Ito ang isa sa pinakadinarayong tourist attraction dito sa Danao Bohol bukod sa Danao Adventure Park at mga falls. Madalas kinokompara ang lugar na ito sa Sea Clouds ng Sagada Mountain Province. Dahil ito ay nakakamanghang tanawin maraming mga turista dito ang gustong masilayan ang Sea Clouds ng lugar.
Mula sa kabisera ng Tagbilaran papunta dito ay aabot sa dalawang oras ang biyahe. Marami kang masasakyan papunta dito may mga bus at mga v-hire na dito ang rota. Pwede ring magrenta ng van na nasa terminal ng Dao naka park.
Para masilip at masaksihan ang naturang Sea of Clouds dapat maaga ang pag-akyat sa tuktok ng bundok. Para magawa ito dapat dito matulog sa gabi para maaga ang pag-akyat sa bundok para masilayan ang napakagandang tanawin. Meron namang mga rooms na pwede matulugan at pagpahingahan. Mga 5am dapat ay simula na ang paglakad papuntang peak or tuktok ng bundok at agad bubungad sayu ang napakagandang pagmasdan na kaulapan na akala mo nasa langit ka.
Kay sarap pagmasdan ang ganitong tanawin na maisip mo na ang gaganda ng mga nilikha ng Diyos na dapat natin alagaan at pahalagahan upang ito ay patuloy na magbibigay sa atin ng magandang karanasan.
abzero:)
