Tumatanda na talaga si Nanay
May mga paniniwala syang mahirap ng baliin
Nagiging matampuhin din
Pakiramdam nya pinagkakaitan sya
Ng mga bagay na gusto nya
Gaya ng pagbubuhat, paglalaba
Kaso lang talagang may edad na sya
Hirap na nga sya tumayo minsan
At yung pandinig nya ay isa ring naapektuhan
Madalas ko sya nakikita
Nakaupo lang sa harap ng bahay nya
Hawak ang rosaryo habang nakatulala
Minsan naman ay nananaghoy pa nga
Nanay,
Alisin ang takot at pangamba
Wag mag-isip ng kung anuman
Na sa damdamin mo ay makakasama
Wag ka na mamrublema
Sa pagkain, panggastos at ano pa
Mga utang nila sayo
Naku wag mo na isipan pa
Gula-gulanit na listahan mo
Iniingatan pa din ba?
Nubenta anyos ka na
Wag ka mag-alala di ka namin papabayaan
Pagkain mo kami na bahala
At di ka namin dadalhin sa home care
Na kinakatakot mo noon pa
Kahit noong mga bata kami ay lagi ka nananakot at nagagalit
Sa iyo ay di kami nagalit
Natakot lang naman kami ng saglit
Ganun yata talaga pag bata pang yagit.
Nanay,
Kahit ikaw ay nag-iisa sa buhay
Dahil sabi mo nga istrikto ang iyong mga ate at kuya
At inuna mo pa pagtapusin ang iyong mga kapatid sa mga kursong gusto nila
Na minsan akala mo limot ka na nila
Di yan totoo
Dahil malayo man sila lagi ka naman kinukumusta
Nag-aabang ng mga post namin sa social media
Di lang talaga sila vocal sa kanilang nadarama.
Nanay,
Di ko makakalimutan ng iuwi ko ang aking unica hija
Sobra mong saya at agad mo syang
Binigyan mo pa nga ng mga baryang uso nung kapanahunan mo pa
Sabi mo swerte yun ng anak ko
Kaya agad ko itong itinago
At balak ko itong ibigay sa kanyang debut.
Nanay
Mahal ka naming tunay
Wag mo isipin na ikaw ay nag-iisa
Sa bahay lang yan kasi ayaw mo naman itong iwan
Ganun yata talaga dahil ito na ang iyong nagsilbing tahanan mula pa noong ipanganak ka
Lagi mo sinasabi na malapit ka na sumunod sa kanila
Pero pilit namin iniiba
Dahil gusto pa namin ikaw kasama
At makita mo pa mga apo mo sa tuhod na maging maayos buhay nila
Kahit ikaw ay edad nubenta na
Di naman halata dahil nakakasigaw ka pa sa mga pusang gala
At mga manok na maiingay sa umaga
Kalabaw lang tumatanda ika nga.
...^•°...
Salamat ulit mga kaibigan sa oras na inyong inalay
Sa pagbabasa ng aking tulang kwento na hango sa buhay
Ng aking mahal na lola.
...^•°...
Lead image is mine.
#originalcontent #readcash
Ay si lola pala. Kudos sa lahat ng mga Nanay! I'm glad dito ako nabutan ng pandemic sa amin.🙏🏽👍