Ang Aking Paraiso
Sarap pagmasdan
Gintong kalangitan
At mapayapang karagatan
Nagningning, kumikislap
Tila ba nagsasabing bawal kumurap.
Araw-araw ko syang inaabangan
Kasama ng aking anak na kagandahan, syempre may pinagmanahan😁
Di nakakabagot, di nakakasawa
Tila ba isang magandang pelikula, inuulit-ulit pa.
Swerte at biyaya kung aking ituring
Tumira malapit sa karagatan
Kung saan aking laging nasisilayan
Pambihirang kagandahan.
...^•°...
Sa aking paglalakad kanina
Kasama ang mga bata
Ako ay nalungkot bigla
Dahil sa mga nakakakalat na namang mga basura
Yung iba mukhang inanod mula pa sa ibang lugar o probinsya
Ang iba naman ay tapon na naman ng mga ibang bumibisita
Na pag tinamaan ng sikat ng araw ay talaga naman masisilaw ka
Hindi sa ganda, pero sa dumi na taglay nila
Ang sakit sa damdaming nakikita
Na ang tinuturing mong paraiso ay dinudumihan at di inaalagaan ng iba
May mga nagmamalasakit pero bakit mas madami ang hindi
Mas lamang ang walang pakundangang mag-iwan na lang ng kanilang kalat
Siguro naisip nila may pupulot naman
May maglilinis naman siguro nyan
Yan ang masakit, dahil sa ganitong pag-iisip
Pano pag sa sampung tao na dumayo
Ganun ang perspektibo
Kawawa naman ang aking paraiso
Dinudumihan lang ito
Maganda, mapayapa, kalmado
Masarap dito, presko, babalik ako dito
Yan mga naririnig ko
Pero bakit kaya walang ganito
Bawal magtapon dito, pulutin nyo kalat nyo.
Di naman pwedeng araw-araw ay maglinis dito
Dahil syempre may iba pa akong inaaburido
Kung may pera lang siguro ako
Kukuha ako ng mga tao
Na tigalinis talaga ng coastal area dito
Kaso onti pa laman ng aking bangko
Siguro pag medyo maluwag-luwag na ang bulsa ko
Pag ang BCH ko na ay sampu😁
Kaso ni isa ay wala pa ko.
Kaya sa ngayon, gawin ko muna kung ano ang kaya ko
Magmulot ng basura kahit patatlo-tatlo
Ilayo sila sa dagat na sa mga isda at coral reefs ay makakasira
Ituloy lang ang adbokasiyang nasimulan ko
Nagbabakasakali na bukas makalawa
Mahihiya nang magtapon ng basura
Ang sinumang tatapak at bibisita
Sa lugar na sa akin ay nagpapaligaya
Sa lugar na kung aking tawagin ay PARAISO.
...^•°...
All images are mine.
#originalcontent
