Tula para sa obra ni Leonardo Da Vinci, "Mona Lisa"

ni: Fiona Faye N. Lausingco

Itong kabigha-bighaning dilag

na siyang tuluyang bumihag

sa mga matang tila nakalatag

sa iisang obra—kay ganda, liyag.

Hugis ng mukha’y tila perpekto;

wala mang kilay,’di nagpatalo.

Sa rikit ng pagkakapinta rito,

tiyak na nakatatak ito sa mundo.

Inspirasyon ay si Lisa del Giocondo

sa pagkakalimbag na ito ni Leonardo.

Walang papantay sa halaga nito,

lalo sa puso ni Francesco Giocondo.

Ang pintor ay malikhaing-higit.

Ang ‘Mona Lisa’ ay obrang ’di pilit.

Punong-puno ito ng hiwaga at rikit.

Kaysarap pagmasdan nang paulit-ulit.