Mamang nakatalikod
Hanggang kailan mo ba balak na ako'y di lingunin
Na kahit anong aking gawin ay di mo pinapansin
Di naman ako pangit sabi ng aking amang butihin
Di rin naman ako mukhang gusgusin.
Ang lalim naman yata ng iyong iniisip
Na tila ba di mo naririnig aking pagsitsit
Di rin alintana ganda ng langit
Pati ang pagsigaw ni Aling Pasing
Nang nasunog na daw kanyang sinaing.
Mamamg nakatalikod
Sana sa iyong pagninilay-nilay
Ngiti mo ay biglang sumilay
Nang gumanda naman ang paligid ng abang inday
Dahil nakakainip din pala ang maghintay.
Ikaw ba ay may problema
Kanina ka pa kasi nakatulala
Ilang bato na ang nahahagis mo kanina pa
Di ko tuloy alam kung galit ka
Pero wag naman sana dahil ayokong pumangit ka
Di yata bagay sa'yo yun aking sinta.
Oh di ba na-claim ko na
Hay, kung di lang sana ako dalagang Pilipina
Ikaw ay nilapitan ko na
Pero sadyang mahiyain ako talaga
At nagtatyaga na lang na sulyapan ka.
Isang lingon mo lang
Please, ibigay mo na
Dahil mga lamok ay pinapapak na ko kanina pa
Wag mo ng ipagdamot ano ba
At ng makauwi naman ako ng maaga-aga
Para di na naman ako masita ni inang reyna.
Bakit ba kasi ikaw pa ang nakabighani
Sa aking pusong matagal kong iningatan at itinali
May iba naman dyan na nagpaparamdam palagi
Pero sadyang puso ko ay ikaw ang hanap palagi
Hanggang kailan ay di ko tuloy masabi.
Mamang nakatalikod
Magbibilang na ko ng sampu
Pababa na ang araw at gagabihin na ko
Di ka pa rin ba matitinag dyan sa pwesto mo?
Aw, sakit pala talaga
Ang role ng taong umaasa
Kahit nagmumukha ng tanga
Ay di nya alintana
Masilayan lang ang kanyang sinisinta
Pero sana talaga isang araw ay di ka na lang isang malaking SANA
Kundi isa ka ng malaking sorpresa.
Paalam mamang nakatalikod
Bukas na lang ulit ako magbabakasakali
Miss, sandali!
Oppssyyy, ang puso ko ay biglang nabato-balani
Ah eh, bakit? Lang aking nasabi
Di ba ikaw si Carol anak ni Aling Lily?
Oo, mabilis pa sa alas-kwatro bitaw ng aking labi
Pwede bang sumabay? Dagdag mo pa
Sagot ko naman ay sige ba!
Tsug, tsug, tsug
Ang puso ko ay tila ba sasabog na
Kaya tapusin ko na itong aking tula
Basta ang ending ay alam nyo na!
...^•°...
Salamat sa pagbabasa
Aking mga kaibigang makata
Sana ay inyong nagustuhan
Tulang kwentong inyong natunghayan.
...^•°...
Lead image is mine.
#originalcontent