Disclaimer: Di talaga ako sanay magsulat sa Tagalog, di ko kasi kayang ma-express yung sarili ko, the way na nagagawa ko sa English. Tsaka taglish to kasi di ko talaga kayang itranslate yung ibang words, lalo na legal terms TT.TT
Ayun, bear with me na lang talaga mga bes. Gagalingan ko promise! Chz.
Nitong mga nakaraang araw, nagkakagulo ang online world at ang mga netizens sa mga issues tungkol sa taxation. Hindi lang sa mga influencers sa kahit anong social media platforms (Youtube, Facebook, Tiktok at iba pa) pero pati na din sa mga freelancing, crypto trading, online selling at iba pa.
Dahil ito sa nilabas na Revenue Memorandum Circular, RMC No. 97-2021: Taxation of Any Income Received by Social Media Influencers. Madaming nagalit, natuwa at nang-troll dito kasi nga naman kung titignan mo, bumabagsak na ang ekonomiya ng bansa at wala ng pera ang gobyerno. Iniisip ng karamihan na ginagamit lang ng gobyerno ang oportunidad na to para makakuha ng pera.
Pero isa-isahin natin:
Ex post facto law
Siguro nababasa niyo na to, lalo na sa mga post ni Xian Gaza, na sinasabing hindi pwede na tax-an o buwisan ang mga influencers kasi magiging ex post facto law at ito ay unconstitutional or labag sa constitution ng Pilipinas.
Ex post facto is most typically used to refer to a criminal statute that punishes actions retroactively, thereby criminalizing conduct that was legal when originally performed.
Simple lang naman ang logic ng ex post facto law, kapag nagpasa ng criminal act hindi pwedeng madamay ang mga gumawa nito bago mapasa ang batas. Halimbawa, kapag nagpasa ng batas na simula August 25, 2021 bawal na kumanta, lahat ng kakanta sa August 25, 2021 at sa mga susunod na araw lang ang pwedeng kasuhan, yung mga kumanta bago ang August 25, 2021 ay hindi na pwedeng kasuhan. Dahil noong mga panahon na yun di pa naman bawal kumanta kasi pang batas na nagsasabi na bawal ang kumanta.
May ex post facto law ba na nangyari?
WALA.
Unang-una ang RMC ay hindi batas, so kung titignan mo walang bagong batas kaya paano magkakaroon ng ex post facto law? Ang RMC ay isang circular lamang na naglalayon na tumulong sa mga taxpayers na mag-explain ng ating tax code o batas. Ibig sabihin interpretation lang siya ng batas natin na tinatawag na TRAIN Law.
At sa RMC na nilabas, nagpapaalala lamang ito na kailangan magbayad ng influencers ng tax dahil responsibilidad nila ito at ito ang nasa batas.
Magbabayad ba talaga sila ng tax?
OO, DAPAT.
Sec 32 of National Internal Revenue Code (NIRC) - Except otherwise provided in this Title, gross income means all income derived from whatever source…
May dalawang parts tong statement na to:
“Except otherwise provided in this Title” - ibig sabihin may exemption naman talaga sa tax pero dapat nakasulat sa batas ang exemption na yun. Kaya pag pinag-usapan natin kung taxable ba o hindi, tanong mo muna sabi ba sa batas na exempt? Kapag walang sinabi tax-an mo.
“gross income means all income derived from whatever source” - walang sinabing way para maging taxable ang isang income, sabi pa nga “from whatever source” ibig sabihin kahit papaanong paraan mo na-earn taxable yan. Ganyan kapowerful ang taxation.
Paano kapag di naman sa Pilipinas na-earn taxable pa din ba?
Sec 23 (A) of NIRC - A citizen of the Philippines residing therein is taxable on all income derived from sources within and without the Philippines.
Kapag tinignan mo ang batas, kapag Filipino citizen ka at nakatira ka sa Pilipinas taxable lahat ng income mo kahit saan mo pa na-earn yan, Pilipinas man o hindi. Pero syempre may mga tinatawag na reciprocity rules o mga provision sa batas na di ka na pwedeng taxan pa kapag na taxan ka na kasi magiging double taxation yun.
Paano kapag hindi ko naman alam na kailangan pala magbayad pwede ba na sa mga susunod na kita ko na lang bayaran at wag na yung dati?
May legal principle tayo na ignorantia legis neminem excusat o “ignorance of law excuses no one from compliance therewith”
Hindi natin pwedeng sabihin na hindi natin alam ang batas natin kasi batas natin yun at dumaan yung sa proseso (due process of law), kagaya ng publication sa mga newspaper at balita. Required ang bagong batas na mabalita, ito ay para ipaalam sa mga mamamayan na may bagong batas upang di rin nila magamit ang rason na di nila alam ang batas.
Sa totoo lang, na-eexcite ako sa mga posibleng mangyari dito, if magbabayad na lang ba talaga ang mga influencers o maghihire sila ng mga abogado para sa isang legal case.
Lead image: Photo by Gian Cescon on Unsplash
Slow clap👏🏻👏🏻👏🏻 mas naintindihan ko yung explanation mo kesa sa prof ko dati hahaha pero nasa tao na rin yan e lalo na kung sa tulad natin na nag-eearn sa mga ganito. Unless i-declare natin sa kanila na may income tayo thru this, dun nila tayo hahabulin. Tama ba? Hahaha