غزل جب جوبن تیرا ڈھل جائے۔۔۔ جب پیار کی عمر نکل جائے۔۔۔

جب چھوڑ دے تُجھ کو حُسن تیرا۔۔۔ جب چہ رہ پُر ہو جھریوں سے۔۔۔

جب زُلف کے خم نہ ہوں باقی۔۔۔ جب رنگت نہ ہو گالوں میں۔۔۔

جب چاندی اُترے بالوں میں۔۔۔ جب آنکھ کی مستی ٹوٹ جائے۔۔۔

جب ہونٹ بھی سرخی کھو جائیں۔۔۔ جب چھوڑ دیں تُجھ کو سب ساتھی ۔۔۔

جب کوئی نہ تُجھ کو اپنائے۔۔۔ تب میرے پاس چلے آنا۔۔۔

بستی کی سُونی گلیوں میں ۔۔۔ اک بیٹھا ہو گا۔ دیوانہ۔۔۔

جو پیار کا پارس پتھر ہے۔۔۔ جو تُجھ کو سونا کر دے گا۔۔۔

تیرے جوبن کو وہ کیا جانے ۔۔۔ تیری عُمر سے اُس کو کیا مطلب۔۔۔

تیرے جسم سے اُس کا کیا رشتہ۔۔۔ جسے کہتے ہو تُم ہرجائی۔۔۔

ہے تیرے نام کا شیدائی۔۔۔ بس تیرے نام کا شیدائی۔۔۔