Gandang tambayan, La Union puntahan
Isa sa mga memorableng lugar na napuntahan ko ay ang La Union. Ito ay kilala bilang isang surfing destination sa Pilipinas at hindi lamang mga Pilipino ang dumadayo dito, pati na rin ang mga dayuhang turista. Ngunit hindi doon natatapos. Ang kalikasan at ang mga tao ay may iba pang mga bagay na maalok. Mayo 5, taong 2017 ng masilayan ko ang kapayapaan at kagandahang taglay ng lugar. Ibat-ibang mga masasarap na pagkain, magagandang tanawin, at mga bagong karanasan ang mabubuo sa pagpunta mo sa lugar na ito. Sakay ang bangka papuntang isla ay agad rin kaming nakarating sa kinaroroonan namin.
Hindi ko rin napigilan ang aking sarili na mamangha sa ibang dialektong naririnig ko sa usapin ng mga tao roon. Hindi kami ganon nag-alala sa pagsakay naming sa bangka sapangkat napaka kalmado ng dagat. Nagkwentuhan lang kami hanggang sa makarating na kami sa isla. Kanya kanya kaming kuha ng mga litrato at talunan upang maligo sa dagat. Natutuwa ako sapagkat para kaming mga bat ana sabik na sabik makapunta sa dagat.
Una sa listahan na aming pinuntahan ay ang Tangadan Falls sa bayan ng San Gabriel. Kabilang sa mga falls na nakita ko sa iba't ibang parte ng Pilipinas, ito ay isa sa aking nagging paborito. Bago mo maabot ang talon, kailangan munang pumunta at dumaan sa trekking ng ilog. Sa daan patungo sa talon, maaaring subukan ang kanilang karanasan sa paglukso sa 20 ft na talampas. Hindi kailangang magalala sapagkat may gagabay saiyo at tutulong na lubid. Mayroon ding life jacket para sa kaligtasan ng lahat. Isa pa sa kagandahan nito ay pinapayagan ang mga turista na lumangoy, maligo, at maranasan ang rafting ng kawayan sa ilalim ng talon. Sunod naman naming pinuntahan ay ang grape farm.
Kung kilala ang Benguet sa kanilang strawberry farm, sa La Union naman ay mayroong Grape farm. Natagpuan naming ito sa bayan ng Bauang. Dito ay mayroong bukid ng ubas. Isa rito ay ang Gapuz Grape Farm, ito ay sumikat matapos ang isang hit sa social media. Katulad sa Benguet, lahat ng iyong napili sa loob ay timbangin at kailangang bilhin. Nag-aalok din ang mga lokal ng libreng lasa ng kanilang alak na ubas. Nasubukan kong tikman ito at masasabi kong napakasarap ng lasa ng alak na ubas.
Natagpuan rin anmin sa Bauang, ang Rose Bowl Restaurant. Ito ay isang lugar na susubukin ang sinumang mahilig sa mga pagkaing Tsino or Chinese foods. Ang resto na ito ay katulad ng Fortune Seafood Restaurant sa Pampanga bagaman ang lasa ng mga putahe ay magkakaiba. Huli naming pinuntahan ay ang San Juan. Ito na yata ang pinakaperpektong lugar na napuntahan ko para sa nais na mag-enjoy sa pag-surf sa La Union. Inirerekumenda kong manatili sa Sebay Surf Central lalo na para sa mga backbacker na nais lamang mag-relaks malapit sa beach, tangkilikin ang live band sa kanilang in-house na restawran tuwing gabi at mga tindahan ng pagkain at mga lugar na "gimikan" sa kabilang kalye lamang.
Sa pangkalahatan, mahalagang obserbahan ang ating kapaligiran lalo na kung pumunta ka nang walang alam sa lugar o sa kultura nito dahil marami tayong malalaman at matututunan sa lugar na ito. Marami ang nagbago ngunit mananatiling likas ang katangian at ugali ng mga Pilipino sa pagiging magaling sa pakikitungo gay ana lamang ng mga drayber, tindera, at mga kutsero. Napakaganda ng lugar na ito at ito ay nagpapaalala na ipreserba ang kulturang Pilipino at pangalagaan ang kalikasan. Sana ay mapangalagaan pa natin ang ating kalikasan kagaya ng pangangalaga sa La Union upang tayo rin ay magkaroon ng magagandang tanawin at sariwang hangin sa ating lugar. Kakaiba ang nararamdaman ko sa tuwing nakikita ko ang hampas ng karagatan sa mga kabundukan, at mga nakakatakam na iba’t-ibang mga putahe. Marami ang nagbago ngunit mananatiling likas ang katangian at ugali ng mga Pilipino sa pagiging magaling sa pakikitungo gaya na lamang ng mga drayber, tindera, at mga kutsero.
