Mayroon ka na lamang ilang oras bago mamatay, ano ang huling tulang isusulat mo

Enero 9, 2003, unang nabuksan ang ilaw ng aking mundo

Dumaan sa pagkabata, dalaga, at ngayon huling araw ko

Sa pagmamasid, pag iisip, andaming napagtanto ko

Buhay na pinangarap ko, andito na ba ako?

Nasa gilid, nag-iisip kung ano ang maaring isulat pa

Mga pangarap, mga bagay, mga problemang kinakaya

Napapagod, nanginginig, buong katawa'y pabagsak na

Ayaw pa sana sumuko ng mga mata ngunit katawan ay pabagsak na

Huling kinang sa aking mga mata

Unang alab ng huling araw magpapaalam ang bihag ng tanikala

Walang humpay na daluyong ng mga ala ala'y titigil na

Aking katawan, napapagod at nanghihina na

Malinaw ang buwan, malamig ang simoy ng hangin

Nagmamasid sa paligid, nag-iisip at nag-aalanganin

Saglit napapatingin sa repleksyon sa salamin

Dilim at katahimikan, nagpaparamdam saakin

Unti-unting humihina, apoy saaking gasera

Nagbabadya na oras ay patapos na

Oras, minuto, at segundo ay bilang na

Liwanag sa madilim na gabi, nawalan na ng sindi