Hubad

BABALA: Ang kwentong ito ay hango sa totoong storyang kababalaghan at katatakutan, at kung hindi mo nais ang ganitong storya, maghanap ka nalang ng ibang mababasa.

Ang Unibersidad ng Bikol ang napilling pasukan ni Natasha para sa kanyang pag aaral sa Kolehiyo. Sa kanyang di inaakala ay higit pa sa pagsubok ng bagong kapaligiran, diyalekto at pag uugali ng mga tao ang kanyang mararanasan.

Lingo, magiisang buwan na si Natasha sa kanyang kaserahang bahay at tila lahat naman ay normal. Madali siyang nakapag adjust at makaadopt ng pamumuhay sa lungsod ng Albay.

Galing sa pamamalengke ng papasok na siya sa kanyang kwarto ng kanyang narinig ang patuloy na pagtagas ng tubig mula sa banyo, "Taeng mga kaboardmate ko to oh, gagamit ng tubig sa CR di manlang marunong mag sara ng gripo" asar na mungkahi ni Natasha habang tinutungo ang daan papunta sa banyo at isara ang gripo.

"SINO DAW DIYAN YUNG GUMAMIT NG CR DI MANLANG SINARA ANG GRIPO" Parinig ni Natasha sa kanyang mga kaboardmate at tuluyan ng pumasok sa kwarto.

Habang innayos ang mga pinamili ay napagtanto niyang may kulang sa kanyang grocery, kaya't habang may oras pa ay dali dali siyang lumabas para bilhin ito.

Sa kanyang pagbabalik ay tila mas lalong naasar si Natasha ng makitang bukas nanaman ang gripo sa kanilang banyo. Padabog niya itong tinungo at isinara. "Bwiset talaga hindi ba sila marunong magsara o magtipid ng tubig?" pikon na bulong ni Natasha sa sarili.

Alas diez ng gabi ay nagpasya na syang magpahinga at may pasok na kinaumagahan.

Sa himbing ng ng kanyang tulog, nagising siya ng alasais trenta ng umaga at laking gulat niya na wala na siyang saplot pambaba. Nanlaki ang kanyang mga mata at nagtaka kung paano siya nahubaran ng shorts. Luminga linga siya at hinanap ang kanyang damit at nahanap ito sa baba ng kama.

"Aaaaaahhhhh!!" Sigaw ni Natasha

"Lorieeee!!" gising niya sa kanyang room mate.

"Ano yun? ang aga mo naman mambulabog" ika ni Lorie

"Bat wala na kong shorts pag kagising ko? Pinag tripan niyo ba ko?" Natatarantang tanong ni Natasha kay Lorie.

"pft Hahahahahahaha seryoso ka?" natatawang tugon ni Lorie

Natahimik lamang si Natasha na di malaman kung anong dapat isipin.

"Baka malikot ka lang matulog kaya ka nahubaran" pampakalmang paliwanag ni Lorie kay Natasha.

"Tama, baka malikot lang talaga ako matulog" pilit na pag kumbinse ni Natasha sa kanyang sarili kahit na alam niyang tila imposible ang nangyare.

Sinubukan nalang niyang balewalain ang kaganapan at nag tungo na sa banyo upang maligo. "Umagang umaga, nakabukas na nanaman ang gripo, sayang ang tubig umaapaw nanaman" ani ni Natasha at tuluyan ng naligo.

Natapos ang araw na nabubulabog ang kanyang isipan ng kanyang hubad na karanasan. Tila natatakot na matulog na baka maulit ang nangyari. "Ah alam ko na magpapajama ako, para kahit malikot man ako ay di ako mahuhubaran" at dali daling nag palit ng panjama at natulog na.

Isang magandang tulog nanaman para kay Natasha, hindi siya nagising o nanaginip manlang. Ngunit sa kanyang pangamba ay dahan dahan niyang kinapa ang kanyang pambaba kung siya ay may suot pa bang pajama. At sa kanyang gulat ay wala nanaman siyang saplot pambaba. Nanginginig na dinampot ni Natasha ang kanyang pajama sa sahig at tinungo si Lorie.

"Loriee, Loriee gisiiiingg" Naiiyak na boses ni Natasha

"uy Tash, bat ka umiiyak?" sabay bangon na tanong ni Lorie.

"Anong oras kayo natulog nila Meg, hinubaran niyo ba ko?" tanong ni tash kay Lorie, apat silang magkakasama sa kwarto, Si Natasha, Lorie, Megan at Cindy.

"Uy Tash bat ka umiiyak?" Naalipungatang tanong nina Meg at Cindy.

"Ka-kkanina pag kagising ko, wala na kong suot na pajama" naiiyak na tugon ni Tasha.

"Dalawang beses na tong nangyare, hindi niyo naman ako pinag ttripan diba?" naguguluhang tanong ni Natasha.

"Hindi!" sabay sabay na depensa ng tatlong kasama sa kwarto.

Pilit na binalewala ni Natasha ang kaganapan ngunit sa takot niya ay kanyang kinontak ang ibang kaibigan na kung maari ay makitulog na muna sa kanila.

Nang pagbalik ni Natasha sa boarding House nila ay kinatok siya ng Kanilang Land Lady, "uhm Tasha iha halika may ipapakita ako sayo" marahang bati nito kay Natasha.

Nagtungo sila sa silid kung saan naruon ang CCTV Monitor, at doon ipinakita ng land lady sa kanya ang clips na makikita ang daan papunta sa CR.

Napahawak si Natasha sa kanyang bibig na tila di makahinga.

Walang nakakaiwan ng gripo ng bukas, kusa itong nag bubukas.

"Narinig ko sa mga kaboardmate mo ang nangyare, pasensya na kung hindi ko sinabi sainyo dahil ayoko kong matakot kayo" marahang paliwanag ng land lady.

"Nagalit mo ang espiritung naninirahan sa banyo dahil sa pag sara mo ng gripo"

"Pasensya na iha"

Nanginginig sa takot si Natasha at tumakbo patungo sa kanilang kwarto.

Hindi na siya nag dalawang isip kundi ang mag alsa balutan at lumipat ng matitirhan baon ang kanyang hubad na karanasan.

simpleledger:qp6wk7rcfgjt5tqnfut9ru3g8t3lasg0qgggwtf4f3

Share your spooky story in Spooks Community.