Para Sayo Itay

Mahal kong tatay,

Biyaya kang tunay

Alaga mo't gabay

Walang ibang makapapantay

Sipag mo't tiyaga

Tunay na kahanga- hanga

Buhay ay handa mong itaya

Kailanma'y di ka nagpabaya

Dadi, Papa, Tatay o Itay

Mga katawagang ikinaliligaya mong tunay

Salamat sa iyong pasensya

Pagmamahal mo at presensya

Maraming salamat sa iyong lakas

Puyat at pagod, sa iyo'y hindi mababakas

I love you Tay, Mahal kita!

Diploma't medalya alay sa'yo amang sinta

Para sa iyo Itay! Buhay ay aking alay

Pag-ibig mo't gabay, kasiyahan aking taglay

Handa akong suklian, iyong mga pagsisikap

Magtitiyaga hanggang huli, pasasalamat ko sa iyong paglingap