Nagbago na Siya

Musta aking mga kaibigan

Madalang na naman ako magsulat

Wala kasi akong topic na mahagilap

Kaya ako ay nangapitbahay kanina

Nagbakasali na may ma-marites ba

Ayun, ako ay tumama

Dahil habang ang anak ko ay busy makipaglaro

Ako naman ay nakasagap ng kwento

Di kagandahan, malungkot at mapapatanong ka

Bakit sya nagbago?

Ito kasing aking tito at tita

Umuwi mula sa Amerika

Matagal-tagal din ang bakasyon nila

6 months din, mahaba-haba di ba?

Nagtulong-tulong mga anak nya

Para pamasahe ay mabuo nila

Dahil may edad na sila

Sa pension nila sila ay umaasa

May anak sila dun sa Amerika

Maayos naman sila

Kaso lang tulad ng sa pelikula

Meron talaga ding kontrabida

At kahit nag-iisa, ay matindi at malakas talaga

Ito ay ang asawa ng isang anak nila

Dun sila nakatira dahil sa baby nila

Nais nila makatulong at sila muna ang mag-alaga

Noong una lalo nung bagong salta itong si manugang sa ibang bansa

Mabait at marunong pang makisama

Subalit noong nagkaroon ng sariling trabaho

Nakapundar ng bahay, sasakyan at kung ano-ano

Ayun, nagbago na pala si loko

Minsan daw namalengke sila ng tita ko

Bigla ba naman daw sinabi ganito

'Akala ko ba mayaman kayo?'

Si tita ay nagulat, ano bang pinagsasabi nito

Di nya daw pinansin

Hanggang sa madalas na daw silang maliitin

Na muntikan na syang suntukin ni tito

Dahil sabi ba naman daw ay ganito

'Ako ang nagpapakain sa inyo dito!'

Kaya umakyat ang dugo ni tito, kahit ayaw sana manumbat kaso sumusobra na ito

Sagot nya daw, 'oo ikaw nga nagpapakain samin pero kung di dahil samin di ka naman makakarating dito!'

Dahil sa galit ni tito, nagtayo sila ng maliit na tent sa labas ng bahay nila

Mas mabuti pa daw na dun sila kaysa makabunggo at makita pagmumukha nya

Tinitiis ang lamig at init

Sinubukan silang papasukin ng anak nola pero sila ang nagmatigas dahil di nila kayang pakisamahan pa ang manugang nila

Ang kawawa lalo ay ang bata

Dahil pati sa kanila ay nilalayo sya

Makita lang na lumapit ito ay agad-agad tinatawag ng pasigaw

Na tila ba may sakit na nakakahawa ang mga matatanda

Walang respeto na kahit sa harap ng asawa at hipag nito ay pinakita na ang totoong kulay nito

Nakakaawa, ako ay naiyak sa narinig ko kaninang chika

Di ko yun inakala

Dahil dito ay nirerespeto sila

Madaming nagmamahal sa kanila

At di nila deserve ang ginawa ng manugang nila sa kanila

Para ko na din kasing nanay itong si tita

Dahil sya ang bff ng aking ina.

Dasal ko ngayon ay sana maenjoy nila ang bakasyon nila

Maibsan yung stress at kung anumang naramdaman nila

Makapahinga sila ng mabuti at maging masaya

Hipuin ni Lord ang puso ng manugang nila

At marealize na may magulang din sya

Na di nya kaya mabuhay ng mag-isa at manumbalik ang respeto sa kapwa

At sana mabago ang ugali nya para maiwasang maging mitsa ng pagkasira ng relasyon nila.

...^•°...

Salamat sa pagbabasa!

Lead image is from Unsplash.
#originalcontent
#bbghitte