsan iyun talaga ang mga tanong sa exam. May mga teacher din na halos lahat ng nasa exam ay enumeration, kaya kung hindi ka nagnotes at nagreview ay lagot kana dahil baka wala ka talagang maisagot.

Pero meron talaga akong isang proffesor namin na kakaiba ang way nya sa pagbibigay ng exam. Kasi ang exam nya ay "true or false" lang pero nasa 50 items iyun at ang malupit pa doon ay sasabihin nya ang clue na lahat daw iyun ay False. Kapag True or False kasi ang exam sa kanya hindi pwedeng sasagot ka lang ng T or F o isusulat mo lang ang word na "True" at "False" dahil kapag False ang sagot ay kailangan mo hanapin sa statement ang nagpamali doon at kailangan mong baguhin ang word na iyun. Pero ang mahirap doon ay lahat nga sya False so ibig sabihin ay kailangan mong baguhin at sagutan lahat. Hahahhha hindi ba at kakaiba talaga sya magbigay ng exam? Professor ko yan noong first year college ako at apat na beses nya ata yang ginawa sa amin yan , isang quiz (30 items), isang midterm exam (50 items), isang  quiz ulit (30 items) at isang final exam (50 items). Lahat yan True or False at lahat din ng sagot nga dyan ay False. Natry ko na kasing magsagot ng True noong unang bigay nya ng quiz sa amin dahil hindi ako naniwala na puro False nga ang sagot kaya nagsagot ako ng True at higit sa 10 na True ata ang sinagot ko kaya lahat yun ay mali din. Simula noon ay natuto at nadala na talaga ako kaya nagrereview na talaga ako ng husto sa subject na iyun.

Kadalasan may mga guro din naman na madali lang magbigay ng exam at ayaw pahirapan ng husto ang mga estudyante nila. May mga guro din na puro essay ang test. Meron din mga multiple choice lang ang exam. Pero huwag na kayong umasa na porket multiple choice ay madali lang dahil hindi ganun yun, minsan nga kapag multiple choice halos lahat ng sagot ay tama kaya mas mahihirapan ka ng sobra sa pagpili kaya kailangan mong ianalyze ng husto ang tanong, hindi na ito katulad lang ng mga mutiple choice noong elementary o high school ka pa, iba na ito at mas pinahirap. Ayan ah nakakapag bigay na ako ng mga tip sa upcoming college student na makakabasa nito. Hahhahah.

Noong face to face classes din ay hinding hindi pwede ang dayaan na yan at  open notes lalo na kung batay sarado talaga kayo ng professor o instructor nyo. May mga mahihigpit kasi talagang prof at instructor na habang nag eexam ay paikot ikot talaga sya at hindi basta nakaupo lang sa lamesa, meron kasi akong naging taecher na ganyan.  Pero meron din namang mga guro na hindi ganun ka istrikto kaya ang ibang estudyante ay nakakahanap ng way para makapang daya.

Kaya ang swerte lang ng mga college student ngayon dahil nagagawa nila ang gusto nilang gawin kapag exam lalo na kung hindi naman nirerequired ng guro na mag open camera the whole meeting na iyun, dahil naiintindihan din naman nila na maaksaya yun sa load para sa mga nagpapaload lang at ang iba ay iisa lang talaga ang gadget na ginagamit kaya hindi kayang mag open ng camera dahil doon na rin sa gadget na iyun sila magsasagot ng exam. Pero hindi lang naman college student ang swerte kung hindi ang iba na ding estudyante. Minsan nga nakikita ko ang mga elementary students na hindi sila ang nagsasagot ng module nila kung hindi ang mga magulang, ate o kuya nila ang sumasagot nito eh. Pero sana naman hayaan ng mga magulang ang mga anak nila ang sumagot nito upang matuto talaga ang bata at gagabayan lamang nila ito kapag kailangan ng tulong. Pero dahil ang iba ay bumabalik na sa face to face classes ngayon ay hindi na ito magiging problema. Matuturuan na talaga ng maayos ang mga bata ng kanilang mga guro.

At ang kinalabasan o resulta nga pala ng mga exam ko ay maayos naman at lahat ito ay pasado. Kaya masaya ako sa naging resulta ng pagpupuyat ko at paggising ng maaga. Sulit ang pagod ko sa pagrereview.

At iyan lamang para sa araw na ito. Sinammarize ko lang ang mga nangyari sa naging Midterm Examination week namin at parang nakapagbigay na din ako ng ilang tips sa mga upcoming college students hahahha. Iyan lang, Maraming salamat at Hanggang sa muli.  

Maraming Salamat  sa inyong pagbabasa, sana ay huwag kayong mapagod na basahin ang aking mga gawa. Salamat din sa inyong suporta at tiwala sa aking at sa aking mga articles. Salamat muli.

Gusto ko magpasalamat ng sobra sa aking mga Sponsors na sobrang babait at generous. Bisitahin at basahin nyo rin sana ang kanilang mga artikulo kapag mayroon kayong libreng oras. Sobrang gaganda din ng kanilang mga gawang artikulo at sigurado ang mageenjoy kayo sa pagbabasa. At gusto ko din palang magpasalamat sa mga taong palaging binabasa, nagcomment at nag upvote sa aking mga artikulo. Maraming salamat din sa inyo. At nawa ay pagpalain kayong lahat dahil sa taglay nyo kabaitan at kabutihan.

Thanks for reading this.

Keep Safe and God Bless us always.

Don't Forget to Be Nice and Be Good to Everyone.

Bye.

 Lead image source: Unsplash