Spetember 15,2020 (Tuesday) nakuha ng pinsan ko ang grades nya. 92 ang general average at with honors. Nalaman yun ng Lola ko at biglang nagsabi na
"Isabel, dapat 93 ang average mo kase 92 si Ishna."
Kumunot yung noo ko, dahil maski di ako ang sinabihan eh napressure ako. Tiningnan ko yung kapatid ko, di sya umimik.
Kahapon, September 17,2020 , nakuha ng kapatid ko yung grades nya. 93 and general average at with honors. Maya maya pa'y
"Isabel isa na lang 94 na edi sana with high honors ka"
Sumama talaga yung mukha ko.
Bilang isang kabataan, ramdam ko yung pressure pag sinasabihan ng ganon. Lalo na pag kinukumpara ka. Dahil pinupush mo yung sarili mo para lang maibigay yung hinihingi nila.
Lola ko ang nagbabantay samin dahil parehas nasa ibang bansa ang magulang ko. Alam naming kahit ano pa ang mga naabot namin, proud pa rin sina Mama at Papa. Pero hindi ko gusto yung pressure para sa kapatid ko.
May mga nababalitaan ako sa social media na mga kabataang nagpapakamatay dahil di nila nabigay yung ineexpect ng magulang o pamilya nila. At ayoko mangyari yun sa kapatid ko man o sa ibang tao.
Matuto tayong makuntento.
Ginawa ko to para magsilbing awareness sa mga magulang na wag ipressure yung mga anak nila. Dahil hindi biro ang maging estudyante. Lalo na ngayon na self-study ang mangyayare dahil sa pandemic.
Mahirap ng makuha ang 90 pataas na grade lalo na ang average. Dahil may mga activities at tasks na kelangan ipasa, minsan nagsasabay sabay pa.
Naaalala ko nung nagaaral pa ko, sa sobrang dami ng certificates at medals na naiuwi ko, di man lang ako nakarinig ng salitang "Congratulations" mula sa Lola ko.
Nung gumraduate ako ng Senior High School ay "First Honorable Mention" ako at may iba pang best at certificates, pero ang tanging narinig ko "Bakit di ka naging Valedictorian" mas iniyakan ko yung pangyayaring yun dahil hindi biro ang hirap na dinanas ko. Nagsabay sabay ang problema sa pamilya ko at thesis ko. Tas ganun yung narinig ko. Pero pinaniwala ko yung sarili ko na tama na yung natanggap ko. Sapat na sa effort na binigay ko.
Ayokong makaramdam ang mga kabataan ng pressure sa pagaaral, gawin nila ang best nila. Iprovide ang mga kelangang ipasa. Gawin ang responsibilidad bilang magaaral.
Para sa mga magulang, wag po tayo magbitaw ng mga salita basta-basta dahil di natin alam ang nagiging epekto nito sa mga anak nyo. Nawa'y gabayan at suportahan nyo sila sa lahat ng bagay.
Maraming salamat sa pagbabasa
-@erikapmtn ♡
Napaka gandang article itong ibinahagi mo at sadyang napapanahon ngaung pandemic, me natutunan talaga ako dahil sa article o na ito at itatak ko sa isip ko ang lahat ng mga nabasa ko ngaun salamat uli!