Hugot sa Pasko

Lanug na karon sa mga mall ug uban pa nga mga tindahan ang mga kanta ni Jose Mari Chan. Gibati na jud sa mga tawo ang kabugnaw sa hangin og ang pagka-excited para sa Pasko. Ug daghan na usab nga mga party; Christmas party, Year-end party, Children’s party… pero ang pinakanindot nga party, kanang mahimo kong “party” sa imong kinabuhi. (chour)

Ang panahon sa Pasko, mao usab ang panahon nga atong ipang-display ang atong mga Christmas tree ug Christmas Lights, atong gina-sirado ang atong mga pultahan aron dili ta masamok sa mga bata nga nanaygon sa gawas sa atong balay, og ang panahon kung diin adunay dakong “magic” nga mahitabo. Kay basta pasko na, si ninong ug si ninang mawala na.

Dili nato ma-ispeling ang “Pasko” kung walay “Pas” (Past). Ambot kung ngano, nga dili man unta ko ganahan og History, pero nganong kanunay man ko makahinumdom sa among love story? Ang gugma ug “Hugot” init na kaayo karon labi na sa mga batan-on. Pero kabalo ba ka, nga ang “pasko” adunay “hugot” usab? Ay anah! Nagtuo ka nga inyong relasyon ra ang naay hugot? Selfish jud diay ka, kay gihigugma man nimo ang tawo nga wala kay sure kung higugmaon ba ka forever, nga naa man unta kay ginikanan nga bisan wala nisaad, wala man pod ka gibiyaan.

P - Paglipay! Ayaw pagsige og mug-ot kay ang kagahapon dili na mabalik. I-enjoy ang imong kinabuhi karon, kay basin ang ugma, dili na moabot.

A - Ayaw na og asa. Ayaw isuksok ang imong kaugalingon sa tawo nga dili ka gusto, kay dili man ka isda nga gipugos og sulod sa lata, dili baya ka tinapa.

S - Salig sa imong kaugalingon, ayaw isalig imong nawong sa sabon, unsa diay na imong dagway, labhunon?

K - Kalimti ang past. So, if naa ko’y utang nimo, I’m sorry.

O - Otot gani, dili makita, “True love” pa kaha? Maong ayaw’g tuo anang ilang giingon nga “Love is in the Air,” umatubang anang electric fan, imong “true love” wa gihapon nimo makit-an. Ang uyab, pwede pa ilisan, pero ang atong ginikanan, dili na, busa ampingi sila; kay sila ra ang mga tawo nga andam buhaton ang tanan, malipay lang ka.

Ang pasko dili lamang panahon sa paghinatagay, kon dili, panahon usab nga padakuon ang atong pagtuo ngadto sa naghimo’g rason sa Pasko ̶ Si Hesukristo. Ang atong atensyon natabunan na sa dagkong butang nga atong nadawat sa panahon sa Pasko, og tungod niana, atoa ng nakalimtan ang Ginoo, ang atong mga kaigsuonan nga nagkinahanglan sa atong pagtabang ug pagbarog isip usa ka igsuon diha sa pagtuo.

Sa mga pasko nga nilabay, nakasinati kita og mga pagsulay nga nagtudlo ug nagmalig-on kanato. Daghang mga butang nga nahitabo sa atong kinabuhi nga wala nato damha, labi na gyud sa gugma. Sa relasyon, dili sukdanan ang pagsige og uban, kay naa gani uban, gi-uban nalaman, sila gihapon ang nag-uban. Ayaw huna-hunaa nga ikaw nag-inusara, hangad lang, kay naa ra siya. Karong Pasko, pili-a tong tawo nga mo-ingon nimo nga, “Kung mahigugma ka, dapat tulo; Ikaw, Ako ug ang Ginoo.” Bisan pa man og ikaw ang permi mabiyaan, salig lang, naa gihapon ka’y ginikanan. Nga bisan pa man og wala na ka’y maadtuan, naa man gihapon ka’y mabalikan. Ayaw kabalaka kung daghan kanng mga problema, salig lang sa Ginoo, siya na’y bahala nimo. Mao kana ang “Hugot sa Pasko."

Lead image from Google.

Daghan Kaayong Salamat 👇👇👇👇👇👇