An eye opener ❤️

Permi ko nag follow aning mga gula sa usa ka pari kung diin klase2 nga storya ang akung mabasa.

(Asking his permission to share this article to you❤️)

The Murder of Hypatia:

Dia International de la Mujer

Ang tuig kay 415 CE. Ang buwan kay Marso. Usa ka adlaw niana dihay babaye nga pagana ang nigawas gikan sa library sa Alexandria. Siya si Hypatia. Naghuwat siya sa iyahang karwahi kay mouli na sa ilaha. Pinangga sa mga tawo si Hypatia. Gawas nga bright ug edukada, buotan pod ning bayhana. Matag karon ug unya, makit-an siyang makig hinabi sa mga tawo, mangumusta nila ug makig istorya kabahin sa philosophy.

Si Hypatia magtutudlo og philosophy ug astronomy sa eskwelahan sa Neoplatonismo sa Alexandria. Aktibo kaayo siya sa mga kalihokan sa katilingban nga gidumala sa mga lalaki. Puro mga lalaki. Tungod niini girespetohan siya ug daghan ang nibilib niya.

Gawas nga bright, guapa pod daw kaayo to siya. Taas, sakto og barog. Busa daghang lalaki ang nangandoy nga mapanag iya siya. Daghan pod ang nibilib niya ilabi na nga siya mismo ang mo drive sa iyahang kaugalingong chariot. Ang usa ka babaye nga mo drive og chariot nga siya ra, talagsaon kaayo nga panan-awon sa ilahang panahon. Ingon ana ka independent ug self confident si Hypatia.

Samtang nagsakay sa iyahang chariot niadtong adlawa, buwan kadto sa Marso, nakahukom si Hypatia nga mohapit sa public square sa may simbahan sa Cesarean, lugar diin kasagaran magtapok ang mga kristianos. Pagnaug niya sa iyahang chariot, gibabagan dayon siya og mga lalaki, puro mga kristianos. Ang leader sa maong grupo ginganlan og Peter the Reader nga matud pas mga historians, a devoted Christian ug believer in Jesus Christ.

Sa mando ni Peter, gibato nila si Hypatia. Bun-og kaayo ang iyahang lawas. Nanghupong,nanghubag. Niagas dayon ang preskong dugo gikan sa iyahang mga samad. Wa pa makontento gibira nila siya, gikulata ug gipatid patiran hangtud nga natumba kini sa yuta. Nalup-og, naligo sa kaugalingong dugo.

Nidtong adlawa, daghang mga tawo, mga kristianos ang nakasaksi sa gibuhat sa maong mga lalaki, pero igo rang nagtan-aw. Atubangan nila, gitawag ni Peter si Hypatia nga erehes ug witch nga naggamit

sa iyahang beauty pagtintal sa mga lalaki. Nipuno pa gyod si Peter pag ingon nga si Hypatia, iya siya sa yawa, demonyo nga nagpakatawo, dapat niini nga ma impyerno.

Nabulit sa dugo, si Hypatia nanawag og tabang. Nagpakilooy intawn nga tabangan. Naghilak nga nagpakitabang. Nikamang kini, nagtinguha nga mopalayo sa mga lalaki. Ni rason pa daw siya nga wa siyay gihimo nga dautan, nga dili siya iyaha sa yawa. Pero imbis tabangan, gibato siyag samot ug gipatidpatiran hangtud nga gibunal bunalan ang iyahang ulo, guba kaayo ang iyahang apapangig ug nabugtoan siya sa kinabuhi. Wa makontento, ang mga lalaking kristianos nga nagdalag atsa, giputlan nila siyag mga kamot ug brazo. Dayong singgit sa ngalan ni Kristo, pagsibya sa ilahang kadaugan batok niining babaye nga pagano. Kadaugan sa “good” kontra ang “bad.”

Pagkahuman, gisugo ni Peter nga panitan si Hypatia. Matud pa niya, dapat way panit nga mahabilin sa mga bukog niya. Gituman kini sa mga l lalaki. Dayon gidala nila ang iyahang mga bukog sa lugar nga ginganlan og Cidron ug gidauban didto.

Ang mas sakit kay samtang naghimo sila niini nagpasalamat sila sa Dios sa kadaugan nga ilahang nakab-ot batok sa ilahang mga kontra nga iya sa yawa.

Matud pas mga libro nga akoang gibasa, ang kamatayon ni Hypatia, maoy sinugdanan sa kadaugan sa patriarchal culture.

Niining adlaw sa mga babaye, ako nagbangotan sa pagkawala sa sacred feminine hangtud karong panahona.

Crédits to Fr. : Loreto Jaque

Religion is war.