Tawag

Isang maulang umaga

Gumising sa aking diwa

Tila ba nagbabadya

Sa isang malungkot na balita

Subalit pilit ko itong binalewala

Ngumiti kahit lang bahagya

Nagbasa, nagsulat, nagtrabaho at ano pa

Pero ang bigat sa dibdib ay di mawala-wala

Isang tawag, oo isang tawag

Sa akin ay lalong nagpakaba

Pangalan mo aking nakita

Ako'y nanginig sa takot at pangamba

Kung anuman ito ay ayoko na sanang malaman pa

Oh musta, anong balita?

Malumanay kong nawika

Ate, wala na sya

Diretso mong salita

Natahimik ako bigla

Balitang aking iniwasan ay ito na

Totoo na at di ko na kayang itanggi pa

Di ko alam anong aking sasabihin

Ang luhang pilit kong pinigilan

Ay sumabog na ng tuluyan

Para akong binuhusan ng isang malamig na yelo

Ang puso ko ay tila ba tinusok-tusok mg pino

Pano ba kita aaluin pinsan ko

Anak na iyong pinagdasal at pangarap

Naglaho ng isang iglap

Tamang salita ay di ko maapuhap

Sa panahong ito gusto sana kitang mayakap

Kaso ang hirap-hirap.

Tila ba ako ay nawala sa sarili

Di namalayan sumunod na mga sandali

Narinig ko na lang si Nanay ay nagsabi

Pakatatag ka at magdasal palagi

May dahilan ang lahat, di pa natin mawari

Mahirap anak ko pero di natin kontrolado

Magdasal ka at manalig

May dahilan ang lahat

Bukod tanging ang Diyos lang ang nakakaalam

Magtiwala, magpasalamat at ialay sa Kanya ang lahat.

Salamat uli kaibigan at ikaw ay napadaan

Sana ay iyong nagustuhan

Tulang kwentong aking naisipan

Ngayong umagang maulan.

Lead image is mine.
#originalcontent #readcash