Halina't kilalanin ako

Narito ang isang tula upang mas makilala ako

Katangian, kagustuhan, pati pangarap ko

Mayroong sikretong maibabahagi ako

Halina't kilalanin kung sino ako

Minsan ako'y napapatingin sa salamin

Upang pagmasdan ang aking sarili at kilatasin

Ano ang kailangang baguhin

Pango kong ilong, ang hirap tangapin

Ako pala yung tipo ng tao

Minsan maingay, minsan walang kibo

Depende sa taong nakakasama ko

Ang kilos at mga ginagawa ko

Ang mundo na dati’y malayang ginagalawan

Biglang naglaho pati pangalawang tahanan

Ang dating masaya at makulay na mundo

Ay unti-unting nagbago dahil sa birus na ito

Tahanan ang nag silbing paaralan

Kay raming distraksyon at pinagkakaabalahan

Kalungkutan ang bumabalot sa bawat aksyon

Minsang nakaranas ng pagkabalisa at depresyon

Kalungkutan ay hinanapan ko ng solusyon

Hilig sa pagsayaw, doon nalang itinuon

Nagbasa ng libro, naglaro, at nanuod ng telebisyon

Hanggang sa umayos na ang aking kondisyon

Ngayon, ako ay nasa ikalawang taon na ng kolehiyo

Kursong narsing ang pinag-aaralan ko

Talagang mahirap at kailangan ng dedikasyon dito

Hindi pwedeng manghina lalo na’t mahirap ito

May mga pagkakataong pinaghihinaan ako,

Inaaliw ang sarili, minsan natutulog ako

Kalusugang pangkaisipan iniingatan ko

Naglalaan ng panahon upang makapag relax ako

Ang daming pangarap na gusto kong matupad

Katulad ng isang ibon na malayang lumilipad

Nais ko maging isang nars, negosyante, at mabuting estudyante

Kahit minsa'y nahihirapan, pilit pa rin aabante

Nangangarap ako hindi lang para sa sarili ko

Isa sa inspirasyon ang pamilya ko

Pilit lalaban at hindi sususko

Ipagpapatuloy ito hanggang kaya ko

Laking pasasalamat ko sa pinagtunguhan ko,

Bagaman alam ko na, kung ano ang haharapin ko,

Lakas lang ng loob at determinasyon ang kailangan ko,

Patutunguhan ko’y malayang pook na sinilangan ko

Thank you, everyone! :>>