Discipline

Sa pag-usbong ng isang virus na tinatawag na Covid-19 , kay daming bagay ang siyang naapektuhan. Nagdulot ito ng matinding lagim sa buhay nating mga tao at sa isang iglap nabalot ng takot ang ating katauhan.

Kung maihahalintulad ito sa larong chess, ang ating mga magigiting na frontliners ang nasa unang linya at direktang sumasabak. ‘Yun nga lang sadyang mahirap kalabanin ang kalabang hindi nakikita. Ang mga backliners naman kagaya ng mga lider ng bansa ay kailangan ding protektahan dahil sila ang may hawak ng pinakamahahalagang desisyon upang tayo ay maprotektahan. Hindi maikukubli na kung wala sila ay magiging kawawa ang sanlibutan.

Sa isang banda, tila pinagsakluban ng langit at lupa ang mga kababayan nating mahihirap na hindi matiyak kung dahil ba sa virus o sa gutom sila mamamatay. Buti na lamang at may amelioration program na kahit papaano ay nagbibigay ayuda sa atin. Ang social assistance na kanilang ibinibigay kagaya ng relief goods ay talagang malaki ang naitutulong sa atin lalo pa’t may mga lugar na nasa ilalim pa rin ng enhanced community quarantine. Kaya sana ang lahat ay gawin ang kanilang parte. Huwag nang hintayin pa na ito ay dumapo mismo sa iyo bago ka matauhan.

Kung may disiplina ang bawat tao, ang pandemic na ito ay mapipigilang lumala pa. Nasa kamay pa rin natin kung paano ito mapipigilan kung kaya’t gawin ang dapat na gawin. Isa itong seryosong krisis kaya kailangan ding magkaroon ng seryosong mga aksyon. Kailangang matuto at palaging manalig sa Diyos upang sa ganoon ay mailayo tayo sa kapahamakan at upang makahanap na ng vaccine ang mga eksperto na siyang magwawakas sa matinding epekto na dulot ng kalabang ito na hindi nakikita ng ating mga mata.

Translation in English:

With the emergence of a virus called Covid-19, many things have been affected. It has caused great horror to the lives of our people and in an instant our humanity has been enveloped in fear.

When compared to the game of chess, our brave frontliners are in the first line and jump right in. ‘It’s just that it’s really hard to fight the invisible enemy. Backliners like the country's leaders also need to be protected because they hold the most important decisions to protect us. It is impossible to hide that without them the world would be miserable.

On the one hand, heaven and earth seem to cover our poor countrymen who are not sure if it is because of a virus or starvation that they will die. Fortunately, there is an amelioration program that somehow helps us. The social assistance they provide such as relief goods really helps us a lot especially since there are areas that are still under enhanced community quarantine. So I hope everyone does their part. Do not wait for it to land on you before you realize it.

If everyone is disciplined, this pandemic will be prevented from getting worse. It is still up to us how to prevent this, so do what needs to be done. This is a serious crisis, so there must also be serious actions. We need to learn and always trust in God so that we can be spared from disaster and so that the experts can find a vaccine that will put an end to the severe effects caused by this enemy that our eyes cannot see.

Actually, this is one of the essays I made on one of our subjects. As you can see, the main topic is so timely. The pandemic is still there, so we must do the things that are important to completely eradicate this opponent that cannot be seen by our naked eyes.

Stay safe, everyone!