Ang loob ko ay naghihinagpis
Di ko alam kung kanino ba dapat magagalit
Bakit kung sila ang may kailangan
Agad-agad gusto ibigay
Nagagalit pa nga kung nagsabi ako na busy ako
Na madami ako tinatapos
Na unahin ko naman ang munting pinagkakakitaan ko para mairaos ko ang pang-araw-araw na pangangailangan ko?
Kasi kayo, may regular na trabaho kayo
Na kahit absent may bayad pa din kayo
Pero ako, mag-isa lang
Ako lahat; gawa, benta, deliver pa nga minsan
Pero di nyo yun pinansin at ako pa din ay laging nasusumbatan
Pero pag ako, halos duguin na sikmura ko sa gutom
Unang tanong may panlasa ka ba?
Sabay may ubo at sipon ka?
Hala kapatid ko, ano ba?
Tanong na di ko inasahan bigla!
Bat di mo na lang diretsuhin, may covid ka ba?
Alam mo naman kung gano ako nag-iingat
Andyan si tatay at ang anak ko
Kailangan ko protektahan sila at ako
Kung kaya lang ng katawan ko
Di naman ako makikiusap ng ganito
Dahil kilala nyo naman ako hanggat kaya, pinipilit ko
Minsan nga kahit may ginagawa ako pag may inutos kayo
Agad ko iniiwan wala lang kayong masabi na kahit ano
Bakit kung kailan kailangang-kailangan ko kayo
Wala man lang ako makuhang mabilis na OO
Oo, andyan na
Oo, papunta na
Oo, anong gusto mo?
Oo, may kailangan ka pa ba?
Bakit kabaligtaran ang natanggap ko
Nagmakaawa na ko
Pero ang sakit ng sagot nyo
Ilang hakbang lang pagitan ng bahay natin
Pero bakit inabot na ng anim na oras
Bago ang pagkain ay makarating?
Bakit nakalimutan nyo biglang kapatid nyo ang nangangailangan
Wala na ba talaga ako maasahan?
Dahil ba di nyo ako kailangan kaya ganun na lang kung ako ay ipagpaliban?
Sana bigyan ako ng Panginoon ng lakas
Hipuin ng mapagpala Niyang kamay at ako't pagalingin
At bigyan ng pusong mapa-tawarin
Dahil ayoko magtanim ng tampo at galit
Dahil sila ay aking kapamilya at kapatid.
...^.°...
Ang tulang kwentong inyong nabasa
Ay hango sa tunay na buhay ng aking kakilala
Na sobrang hina na kanina
Dahil sa gutom at lagnat nya
Pero wag kayo mag-alala
Covid free naman sya
Overfatigue lang ba.
Salamat uli sa inyong sandali
Na dumaan at nagbigay ng pagbati
Hanggang sa muli!
Lead image is mine.
#originalcontent #randomshot #readcash
Aw akala ko ikaw na yun. Hala sigurado matutuwa yang kakilala mo kapag nabasa ito. Ang kanyang pinagdaraanan ay naging inspirasyon ng isang makata upang ito'y maisalin sa pamanagitan ng poesiya. Bow talaga ako sayo!👏👏👏