Para saan pa?
Kung pag bubutihin mo kung nandaraya ang iba
Bakit ka mag aasksaya ng enerhiya?
Kung ang kapaligiran mo'y iba ang sinisinta
Natatakot kang maging katulad nila?
O ayaw mong tanggapin na mas prayoridad lamang ng iba kung ano ang mahalaga
Marami ng nag bago
Hindi na sila tapat at totoo
Ngunit sa kabila ng mga ito
Iisa lang ang sigurado
Yun ay ang kagustuhan ng bawat isa na makatapos
Mahirap tanggapin
Na sa makabagong mundo
Iba na rin ang kahulugan ng esensyal at epektibo
Hindi man napalitan ang halaga ng tama at mali
Ang mundo'y mananatiling makasentro sa epekto at sanhi
Masyado ng magulo
Hindi na tayo sigurado
Mga daang maaring tahakin
Ito nga ba ang tamang direksyon
o ito'y isa lamang sa mga pintong dapat nating katukin
Bawat isa'y may kasamang takot sa lahat ng dimensyon
Hindi ko alam kung hanggang saan
o kung bakit ko ito sinimulan
Nagtataka
Natatawa
Mga problemang hinain ng buhay
Hahayaan nalang bang manatiling problema?
Pagod
Takot
Halo-halong emosyon
Araw araw nating baon
sa ating pag tumba at pag bangon
;
Tama na.
