Pambura

Kung maibabalik ko lang ang kahapon

Lahat na sinayang na pagkakataon

Na hindi na kailan pa mangyayari

Dahil iyon na pala ang huli

Gusto ko man umiyak, magmukmok

Ni patayin ang sarili, aking ihihimok

Makalimutan lang ang bangungot

Dulot ng madilim na kahapon

Ngunit naka-agapay sa likod mo

Pambura na nariyan para sayo

Tutulong upang tumayo't bumangon

Para harapin ang bagong pagkakataon