Mahal Kong Ina

Mahal kong ina

Mahal na mahal kita

Pag-aalaga at gabay

Sa amin ay siyang bumubuhay

Hindi ka mapapagod,

O magsasawa o mayayamot

Minsan kami ay asungot

Kailanma'y hindi ka nagdamot

Sa gawaing-bahay

Hindi ka sumasablay

Kahit pagod o tumatamlay

Oh! Aking ina pagmamahal mo'y walang humpay

Aking ina nagpapasalamat ako

Dahil sa iyo naging buo loob ko

Balang araw ikaw ay aking aalagaan

Pangako sayo ika'y aking iingatan

Mahal kong ina, tunay kang mahalaga

Sa puso ko, palaging nandidito ka

Ang kabutihan mo ay di maikukumpara

Kahit pa sa iyo'y wala nang matira pa