Ang Calicoan Beach ay matatagpuan sa Guiuan Province,Eastern Samar. Ito ay matatawag na Virgin Island sapagkat di pa halos nagagalaw ang kalikasan dito. Napakaganda ng tanawin. Sariwang hangin at malinis na kapaligiran ang masisilayan niyo dito.
Tuwing may low tide ay matutuwa kang maligo sa tila maliliit na swimming pool na nagagawa ng malalalim na hukay na nabuo ng nature sa mga nagdaang panahon. May makikita ka ring mga lamang dagat na nakakatuwa pagmasdan. Tulad ng starfish,maliit na pugita at mga isda.
Ang mga tao dito ay tuwang-tuwa ring nanghuhuli kapag ganito ang panahon. Tuwing low tide din masarap maglakad habang nangunguha ng mga shells na dito mo lang matatagpuan. Malalaking sea shells na nakakatuwa kolektahin.
Napakasimple ng pamumuhay ng mga tao dito. Mura lang din ang mga pagkain pero nakasisiguro ka na ito ay fresh at bagong huli. I love seafoods at sulit talaga ang pera mo sa mga seafoods nila dito. At napakababair pa ng mga tao dito. Very accomodating.
Ang isa rin sa atraksyon sa lugar na ito ay ang Surfing. Madaming dayuhan ang pumupunta dito para magsurf. Maganda kc ang alon ng dagat dito. Perfect sa mga mahihilig mag surf. Kahit ang mga taga rito ay magagaling din sa surfing. At nakatutuwa silang panoorin.
Ang pagbisita at pagpunta sa lugar na ito ang isa sa di ko makakalimutang pinakamasayang experience ng bakasyon sa buong buhay ko. At kung ako'y papipiliin ng pupuntahan pagkatapos ng pandemyang ito ay dito ko pipiliing pumunta kasama ang aking pamilya. Calicoan Beach ng Guiuan Eastern Samar,ang bakasyunang masarap balikbalikan!