read.cash Log in
@ellimacandrea more from that month

My own opinion on Homosexuality (Sarili kong opinyon sa Homosexuality)

I do not intend to offend anyone. So as early as now, I apologize. Ito po ay opinyon at saloobin ko lamang. Na-inspire akong isulat ito bilang tugon sa isang artikulo. Nakakalungkot nga po talagang isipin na maraming tao ang mapanghusga or judgemental kumbaga (isa nako dun minsan pero iniiwasan ko na, kahit sino naman diba?). Hindi natin maikakaila na madali pumuna ng iba. Naalala ko nung college ako(sa isang catholic school) na meron kaming religious education subject. 4 semester ang religious education namin. Sa isang semester, ako ay naatasang mag-report. Marami kaming grupo na ngrereport. Pero sa lahat ng subject na makukuha ko, ang nakuha ko pa ay patungkol sa "Homosexuality". Para sa akin mahirap itong talakayin ng hindi ka makakasakit o makaka-offend ng kapwa. Based sa dictionary, *Homosexuality is the quality or characteristic of being sexually attracted solely to people of one's own sex.* So kapag sinabing nagkaroon ka ng **sekswal** na atraksyon sa kapwa babae o lalake, ay isa ka ng homosexual. At ayon naman sa Wikipedia **Sexual attraction** is **attraction** on the basis of **sexual** desire or the quality of arousing such interest.  Ganito rin ang aking ni-report noon. Naalala ko na nasa report ko ay hindi naman masama na ikaw ay maging bakla o tomboy o ano pa man. Maraming tao at grupo ang pinaglalaban ang karapatan ng mga miyembro nito. Karapatang pang-tao na madalas na ipinagkakait sa kanila. **Respeto** Sang-ayon naman ako sa mga ito. Karapatan nila yan bilang indibidwal. Hindi nila kasalanan na naging bakla o tomboy sila. At ang pagiging Homosexual ay nakakapagpahirap din ng loob. Ngunit sa tingin ko ay imbes na pagkukutya at panghuhusga ang gawin dapat ay iparamdam sa kanila ang pagmamahal at pagtanggap. Ngunit hindi rin ibig sabihin na porke't mahal at tanggap mo na sila ay tanggap mo na rin ang kanilang ginagawa. May ibang homosexual na kahit sila ay na-aattract sa kapwa babae o lalake ay kanila itong pinipigilan. (Ang hirap di'ba?) Pero hindi ibig sabihin na pinipigilan nila ito ay ngpapaka-plastic sila. Tanggap nila ang kanilang sitwasyon pero hindi sila gumagawa na magpapababa ng kanilang pagkatao. **Ang aking konklusyon:** Hindi kasalanan ang maging bakla o tomboy lalo na kung ginagawa naman nila ang best nila upang maging kapakipakinabang sa pamilya. Hindi kasalanan ang maging bakla o tomboy kung may respeto naman sila sa sarili nila. Respeto na alam nilang panindigan hanggang sa huling hantongan. Ngunit kung sila ay magpapadalos dalos ay gagawa ng mga bagay na hindi naman naayon sa orihinal na layunin ng May Likha, doon na sila nagkakasala. Doon na sila nagiging masama. Pareho lang naman yan sa isang babae at isang lalaki na wala pang basbas ay nagkasala na. Do not give in to temptations ika nga. Ang tao'y sadyang makasalanan. Pero mahalin parin natin ang ating kapwa. Sabi nga, *"Hate the sin, not the sinner."* Ngunit atin ring pakatatandaan na may consequences lahat ng decision natin sa ating buhay. Tayo'y maging handa ano man o saan man ang ating kahahantungan.

16 comments

Log in to join in Reading is open to everyone. Replying needs an account.