Oktubre 12, 2019, alas tres ng umaga
Bagyong Maring ay rumagasa
Lakas ng hangin talaga namang pambihira
Bubong namin ay sobrang kalampag akala mo tuluyan ng mawasak
Napuyat halos kaming lahat
Dahil sa lakas ng kalabog unang pantakip ay di sapat
Aking kapatid na nasa ibang bayan tumawag ng pagka-agaaga
Kami ay kinumusta dahil sa kanila daw ay lubog na
Kasama ang kanyang kotse na bubong na lang daw ang nakikita
Akala ko yun na ang pinakasobrang balita
Na dulot ni bagyong Maring
Di pa pala, dahil pagsapit ng alas-onse y media
Tita ko na nasa Canada ay tumawag bigla
Ako ay nabahala dahil di naman nito ugali mangumusta
Tama nga ang aking hinala
Dahil may dala syang mabigat na balita
Nanay daw ni Maria, ang kasambahay nila ay inagos ng tubig na rumaragasa
Pagdating ng umaga ay nakitang nakalutang na sa kalsada
Wala ng buhay ang matanda
Samantalang ang kasama nitong anak na kanyang kasama
Ay dinala din sa hospital dahil nakitang sumabit sa yero ng kanilang bahay
Ang sakit sa puso, mabigat sa pakiramdam
Dahil noong isang araw lang
Balak ni Maria na umuwi at bumisita
Sa nanay nyang may edad nang otsenta at isa
Dahil lagi daw nitong sinasabi na miss na miss na sya
Di namin alam pano sasabihin dahil si Maria ay may sakit ding iniinda
Sakit sa puso na kanyang ginagamot pa
Umakyat si Maria
Tila ba may kutob na sya
Nagpaload at sabi kumustahin daw nya Nanay nya
Sabi ko na lang, sige kumustahin mo dahil grabe daw si bagyong Marina
Kaso di nya matawagan ang number ng kapatid nya
Subukan mo iba mong kapitbahay sabi ko pa
Pero di ko na talaga matignan ng diretso sa mata
Dahil baka bigla akong maluha at magtaka sya
Buti may tumawag sa kanya at bumaba muna sya
Yun pala kinausap ang kapatid ko
Na kung pwede daw ihatid sya sa bahay nila at makumusta nanay nya
Umoo naman agad si Ate kaso lubog pala mga bayan na kanilang dadaanan
Kaya sabi ni Maria, sa ibang araw na lang pag ang tubig ay humupa na
Umuwi muna si Maria sa kanila at nagluto ng tanghalian nila
Maya-maya bumalik sya
Umiiyak na at yumakap sa aking ina
Sabi nya, wala na ate ang nanay kong bibisitahin sana
Nakita daw ng kapatid ko nakapost sa social media
Nakalutang sa kalsada at patay na
Dun bumuhos ang aming mga luha
Di maibsan ang sakit na nadarama
Dahil mahal na mahal ni Maria ang Nanay nya
Sya ang dahilan kung bakit sya lumayo at nagtrabaho
Yun ay para may maipadalang pangkain at pambili ng gamot nya
Subalit pano na, sino na
Hirap at pagod sa trabaho ay di nya inalintana
Na kahit sobra-sobra na ang pinapagawa sa kanya ay tinitiis na
Na kahit minsan ay di na maganda ang trato sa kanya
Pinagkikibit balikat na lang nya
Para sa araw ng sweldo ay may maipadala sya sa kanyang Mama.
Hay Maria
Puso at pagmamahal mo ay talagang pambihira
Di ko alam pano maibsan ang sakit at pait
Kaya idadaan ko na lang sa dasal
Na sana sa mga araw ng inyong pagluluksa at pagtanggap na ang Nanay ay lumisan na
Sasamahan at aalalayan kayo ng Mahal na Poon
Na yakapin Niya kayo at iparamdam
Na si Nanay ay nasa masayang lugar na
Walang sakit, walang hirap, walang pagod.
...^•°...
Salamat sa pagbabasa at God bless us all.
Lead image is from Unsplash.
#originalcontent
Nakakalungkot naman. Nasabi ba sa balita na magiging malakas ang bagyong Maring? Ang sakit sa dibdib mg kwento ni Maria. Kaya kailangan maganda talaga lagi-lagi nakakausap ang pamilya at nadadalaw dahil ang oras natin dito sa mundo ay walang kasiguraduhan. 😔