By:Vasquez,Mark Gerald
Kaskas ng gitara sa nakakabinging katahimikan
Paghigop ng kape sabay tingin sa kalawakan
Nakita ko sa aparador na napaglumaan
Mga ala-alang sa musika ay naiilarawan
Mga tugtuging hindi na bago
Mga ala-alang bumabalik sa tugtuging di na uso
Yung puso sa bawat lyrika
Ramdam ang damdamin sa bawat salita
Mga lumang plaka ni lolo
Mga damdaming puro
Habang umiikot ang plakang ito
Naalala ko ang mga ngiti mo
Dahan dahang tumutugtog lumang musika
Maari ka bang maisayaw sa ilalim ng mga tala
Maari ka bang makasamang pakinggan ang tugtuging luma
Habang nakaupo at pinagmamasdan buwan na kay ganda
Mga lumang plaka ni lolo
Pusong sinagip mo na dating sumasaklolo
Kalmado na ang isip wala ng gulo
Iniisip na sana ay kasama ka habang pinapatugtog ang lumang plaka ni lolo