Magbinisaya ta bi, para gamay ray makasabot! Hahaha!

2 29
Avatar for Jento
Written by
1 year ago

Nagtoo oroy mga taw dili ko kabalo mag binisaya?! Englishera lagi, kapoy man gud magbinisaya kay hastang taas… Mobo raman gud ug English… Savvy! Aha! Ingon-ana ang deperensya… Gets na!

Maayong buntag sa inyong tanan. Alegre mag binisaya oi, kay mga tagalog dili makasabot. Ilabina nga murag nasuko ang pagstorya, aws, alams na… Plus, sus! Pun-an pa sa balikas nga wala ngari, wala ngadto… Unsaon nalang… Mga sinultihan nga “sus!”, sikat na kaau karon sa youtube nga wla gani siguro kasabot unsaon paggamit sa “sus!”… Hala! Sus! Lang gihapon… hahaha! Na pay “sa!”… Aw!

Sadya maminaw sa silingan nga hastang isoga mag away kay “isug lagi manulti ang mga bisaya!” hahaha! Alegre, kanang mag inom ug mag abot ang mga istoryang mini! Nah, sa mabulsa lang… Kay kaning akong storya karon, wla say tumong! Hahahaha! Basta nagbinisaya lang ko… Pati gani si AI, wa jud siguro kasabot sa akong gipanulti… Sge lang, mag mugna rako ug daghan binisaya nga gisulat bag-o matapos ang tuig… Para lain sab ba! Di ba!

Toink! Nakamugna lang ko kay ni uli man gud ko sa akong pagbreak, unya sa dihang mga kasakay nako kay mga estudyanti man, hastang sayoha ni adto ug skwelahan! Asa ka, alas singko palang gani padung na sila sa skwelahan?! Toink, tog paman akong bunso ana oi… Unsaon! Ni uli ko kay wa man gud ko ka andam sa iyang baon karon kay wla nakoy bugas sa balay and gitapol ko ug luto ug sud-an gabee… Nagrebeldi akong anak kay nagtoo siya nag sge lang kog katog!

Bitaw, sge lang bitaw kog katog karon panahona nga nasakit akong kasingkasing! Char! Dali ra jud ko maluya ai, gamayng laba, sus, wla na… Piyong na! Taod-taod, mata na sad ko… Manglimpyo, nah, maluya na sad… tug na sad… Ingon-ana ang akong kinabuhi karon paghoman nako mahospital atong Hunyo. Nagtoo siguro akong anak nga sayon ra nga dali ra maluya… Sus, tawn, dili intawn kay daghan trabaho matangong. Kinsa man gud intawn ganahan magtapun-ok ang mga trabaho, unya mogasto na sad ko ug sohol para ma apas ang labhonon og limpyohonon? Pag sure oi! Hastang mahala na karon panahona, mogasto pa jud ta ana nga pwede raman na nato mabuhat. Sa ako lang siguro kahimtang, hinay-hinay lang noon.

Hihihi! Pasensyahi na jud ang masakiton kay wla jud damha nga masakiton diay ko daan ug kasingkasing. Karon nalang ni gawas nga gor nako! Lolz… Taga-eh higayon ang gor, please lang ayaw na ninyo labda! Hahaha! Sabta nalang…. Wla naman koy sumpay oi, diri nalang ta kutob oi… hahaha!

Salamat kaau sa pagbasa!

December 3, 2022
Image: my own

4
$ 0.00
Sponsors of Jento
empty
empty
empty
Avatar for Jento
Written by
1 year ago

Comments

Rest ka sis. Pahuway pag kapoy ka para marelax. Ka alegre lang basahon pag bisaya ang words. Ako bisayang dako sad.

$ 0.00
1 year ago

Isa ko sa mga makasabot ani na bisaya. Pag amping kay ang kasing-kasing.

$ 0.01
1 year ago