Kumusta mga kaibigan?
Ngayon na lang ulit ako nakadalaw at nagkaroon ng pagkakataon na magbahagi ng isa na namang kwento
Sa isang tao na itatago natin sa pangalang Maria.
Si Maria ay kasambahay nila Keana
Kapitbahay ito ng nanay nya doon sa bayang pinagmulan nya
No read, no write si Maria
Mahirap lang sila, nakatira sa isang barong-barong na tagpi-tagpi sa gilid ng kalsada
Doon iniwa nya ang inang 90 taong gulang na
Kasama ang dalawa nyang kapatid at tatlong pamangkin nya
Di na halos makakita si nanay nya
At sya ang dahilan bakit tinanggap noon ni Maria ang alok na maging kasambahay nila
Noong una, maayos pa ang pakikitungo nila
Dinala nga nila si Maria para ipaglaba at ipagluto sila Keana at kapatid nya habang sila ay nag-aaral pa
At noong nakapagtapos, nagbalik sa probinsya at dito na nakahanap ng trabaho
Dala-dala pa din nila si Maria
At dito na nag-umpisa ang kalbaryo ng buhay nya
Nagbago bigla ang pakikitungo sa kanya
Higit pa sa kasambahay ang trato sa kanya
Isang beses, nadurog ang puso ko noong pumunta sya sa bahay
Sabi nya nahihilo ako bes at halatang maputla sya
Kaya agad kong pinaupo at pinainom sya
Bakit kako, anong nangyari sayo?
'Nahilo ako sa ulam ko
Aba masarap siguro ito, biro ko
Hindi bes, baka sa kinain ko 12 pirasong ulo ng hipon
Ha? Dose piraso? Bakit ang dami?
Yun kasi ang inabot sakin bes na ulam ko
Luh, bes di ba may highblood ka? Bat mo kasi inubos yun?
Sayang kasi bes tsaka tagal ko ng di nag-ulam ng hipon'
Isang hapon habang nagmemerienda kami sa tindahan ng kapatid ko
Bigla na lang nagmamadaling lumapit si Maria sa kapatid ni Keana
Sabi, bes tignan mo nga yung kambing namatay na yata
Tumakbo sila at pinuntahan yung kambing
Ayon patay na nga at lumobo na ang tyan
Di malaman kung ano ang dahilan
Pero sabi ng bayaw ko baka daw may nakain na uod at yun ang ikinamatay
Akala namin, ayos na kasi ang sabi naman sa kanya ng kapatid ni Keana
Wala naman na silang magagawa kasi wala na at di na maibabalik o maisasalba pa
At sinamahan pa nga nyang ilibing itong kambing na kawawa
Pero laking gulat namin kinabukasan
Si Maria ang tamlay at nung tinanong ni Nanay kung kumain na ba sya
Ang sagot nya wala syang gana
Pinagalitan daw sya at sinisisi bat namatay ang alaga
Hay, kung alam lang nila ang hirap na Maria pumunta sa mga karatig na bukid para lang makahingi ng damo na ipapakain sa mga kambing
Pati nga ulam nila minsan ay sya pa ang namumrublema na kung tutuusin ay dapat sa mga amo na nya
Pati nga kape ni Maria ay sya pa ang nasagot kasi di naman pala nagstock ang amo nya
Sa isa na namang pagkakataon, nagbuhat si Maria ng mineral water
Eh nadulas sa kamay nya kasi may kabigatan naman talaga lalo at puno pa ito
Nabasag tuloy ang galon
Aba, pinapabayaran ba naman daw sa kanya
Kaya ang kawawang Maria ay nakihiram muna sa tindahan para lang may kapalitan ang galon nila
At nitong nakaraan lang, nalaman nya na ang pinangakong SSS na sabi hinuhulugan buwan-buwan mula pa noong sya ay namasukan ay di naman pala totoo
Na ni isang buwan ay di man lang nahulugan ito
Yun pa naman ang inaasahan ni Maria,
Na pagdating ng ika-60 nya kahit pano magkakapension sya
Pero ang masaklap nung pinacheck nya sa kakilala
Nalaman nyang wala pala ni isang pisong duling sana.
58 na taon na si Maria
At may mga iniinda na sa katawan nya
Pinipilit lang lumaban para may maiabot ma sustento sa nanay nya
Pero sa nangyayari sa kanya
Sobrang abuso na kasi mga amo nya
At sa madaming pagkakataon na magpapaalam sya na magbakasyon at makasama ang kanyang pamilya
Laging sabon at panunumbat pa ang ipapabaon ng mga amo nya sa kanya.
Di ko alam pano sya tutulungan
Dahil ilang beses na namin syang pinagsabihan
Ihahatid na nga namin sya sa bahay nila pumayag lang sya
Pero ayaw kasi nya, iniisip nya ang Nanay nya
Ang pamilya nyang umaasa sa kanya.
Ibang klaseng tatag at lakas ni Maria
Mas malakas pa yata sya kay Hidilyn Diaz
Pano nya lunukin ang trato sa kanya
Dahil kung ako yun baka nilayasan ko na sila
At baka pinabaranggay ko pa
Di na tama, di na makatao
Pero alam ko lahat ng ito ay may hangganan
Matatapos din ang paghihirap ni Maria
Makakatakas din sya sa hawlang kinasasadlakan nya
Dahil ang Diyos ang kinakapitan nya😊
Hanggang dito na lang ulit mga kaibigan
Sana kayo ay may natutunan.
Salamat at magandang gabi.
Lead image is from Unsplash.
#originalcontent
Nakakainis yung may mga ganyan sa kasambahay nila. Hindi na lang maging mabait sa kanila. Lalo mabait naman si Maria tapos bibihira na lang may mahanap na kasambahay na mapagkakatiwalaan. May balik ang lahat ng mga ito kay Maria pati sa mga abusadong amo niya. Nakakagigil. Grabe yung sa ulo ng hipon.ðŸ˜